成日遲到的男友
-
同男友拍拖6個月了.....他對我其實挺好的~
挺體貼的~
我們有時好似好夾咁.....但有D事又非常唔夾..
例如佢好想我同佢D家人好熟...
好想我同佢地變成一家人咁
但我自己又覺得未有呢個必要住....因為我地拍拖的時間仲好短..我又唔想成日去人地屋企
所以我都係一個月去一次...
況且佢家人對我亦相當冷淡...同佢地打招呼又唔應我....亦唔會主動同我講野的~令我覺得好難受(佢前女友同佢家人好熟...到而家都係~我男友飛左佢..佢全家人都覺得佢個EX好慘的~~不過完全唔關我事架!)
不過我都唔太介意~我只介意我男友成日因呢件事話我.....
但佢從來唔會話佢家人.....
我冇憎佢家人...只係覺得夾就夾...唔夾就唔夾.....
另外近呢三個月每次約親佢佢都遲到~仲要遲成半個鐘
我生平最憎人地遲到~因為覺得不被尊重~
我知佢約咩人都遲到~但我真係好討厭等佢~
我係女仔來的~點解要我0係炎炎夏日下等佢~???
我已好鄭重話俾佢知...我只會俾佢半年的時間改..........
我亦答應佢會改變自己的壞脾氣..........
唉.....我初初覺得佢係我的MR. RIGHT
但愈來愈冇呢種感覺了..........因為次次我最需要佢的時候佢都唔係我身邊
我唔想咁易放棄......但又覺得好累............
唔知應唔應該控制自己...唔好付出咁多呢.........
-
咁多不滿, 咪換人囉
-
只係半年, 妳一係俾多三個月試用期佢
唔o岩就走啦, 無謂o徙大家時間
-
其實, 有冇諗過佢要你同屋企人關係好既原因呢? 會唔會佢需要屋企人對你既認同呢? 你都講過, 佢之前既女友同佢屋企人關係好好, 分手, 對佢同佢屋企人都需要適應, 係你既立場當然冇錯, 但長遠計, 你同佢屋企人既關係都好重要, 係咪?
呢段關係明顯地你係要有被愛感覺, 但會唔會你忽略去愛既行動呢? 如果只係計較對方所欠既, 其實你同邊個一齊都唔會長久, 當然, 冇可能迫你去愛一個人, 但假如你自問唔係真係咁愛呢個人, 早走好過遲走.
-
我明白佢的想法~佢好重視屋企的......但佢地對我點佢自己都有眼睇~
我第一次上去佢屋企...佢D屋企人已當我透明的,仲成日當住我面前提佢個前女友~我真係好難堪啊~~最難受係我男友一D都唔體諒我........如果將來真結婚了...我真懷疑佢會保護我嗎??
我知我好任性~有想保留付出感情的想法好自私......說真的我不想放棄~他對我其實挺好的~但這個問題真令我頭也大了.......
-
Shelia,
So u very sad about this?
-
Kort is bas
tard!!
-
真係傻, 關係點樣建立, 你知道嗎? 好互動架, 你估坐係度人地就老馮對你好? 你自問, 你做過啲乜野咁快確定你融入唔到佢家庭? 如果你真係出過曬力, 對佢每一個屋企人都用心去關懷, 多年黎都冇好結果, 你可以話問心無愧.
你要睇清一個事實, 如果你同佢屋企人關係好好好好, 佢會被你支配, 你睇到嗎?
-
Bi 點解佢男友屋企人要黑面?
點解佢地唔可以主動對板主好d呢又,我想問問!
-
我會咁諗, 男友屋企人同前女友關係好好, 甚至乎覺得男友對唔住個女仔, 唔多唔少會覺得對前女友唔住, 如果咁快就接受另一個女仔, 中間會有感情上既矛盾, 但係, 唔等於要 reject 所有新女友, 問題係, 如果你黎度咁既環境, 仲大安至意人地會對你好似第一次見女友既話, 我相信就會出現依家咁既情況. 雖然可以話唔關新女友事, 但既然客觀環境係咁, 你唔做多啲野諗住可以扭住局勢? 似乎天真左啲囉.
-
我明白BI的說法
我承認我並冇好主動....好怯........
但佢地對我黑面...其實真係令我好卻步~
我係一個好活潑的人....同人人相處都好好~
但我對佢地真係好冇膽
最怯係我男友每次都要話我....
我好唔開心&冇信心~~~
如果我男友唔話我基本上我都唔會太介意......
但佢仲要話我我真係覺得好委屈.......
-
唉, 有時真係想同你講, 拍得咁唔開心, 不如放手...
-
Shelia, add me to share if u like.
msn:[email protected]
-
Stella2010
其實我覺得你同你bf發展快左d,i mean唔應該咁快上去佢屋企見佢屋企人
可能你男友ex-gf同佢地屋企人感情真係好好,咁要一時間太快再接受你可能真係難d~不過俾d時間大家.記住你係你同你bf拍拖,唔係佢屋企人...
