急!會死人!比人呃完感情,佢老公呢兩日打泥…



  • (段野長少少,但真係
    希望大家幫幫我!)


    呢個女人,初初就呃我話未結婚…

    行埋左先至知…

    呢段期間我有上網試過起佢底,知道佢屋企人facebook,佢本人hotmailemail,佢老公電話(後尾先知呢個no.
    係個老公嘅)


    後尾佢先爆料話佢其實結左婚,就係食住我對佢仲有感情,享受左我嘅關心同照顧…(其時我已主動沒有親密行為,但都keep住朋友關係,同密密煲電話粥)

    呢三兩日有幾個電話打比我,個來電顯示係佢老公嘅(我後來先醒起)

    每次打泥都無出聲…

    之後今日個女嘅打泥,我講起呢件事,佢首先就話係佢老公懷疑佢,後尾就話係自己唔小心�鰱蠿�…

    然後佢叫我打去同老公澄清…

    我話:「咁樣仲麻煩,妳諗真d,我去講唔係問題,但係男人對男人,分分鐘越描越黑,本來無,都變左此地無銀的」

    跟住佢就發曬脾氣,猛話佢老公係好大疑心好麻煩的…而家點?

    後尾佢話唯有少d聯絡啦!

    本來我都又亂又傷心…後尾坐底落泥諗真d…就發現兩個疑點…

    ()a.個所謂老公打比我,從來都無出過聲,根本唔可以肯定裡面嗰個係老公定佢本人

    b.打泥同我講呢d野,就係想(利用完我)甩身走人…

    ()
    a.
    真係出咗事!佢想解決問題…



    b.
    唯有同我疏遠先至無事…但係我同佢講,妳老公咁樣妳日後都好辛苦…兩個人都唔坦誠…






    講返我,其實我真係鐘意佢的…

    但係唔知道佢嗰邊實情係點,如果係佢想趙完鬆,咁我真係要比個教訓佢…想爆佢大獲…


    如果佢真係屋企出左事,我就都想幫佢搞返掂的,就當負返d責任,須然佢真係呃左我咁耐…


    大家幫我分析下,佢似係邊種動機多d?同埋我應該點應對?



  • 算吧喇,男人,小事黎姐,既然鐘意過人地,就由得件事丟淡囉,佢想點係佢事,你自己要有風度,同佢老公解釋就一定無可能啦!但都無需要爆人地大鑊



  • What a mess!!!.....



  • 佢會玩完一個又一個,多d人受害,如果遇到個癲佬,咁點算先!



    我唔係純粹為發洩而做…



  • 都唔駛點睇, 你幫與唔幫都係死 but 唔幫可能死唔曬!

    1)幫佢的話: 萬一佢係爭落人地一大筆債, 你攪到佢離婚, 筆債應該算係你頭上! 因為你係第三者! 

    2)不幫的話: 你最多都係做衰人(如:你所說是屬實, 你被呃在先, 你都無需要自責咁多) but 你不需要負上其他不必要既責任!



  • 咁佢做得出,自然要同自己負責喇,出得黎行,遲早要換吖嘛,唔駛理佢咁多,唔通你爆完佢就會變返乖?你爆咗盞你自己影衰自己,要尊重自己先,同佢間清間楚無再拉愣咁咪得囉



  • 裝個局... 屈錢!



  • 已經知人有老公,仲想同人一齊?危險..................



  • 就係食住我對佢仲有感情,享受左我嘅關心同照顧…

    其實我真係鐘意佢的…

    咁我真係要比個教訓佢…想爆佢大獲…

    如果佢真係屋企出左事,我就都想幫佢搞返掂的,就當負返d責任
    _______________________________________

    你的心巳被這女人昏了.

    說什麽又"
    教訓佢", "幫佢搞返掂"  都是假的.......

    你最想擁有這個女人, 才是真的!

    可是, 愛一個不誠實, 終日謊話的人, 這人誠信何來? 每每都要過濾她的言語及背後動機, 那來
    感情最基本的誠和愛呢?

    退一步想想, 你是愛她? 還是人悶了, 這個尤物出現令你生活便得精彩?

    要精彩, 也要有實際感情支持呢!

    勸你, セ都唔好有咁多搞動, 想想自己抽離這個女人對你最得益!



  • 放棄.



  • 唔好搞咁多嘢啦!

    對你又無好處!

    佢又唔駛你幫!

    你要報復更無謂啦, 曾經開心過咪算囉!



  • 又鍾意人, 又想要爆人大鑊 ?



  • agree with the 1st reply



    算把啦





  • 都唔一定既



  • 起初, 你可話人呃你, 但你知道真相後, 所有責任便是你, 不要賴人.

    你繼續同佢一齊, 100%是你唔啱, 因你是第三者.



