問男/女,我可以點做...



  • 利申:不喜勿插

    我係已婚男
    話說係一年前工幹時識到一個女同事,極速開始左戀情,係呢一年裡面佢都有香黎搵我,我呢三個月都飛過去搵佢兩次...
    佢知我咩背景,我識佢時我對佢都好坦白,亦都係認真...
    係早兩個月我sense到有唔妥,佢對我態度已經唔係sweet 果種...直至早排飛去搵佢同佢好好咁傾,最後得出既結果係...
    1.佢認為我唔會離婚
    2.佢相信佢屋企人會唔會接受
    3.佢"話"佢唔想我為左佢放棄自己既野(包括就算我單身移民去佢果邊)
    4.佢已經冇咁鍾意我
    5.佢覺得我地係兩個地域,冇可能好似男女朋友咁
    6.佢想我係佢sl多過係男朋友

    綜合以上,聽落去都係一個果段既分手,我其實當時好失望,好唔開心,因為我特登過去,仲要係向大日子,佢話約左人唔陪我..
    btw..其實離唔離婚,我真係唔係一個concern,可能有人問我咁你當初又結?(因為我當時只覺得對方想要個名份,我唔介意比佢)同埋我地冇細路,一紙婚書,同男女朋友同屋冇乜分別...

    但話說回來,我番左去落左機之後,佢話過黎呢邊既時候會搵我...

    講真,我而家個心都仲係頂住頂住...因為我真心鍾意佢,唔捨得(就算當初我都冇話玩玩下,有咩就下位果種心態)

    前設
    對方係亞洲區名牌大學畢業生,樣靚身材正又後生...

    我既問題係想問大家既睇法
    1.就算我安排到,日後離左婚,佢係咪又會真係覺得唔係問題呢
    2.就算我單身後,唔介意為佢放低哂我呢度既野移民過去,其實係所謂既唔想我放棄你會唔會覺得只不過係想分手搵既藉口呢
    3.一個男人聽到對方話寧願做SL,正常應該開心到彈起啦,又唔使負咩責任,又得閒可以友誼波,但其實你地認為係咪都係吹水成份多?
    4.如果真係當係SL,咁我其實應該係唔搵佢,等佢諗唔到我諗乜而心掛掛番轉頭,定係話好似平時d SL咁間唔中先一個message呢...(我感覺佢應該已經唔在乎我搵唔搵佢)

    其實我都明某d事同處境,但我始終都好忐忑,我一邊唔想冇左佢,一邊又覺得佢已經唔在屬於我...
    絲爸們,站係你地既諗法,我點樣可以令佢回心轉意呢?



  • @nbaron 何必玩死自己....



  • 其實都無行啦,諗咁多都無用...



  • JP said:

    @nbaron 何必玩死自己....

    我明白時間可以沖淡,我都經歷過,但唔捨得都真係冇辦法,至少我搵唔到一個可恨嘅原因



  • Liz said:

    其實都無行啦,諗咁多都無用...

    我有企出嚟諗,乜都比你賺左啦,應該無悔。我想擺低佢,但我偏偏都擺唔低佢。如果佢係長期(半年以上)都冇搵我咁我都應該自動心死⋯當我諗起佢嚟如果真係會搵我,我又點好呢⋯⋯
    無限loop⋯⋯⋯



  • 係咪真心雙愛先? 到你放棄所有嘢同佢一齊,到時又可能話唔夾。你都好膚淺啫!玩完咪算囉。



  • X said:

    係咪真心雙愛先? 到你放棄所有嘢同佢一齊,到時又可能話唔夾。你都好膚淺啫!玩完咪算囉。

    我都理解女人變左心,講咩都係冇用。
    如果day1我係諗住玩嘅,我都唔會有咁嘅反應。
    我而家只不過係一個被動角色,我自己都唔知有咩應該做定係話乜都唔做⋯⋯



  • @nbaron 只有自己幫到自己



  • @nbaron 何必自己係度無限loop呢,邊有咁多如果?



  • 有樣野我真心想求教...若然要分,點解唔乾乾脆脆呢?咁條尾係度係咩心態?
    係想甩身甩得舒服d,定係有咩其他野?
    雖然我都冇辦法唔認為已經係過去,又可能會有人話,你仲諗黎做乜丫...
    不過我都唔希望有d不明不白...
    感謝賜教



  • @nbaron
    其實你唔想不明不白姐,可能佢就偏偏喜愛這樣,你都無佢乎㗎嘛!再考究對你都無好處,又何必苦了自己呢!事情總會過去的!



