另一半完全把我人生玩謝曬



  • 婚前太太雖然係一個我行我素,唔講得唔鬧得唔批評得嘅人,永遠當自己係法官判官,但都答應過話大家分擔屋企嘅壓力,適當的節儉,整齊的屋企,有規律的生活。但基本上結婚後就唔記得曬。
    佢自己賺一般,但就以工作辛苦所以要好好對自己為理由,日日勁煲煙,成日返工訓過龍坐的士,收工好疲倦坐的士,返工好辛苦所以買杉買野,係咁碌卡,當初俾張卡佢答應過係必要先碌,而家就幾乎日日都碌但又唔積極去找自己條數拖到罰我錢要我提/求先黑口黑臉找一部分,死都話係得咁多。加埋自己份糧加家用同無找曬的卡數佢一個月成三皮野洗。
    屋企亂到狗竇咁,我次次收工夜晚犧牲睡眠或者假期去收拾完過幾日又恢復原狀,家務基本上都係我呢個供養屋企嘅人做曬。唔想咁亂點解當初唔好好放好每件野,點解可以咁求其咁懶?
    家用俾到足,當初話水電煤等都係計家用,佢就樣樣都等到過期罰錢都唔交結果又係我交,一係就過曬期先交一兩份。自己同朋友買野就第一時間還錢。個枱而家仲有幾張單未找數。
    脾氣又唔好好控制下,自己咁多野做唔好人地一想提點就發曬脾氣咁,妳個人咁點會進步? 而家仲係妳阿媽個寶貝女樣樣野就曬妳咩?錢又無剩但三兩個月又想去旅行,丁屎儲蓄都無搞到咁。自己老公努力工作杉著五六年食平野無娛樂洗費就為了頭家好,妳就得個揮霍,知唔知將心比心係乜??
    又係因為佢嘅硬搞到我同屋企人幾乎斷曬來往,點解次次都要贏?贏曬又點?
    不過其實出呢個帖覺得我唔係孤獨一個,應該好多夫婦都係有一方係咁x街。


Log in to reply