  • 咁點呢?佢hurt完一個又一個,唔係個個男仔都係玩玩下,我戀愛經驗少,年紀又不少了,真的有想過認定佢係我嘅伴侶…



    原來你地全部都一次又一次講d殘忍嘅事實比我聽…我問左好多次,有無0.1%愛過我,就算過左去,我都唔會死螺的,至少有過答案…但係我都係問唔到!



    而家仲要擺曬酒,咁可以點,咁應該要話比我聽佢好幸福,要比我睇到佢生活得好開心!所以我先至去出席的,我原本真係想祝福佢的,但係事實又點,願來都係勉強一齊,咁點解我要忍痛去祝福佢地…



    我講左報復乜野一切一切,你地以為我個心好受嗎?我心好痛,痛過比人打…

    如果真係佢勉強應承扮同我一齊,你地以為我會即刻同佢上床咩?我為呢樣野咩?我諗到時我會難過到攬住佢喊呀!





  • ian2910



    let her go, if u really love her

    sure u cannot forget to her



  • ian - 好明顯, 佢係無想過跟你在一起, 就算一句鐘意你佢都唔願意講, 佢仲可以要求佢什麼 ? 宜家好多女人就算結左婚都會出來玩, 只是你見得少, 宜家唔知好唔好彩又俾你遇到, 你都係放手啦. 係為左你自己啊.



  • ian - 你唔捨得的只是得不到的感覺, 而不是她, 就算俾你得到佢, 所有的事都會不同了. 你認真的想下你真是那麼的喜歡她嗎 ? 我見議你現在什麼都不要想不要做, 將她先放下不跟她聯系, 你要跳出左呢個圈你先會好冷靜咁分析知道自己想要什麼. 你繼續在她身邊轉你永遠都會比她牽制住.



  • 施主
    不是是非人, 不留是非地.....
    好自為之



  • Wait & See



  • 我覺得佢果邊出左問題

    你唔好插手落去, 唔好再同呢個女人有聯絡會好d

    咁係保障你人身安全, 因為你都唔知佢果邊有咩人咩動機



    你小擔心,你唔出聲唔露面仲好啦

    個女人自己會自行拆掂



  • her responsibilies, too



  • 個女人叫你打比佢老公做咩先?

    你地真係有野喎, 叫你認, 定係唔認先??

    依家唔通又要你一個大話com一個大話



    你諗住幫佢?!!?唔好傻啦

    唔好將自己既身份,由受害者, 變成幫兇!

    我係女人都覺得你唔好出手

    由得個女人自己拆掂佢先啦

    你打去,多個人多把口仲煩啦



  • exactly



  • 已經過左一個禮拜…



    好想好想講,呢個女仔嘅過去同點解我會鐘意佢…



    我從來從來都覺得,佢本性不壞…變成而家咁,佢亦都有辛酸同痛苦嘅過去…



    咁耐以泥相處,佢當然有同我講過佢屋企,每次講到佢細個嘅時候,沒有愉快趣事,沒有值得開心嘅野,多數嘅時候,講嘅都係一次又一次,喺街市幫媽咪手嗰陣,點樣比賊偷野,點樣比人蝦,每一次都係唔開心嘅遭遇,曾經大膽問過佢爸爸,結果係唔想提…佢一次都無提及過…我明白,呢個係佢死穴,過去母親被父親拋棄…得佢同阿媽,細妹相依為命…不止一次,講嘅時候,我知道其實佢有幾難過…



    睇佢細妹facebookd相,睇到過往兩姐妹從來沒有一絲笑容…,佢出泥做過一排野,點知又比最好嘅姐妹出賣,搶左佢第一個男朋友,仲要週圍唱衰佢…等佢無曬朋友,一個人晚晚喺屋企喊…佢內心有幾痛苦…我不止一次感受到…





    三年到前嘅佢啱啱入泥公司做我同事,每個人對佢第一印像都係唔好嘅,每日返工放工都係一個人,從來無朋友搵佢,亦都甚少同同事交流…名乎其實係孤獨精…我留意佢,係因為喺佢身上睇到自己當年初入行嘅處境同遭遇…(同事唔夾,一個人處處碰釘無人幫,亦都無人教佢,亦都唔識面對客人,成日比客鬧到喊…) ,因為自己係過來人,所以就想幫佢,同佢鋪好d條路,希望佢唔駛好似我後生嗰陣咁辛苦…



    慢慢咁,教識佢我所有野…帶住佢,關心佢,亦都同佢介紹多d朋友,想佢擴闊自己嘅圈子,遇到事都有朋友幫…



    一路以泥,睇到佢係改變緊,笑容多左,朋友亦都多左(都係我識嘅) ,工作上亦順利好多…



    曾經以為可以改變到佢,為佢嘅轉變而覺得安慰…但係而家已經乜都無曬,佢可曾知我難過,可曾真正感受到我嘅心思?



