請問邊到可以存放動物骨灰?



  • 本身家中已有兩隻倉鼠既骨灰,
    媽咪最近搵人上門睇風水,
    個風水師直指話我屋企家運唔好係真係放左骨灰係屋企,
    要求我地盡快處理左佢
    我媽咪一定要我掉, 我唔想…
    唔知邊到可以傘俾我安置佢地呢?



  • 問問寵物善終公司
    佢地會有呢d地方既聯絡方式



  • 有d公司可以幫忙約去把骨灰撤出海, 長期唔知放係邊, 呢個都係一個方法



  • 如果無咩特別既宗教信仰既話,
    其實可以打電話去佛堂度問一問
    我識有人係放骨灰係個到供奉
    不過放既係佢過左生既親人, 唔係寵物
    但我覺得你都可以去問下先



  • 我有打電話去一間廟到問
    但佢地話暫時只係接收安放人既骨灰或者長生位
    寵物佢地未有處理住…有朋友叫我撒向海…
    但我真係唔想, 佢地生前我好錫佢地...



  • 撒向海係我最後完全無辦法至會咁做



  • 你不如搵寵物善終公司呀
    有d公司係有地方可以租位安放寵物骨灰
    我家都有隻貓仔係放左係個到
    時不時我都會去睇下佢, 同下佢傾計的



  • Janet said:

    你不如搵寵物善終公司呀
    有d公司係有地方可以租位安放寵物骨灰
    我家都有隻貓仔係放左係個到
    時不時我都會去睇下佢, 同下佢傾計的

    我想問下係邊間呢?
    環境好嗎? 會有人打理嗎?



  • Katy-Wong said:

    Janet said:

    你不如搵寵物善終公司呀
    有d公司係有地方可以租位安放寵物骨灰
    我家都有隻貓仔係放左係個到
    時不時我都會去睇下佢, 同下佢傾計的

    我想問下係邊間呢?
    環境好嗎? 會有人打理嗎?

    我隻貓走個陣我搵再見寵兒搞佢既身後事
    火化之後直接就係佢個地方到租左個靈位放骨灰
    話就話靈位, 但環境好光猛, 感覺好安祥舒服
    每日都會有姐姐清潔, 地方乾淨
    雖然你唔係搵佢地火化, 但我估佢地都有位可以租
    你不妨去問佢地呢方面既問題, 職員好好人

    http://www.goodbyedear.com.hk/zh/



  • 好可憐, 走左都要被逼遷...


Log in to reply