咁你bf有冇同佢屋企人講過點解會同佢ex-gf分開呢?
呢點好重要喎,驚佢屋企以為你係第三者介入~
-
再講話你男友成日遲到,佢會唔會平時做事都係懶懶行既人啊?
不過男仔唔應該要女仔等既,好似會俾唔到人做事有成熟穩重既感覺咁~
-
見佢屋企人係佢迫我架~~~~
我根本就唔想咁快的~我想拍左一年先見架~
我都唔知佢有冇同佢家人講關於佢同EX D野架~
如果我被人誤會就真係太慘了~~~
佢個人好有組織能力~但就成日遲到
搞到我對佢冇曬信心.......
-
放手....我都有想過
但有D唔捨得....
-
咁你bf應該同你and同佢屋企人溝通好先,安排上佢屋企
而家我聽你咁講好似你俾佢擺左上枱咁呢~
好有組織能力又會成日遲到......
不論你約左朋友or女朋友都唔應該遲到,你話一次半次就冇所謂
如果次次都係咁好似不被尊重咁.又唔諗下等你果個係條街度幾咁無奈...
你下次再係咁揾間餐廳又好,咩鬼都好坐低等着數d啊...
-
感覺上, 佢唔係女友第一既人, 所以我估你冇辦法改變到佢, 唯有照單全收, 唔得就唔好再投資落去, 好既又對你唔差既男人大有人在.
-
幾個月都唔捨得??
佢好有錢定好靚仔呀??
-
唔捨得係我成日諗番佢當初對我的好........
佢唔靚仔...另外我無論學歷,人工同儲蓄都高過佢.....
但呢方面我真係一D都唔介意...只要佢對我好就行了~
佢唔係對我唔好...但我感覺...佢係用佢自己的方法...I MEAN佢覺得佢需要對我好的時候就會對我好~不過其實佢都成日理我的~
有時我好需要佢的時候佢會拒絕我的~就好似我病左好想佢今日陪我...佢明明得閒都會唔陪我的....
-
你講到佢咁...........仲有咩捨唔捨得可言........
有時都好唔明你地d女人
-
佢曾經講過佢對我係最好~(among all his ex-gfs)
佢唔係唔好....但可能唔係太適合我而已.....
-
咁即係你愛佢多過佢愛你
你可以為佢付出,但佢未必做到
你有有試過同佢傾下,你自己想要既係咩既愛情感覺 ?
-
我怕係我諗埋一邊......
-
長痛,不如短痛!
-
病左都唔陪你, 咁都算好????
-
唔好咁快下決定,冷靜!
-
醒下la......除非你係好差+無人要
唔係洗咩咁............
-
咁愛情唔係單方付出呢
單方面去付出都唔會開心啊~
-
前日我病左...佢放左工飯都未食都黎睇我~
今日我都未好返...留0係屋企想佢黎陪我~
打俾佢~聽到佢屋企好熱鬧~
跟住佢話有D野做唔黎陪我....
之後我話算啦~
之後佢又打俾我..我對佢好冷淡
佢問我係唔係嬲佢....
我好唔開心...我好少要求叫佢陪我的...
不過我都唔想同佢多講我的感受....
-
咁你前日病左佢都第時間黎睇你,咁今日佢可能覺得你已經好番d
咪諗住唔駛黎陪你啊~
加上可能佢今日有節目都唔出奇
-
我估佢見完你之後, 覺得你既病情唔係好嚴重, 而屋企又有啲事, 都話大佢重視屋企架啦, 所以唔過黎陪你.
-
其實兩個人一齊最緊要係開心
如果單方面對大家咁不滿,咁以後一齊既日子咪仲會更加唔開心 ?
兩個人一齊最緊要識得互相忍讓,唔會有十全十美既人嫁呢個世界~
你接受得到咪可以一齊,但如果你覺得唔開心or難受就真係要諗清楚仲應唔應該一齊啊 ?
-
同佢屋企比我永遠係LESS IMPORTANT~
呢個我都冇咩問題.....
唔同佢屋企人AND佢唔遲到的話其實都好開心的...
不過呢兩個問題好難解決~
-
Sheila 2010
唔遲到都難解決...?
呢樣擺明係人既問題喎...
-
半年後佢再遲我一定同佢分手~
頭也不回~
-
好! 我等你! 哈哈哈哈!
-
Hi!
-
唉..你重俾半年時間佢??可能佢下個月就唔要你啦..不如..自已唸自已好過啦..對你好..冇人俾佢好..原來你已習慣她一套呀...女..聽多d歌..留心d歌詞啦!!
-
習慣咁易改到先奇
唔好話你男友
你自己都改唔到你自己的習慣啦