    呢幾日搵過d friend,佢地講開其實有時都對佢不滿嘅,我都仲係叫佢地體諒佢,唔好離棄佢…







    (話我知!我無睇錯人!話我知!人心肉造,我關心佢,佢feel到?話我知!我做嘅任何野並非毫無意義…話我知!佢總有一日會明白我心意?我個心仲未死,我知我仲等緊…)



  • 我真係無再搵佢啦!連電話都bad list左…



    點知佢呢幾日用我唔知嘅公司電話打比我,第一、二次我無聽…



    第三次,佢又轉電話,我以為係其他人,唔覺意聽左…



    一開頭,佢就話點解搵我唔到,我話唔知佢打過泥…



    我靜左一陣,佢話睇到個email,話而家無曬事啦!…



    跟住就又捉住我,係咁講野啦…



  • 我早兩日過左d錢落佢戶口,驚佢又唔夠駛…我無同佢講架…我係想靜靜地幫佢…但係又唔好咁易比佢搵到我的…



    我打算試下對佢若即若離…,聽日係佢生日,唔知係想搵我食飯,定發現左我過錢比佢…佢今日打左11個電話泥…我都暫時忍住無聽到…



    下一步未知點做…有無人教下我?





  • 今日係第二日,佢夜晚打電話泥,我聽左…



    一開始佢問我琴日點解唔聽電話,我呃佢話我手機無電…



    跟住佢想同我傾偈…但係真真真係咁啱得咁橋!我剪緊頭髮…



    我話比佢知SET緊頭,佢竟然叫住我唔好收線,請求我比佢講兩句…



    跟住佢話公司暫時調左佢去乜度,都算好彩返工唔遠雲雲,之後佢話進修D野…



    點知我見髮型師等到唔耐煩,我覺得唔好意思,就話轉頭打比佢…



    佢好失望咁話:「唔駛啦!唔好打比我,我差唔多到屋企,唔方便講電話…」



    於是就終斷我地對話…



    我諗住聽日打返比佢,關心下佢…同佢講生日快樂!



    唔知若即若離行唔行得通?



    (另外,我早兩日過左D錢比佢嘅,我諗佢仲未發現又或者未打簿唔知…都無提到,而且我覺得花少少錢唔係乜野囉!就算知但係扮,無還比我,都唔緊要,我豪得起…唔知佢發現之後會點?)





  • **May Be A Trapp.....

    Keung>>>>>>>>



  • what's it mean?



  • 怪人



  • sounds like a yellow-foot-chicken trap to me, u'd better watch out bro!



  • 下!我都講佢知我過左錢比佢…都唔係佢一早夾定嘅?第二,嗰d錢唔算大數目咋!



  • call police la



  • 你呢D死鹹蟲,抵你死喇,攪人地老婆,



  • 明知有問題仲要走埋去..

    明知自己年紀唔細, 仲要玩火..

    你唔救自己, 响呢度到千個POST 都無意義..



  • 總知你ENJOY 就得啦..

    比得錢, 既然唔係多, 就唔好提啦, 駛乜話豪唔豪比人..

    一邊又要玩, 一邊又要驚..

    驚死呢世無第二個女人, 自己又好色, 咪唔好放, 明知有可能死人, 咪死到嚟先算囉..

    否則, 咁大個人, 仲有乜要諗?

    睇怕你係覺得投資咗咁耐, 覺得就咁放手好唔底就真..



    橫掂死果個又唔會係我, 唔爭在比多個希望你, 可能個女人唔係結咗婚, 只係想揾方法離開你啫..



  • 你由頭到尾都唔死心, 你醒下啦, 你唔想醒無人幫到你

    我明愛情係麻木, 但你都話自己年紀唔細, 理智d 啦做人, 你做得到!!!



  • 我係女仔,得罪講句,你d語氣

    感覺上,你係果d三十幾四十歲人

    無乜大成就,但有份工做左幾十年唔會餓死果的人



    你同佢咁,我覺得你係輸唔起唔甘心

    依d心態其實一世都唔會贏架喎

    講到自己好偉大咪計較無回報囉

    如果真係咁愛既,祝佢幸福咪算



    其實你比佢厄左次做左傻仔

    依樣野係唔會改變

    你一路投資落去,無論你放幾多心血同幾多錢

    事實係你都唔會贏,你都係無回報,你都係傻仔



    你知唔知,我睇你打野,覺得你語無論次

    一時又好愛,一時要報服,一時想佢好,一時好偉大入錢幫佢,一時唔志在果少少錢,一時又可憐佢,一時又話你報仇都係唔想佢害其他男人(可能其他男人就係鐘意佢係人妻,玩完無手尾),一時又話佢神憎鬼厭(咁咁多人唔鐘意佢佢坤乜)

    你知唔知自己做緊乜

    你知唔知自己想要乜



    你想愛下去,愛囉,但愛一個人就未必有回報

    你想幫佢,咪幫囉,但同上

    你想報仇咪報囉….