  • Sugar said:

    @nbaron
    其實你唔想不明不白姐,可能佢就偏偏喜愛這樣,你都無佢乎㗎嘛!再考究對你都無好處,又何必苦了自己呢!事情總會過去的!

    明白,所以而家當再諗起佢既時候,我只可以叫自己唔好諗或者諗第二d野,我明白時間係最老土而最見效,奈何佢係呢段感情上冇負於我,我會不斷成日諗,當初我應該點點點...
    我而家感覺只係過係叫等時間淡而唔再提起,但唔係真係可以甩到條剌....



  • @nbaron 成日會諗住係因為你太得閒啦!搵下其他嘢做吓,好過自己成日耿耿於懷嘛!美好嘅事係用來回味,展望你嘅將來。過去唔好嘅事是用來學習同提醒自己將來不要再犯同樣的錯嘛!找一個愛你的人好過啦!其實你都唔係18,22啦!無乜得再有多年可以俾你咁浪費地心痛執著下去㗎喇!早啲面對現實,早啲再企起身好過啦!



  • Sugar said:

    @nbaron 成日會諗住係因為你太得閒啦!搵下其他嘢做吓,好過自己成日耿耿於懷嘛!美好嘅事係用來回味,展望你嘅將來。過去唔好嘅事是用來學習同提醒自己將來不要再犯同樣的錯嘛!找一個愛你的人好過啦!其實你都唔係18,22啦!無乜得再有多年可以俾你咁浪費地心痛執著下去㗎喇!早啲面對現實,早啲再企起身好過啦!

    其實我都真係好唔得閒,無論工作同學業。
    不過而家工作上我亦唔會搵佢,佢亦唔會搵我。

    Btw,愛我嘅我唔想愛,我差唔多可以回復單身,只爭一枝筆



  • 其實你抽離啲睇佢所謂嘅藉口, 佢只係好婉轉咁話畀你聽, 佢已經唔愛你, 只係你一廂情願, 希望佢會回心轉意.....



  • Newbie said:

    其實你抽離啲睇佢所謂嘅藉口, 佢只係好婉轉咁話畀你聽, 佢已經唔愛你, 只係你一廂情願, 希望佢會回心轉意.....

    我真係有企過出嚟睇,客觀講,呢個不只過係一個甩身嘅打尾場對白,叫做好好睇睇。
    我落機後都只係同佢好行咁講,有緣再見。
    佢又走去同我講過嚟嘅時候會搵我⋯
    我其實只不過想⋯係就係,唔係就唔係。一係瀟灑d,撇脫d,唔好又留條尾⋯⋯

    雖然過左好一段日子,我呢刻只係想去搵一個令我憎佢嘅理由同藉口等自己唔想再擺呢個人喺心入面,但我仍然成日都係又主觀又客觀咁搞到唔上唔落。
    我呢刻都只係玩緊逃避,強行忘記,同自己講若無其事⋯⋯



  • @nbaron said:

    樣靚身材正又後生...

    由你呢句話睇黎,覺得你只係著重對方外形多d
    再者,偷食係刺激,但到係埋一齊就係2回事,當年你同另一半應該都係好好架,唔係點會同佢結婚?就算你真係離婚同呢個女仔一齊,好大機會係另一個循環。
    再者,如果年齡有相距,你移民過去一個新地方,是否適應?好多時爭執就由此而生,我勸你都係保留一段回憶好了,正如sugar 所講,都唔係細,咪咁任性不成熟吧!



  • norman said:

    @nbaron said:

    樣靚身材正又後生...

    由你呢句話睇黎,覺得你只係著重對方外形多d
    再者,偷食係刺激,但到係埋一齊就係2回事,當年你同另一半應該都係好好架,唔係點會同佢結婚?就算你真係離婚同呢個女仔一齊,好大機會係另一個循環。
    再者,如果年齡有相距,你移民過去一個新地方,是否適應?好多時爭執就由此而生,我勸你都係保留一段回憶好了,正如sugar 所講,都唔係細,咪咁任性不成熟吧!