    但係我真係唔知你想要邊樣…. 咁點



  • 其實我呢幾篇野打落泥好係有d語無倫次咁,係因為我一直打左,都唔得閒post上泥,而家一次過post咪有d怪怪地咁…



    講真我心態真係有時好矛盾嘅…但都係鐘意佢姐…乜乜報復,有時祇係諗多左…



    問心嗰句,我都係唔想傷害佢囉!



    或者講到尾我真係未死心,本來硬住心腸唔理佢,結果到佢好緊張咁打泥…所以我就想繼續落去囉!希望有日我地會一齊…(雖然唔知有無將來)



    愛人得唔到,就祝佢幸福,我以前信嫁,但而家我祇覺得係自我安慰咋!已經唔想再聽…



    點解次次我都要顧人地感受,為人地著想…我太痛苦,真係好想自私一次…鐘意人就爭佢返泥啦!我忍夠啦!



    不要再講嗰d令我絕望嘅說話,一次又一次咁殘忍對我,我唔想聽…



    (再一次詞不達意!sorry! 同埋我想講我仲有排先到四十歲囉!)





  • 版主, 你有時間就讀多d書, 了解吓做人的道理, 明白後, 你就知點做



  • 你果少少錢少少鋪路

    付出其實唔等於收獲既



    如果係咁,咁劉德華咁多FANS

    D FANS為見偶像跟出跟入飛來飛去

    咁劉德華結一萬次婚都唔掂



  • 至少唔會後悔吧!已經厭倦咁被動俾感情牽住自己落去…



    做好人唔會有人知我辛苦…有d野唔嘗試去爭取…對自己係遺憾…



    而且我已經嘗試過唔搵佢喇,而家係佢搵返我先…



    有時對我泥講,已經唔再係一廂情願諗住會修成正果…就算最後都係失敗左,至少我個人會輕鬆好多,唔會好似而家咁疲倦…



    苦苦刻制自己,乜都得唔到,祝福人係廢話,換泥祇係週圍個個讚我好人,balabala…



    (讀得多書又點,感情事都係唔易處理的)



  • 唓!佢有本事食你,就有本事攪掂佢老公,你使同佢憂?正on男!



  • ian, 睇曬你寫既野, 無錯你係愛個女仔, 但係, 我都覺得你唔應該出面同佢老公講任何野, 因為你根本唔知個女仔係咪真係只得你一個男人, 如果佢本身有其他愛人, 咁你只係佢既其中一隻棋子, 由你呢隻棋子去代表佢真正既愛人, 咁你就有機會死得不明不白。



    另外, 香港有好多好慘既女仔, 唔通你個個都幫, 你個個都愛? 講真, 以前既香港環境, 有幾多個依家 30 歲以上既女仔係可以出身富裕丫, 甚至小康都唔多啦, 慘既人大有人在, 你講到個女仔咁慘, 話你知, 我都慘, 仲係父母兄弟姐妹緣薄添, 咁又點? 唔通又叫你去愛我?



    佢自己都咁大個人, 佢老公應該對佢唔差, 唔好自己 "坎" 頭埋牆啦, 好多人都知個事實, 可能其實你係比個女人玩到你陀陀轉, 係你自己仍然沉迷在自己過往所付出既一切而有點不甘心, 想爭, 如果你夠膽又真係愛佢既話, 咁你咪叫個女仔離婚跟你一世, 同埋即刻同佢結婚囉, 如果個女仔係真係愛你, 而佢又無仔女, 咁我諗佢會毫不猶豫咁跟你一齊 & 同你結婚, 何用叫你搞咁多野同佢老公去解釋咁多野? 你想同佢講生日快樂, 我諗 sms 一句 "生日快樂" 都已經可以, 唔好再拖落去, 對你只有百害而無一利。



  • yes... agree with csls0518



    i also from poor and abnormal family (this is real)



    i can leave my HSBC account here for your donation



    thanks



  • kowloon, 我有�琤� & 中銀, 係咪都可以留埋呢, 哈哈~~



  • 版主

    我惗我可以解答到你,我係過來人,曾

    經有婚外情,情人確實係比到老公以外

    慨浪漫同刺激feeling,但我最後揀咗

    同情人一齊,同老公離了婚.

    但你的情人好明顯係揀老公唔揀同你一

    齊啦,即使你做任何事都不會改變,佢仲揾你

    係仲想keep住有多個人関心自己,明知

    你對佢死心塌地,何樂而不為?

    你都係死咗條心佢啦,點唔甘心都要放手

    啦,除非你願意一世做後備啦!


Log in to reply