    講真,男人有邊個唔係觀能動物
    其實我由細到大都唔係有家庭溫暖,家庭觀念亦唔重嘅人,什麼可以講係「輕」,結婚對我嚟講只不過係一枝筆一張紙,
    冇呢張紙亦可以同居生仔,白頭到老,有呢張紙亦唔代表天長地久,當初嘅結婚只不過我覺得對方想,我亦唔介意,對方亦好知道我對婚姻係咩觀念。
    至於年齡,相差十年,可以話遠亦可以話唔算遠。
    對於移民呢方面,其實我係想自己一個人生活,番到屋企可以有寧靜嘅空間。由於我冇家庭觀念,去到邊生活,只係有文化嘅差異。我都想自己一個喺歐洲工作同生活。
    或者可以叫我做太自我,咁多年由細到大,我都係自己一個捱過唔同嘅事。
    朋友⋯完全知我所有背景又最update,都唔多過3個,唔係叫做可有可無,只不過會覺得,有咩都只可以靠自己,朋友只係比到有限嘅意見同埋做聆聽者。
    我會形容自己係一條魚,冇水就會死,水=愛情。
    而今次嚟講都係⋯⋯「海鳥跟魚雙愛,只是一場意外」
    工作,學業,愛情,一波又一波連番打擊,其實都真係覺得好攰,但我都需要死頂落去,因為已經驗嚟講,花開花落,生老病死都係定律。
    高低潮都一樣,但係要點樣喺呢段時間入面盡快修復,呢個先係要點⋯

    啱啱上網睇爬下文,睇落有d共鳴⋯
    「今天再痛苦的事,到了明天都是小事;今年再大的事,到了明年就是故事。

    不要總糾結,拿著不相干的人和事來折磨自己。

    難過了傷心了,叫上三五好友吃一頓,醉一場,買個包,旅行一趟,

    你總能找到大笑一場的方法。記住,除了自己,沒有誰能為我們的快樂負責。」



  • @nbaron 希望你可以重新再出發啦!加油啊!😊😊💪💪



  • 講甘多, 你不如同你老婆講清楚啦



  • 嘥氣 said:

    講甘多, 你不如同你老婆講清楚啦

    佢尋晚已經同我講係咪想,係就一句
    時機未啱,我唔做任何野姐



  • 執著/執意... 都係一切煩惱既根源吧....



  • @nbaron said:

    其實我係想自己一個人生活,番到屋企可以有寧靜嘅空間。由於我冇家庭觀念

    如果你係咁既人,根本你唔應該組織家庭(結婚/同居),你同外地女仔一齊,你又expect 返到屋企佢唔理你,唔需要同你傾計交流?

    所以我話,根本上係一個循環!

    再樣靚身材正,都會有年老色衰既1日,我覺得對方係好明智既選擇。



  • @nbaron said:

    當初嘅結婚只不過我覺得對方想,我亦唔介意,對方亦好知道我對婚姻係咩觀念。

    但講到咁偉大,但其實係講到好似被迫咁,正如我所講,如果並非意願組織家庭,你離婚過去又如何?

    自己一個喺歐洲工作同生活......咁即係點?大家各有各生活,得閒執番劑?
    自欺欺人!



  • 垃圾男人 賴三賴四



  • @nbaron said:

    Newbie said:

    其實你抽離啲睇佢所謂嘅藉口, 佢只係好婉轉咁話畀你聽, 佢已經唔愛你, 只係你一廂情願, 希望佢會回心轉意.....

    我真係有企過出嚟睇,客觀講,呢個不只過係一個甩身嘅打尾場對白,叫做好好睇睇。
    我落機後都只係同佢好行咁講,有緣再見。
    佢又走去同我講過嚟嘅時候會搵我⋯
    我其實只不過想⋯係就係,唔係就唔係。一係瀟灑d,撇脫d,唔好又留條尾⋯⋯

    雖然過左好一段日子,我呢刻只係想去搵一個令我憎佢嘅理由同藉口等自己唔想再擺呢個人喺心入面,但我仍然成日都係又主觀又客觀咁搞到唔上唔落。
    我呢刻都只係玩緊逃避,強行忘記,同自己講若無其事⋯⋯

    而家似乎係你唔夠瀟灑, 撇脫.......
    大家曾經相愛, 點解要搵個理由去憎佢呢 !?
    一開始你應該知道這種關係不會長久, 你有她這段日子,
    你已經有賺了...........
    玩唔起, 就唔好玩, 免得苦了自己, 害了他人



  • @nbaron said:

    嘥氣 said:

    講甘多, 你不如同你老婆講清楚啦

    佢尋晚已經同我講係咪想,係就一句
    時機未啱,我唔做任何野姐

    鍾意嘅,千萬個如果,就係唔想放手
    唔愛嘅,時機唔啱,又係唔放手
    乜都俾你啱晒咁好唔好?
    咁大個人,拖泥帶水果個係你呀 :/



  • 太長...吾睇~


login to reply
 

looks like your connection to she.com messageboard was lost, please wait while we try to reconnect.