「PopWalk X Grumpy Bun Bun聖誕星光樂園」

[ideaking8521]

今年聖誕，諗好去邊到打卡影靚相未 ? 一向支持本地原創的PopWalk天晉滙，今年聖誕特別與本地人氣得獎插畫師Koanne Ko創作的為食鼓腮兔兔「Grumpy Bun Bun」携手，精心打造全港首個Grumpy Bun Bun聖誕主題裝置「PopWalk X Grumpy Bun Bun聖誕星光樂園」，4大PopWalk特別版為食超萌兔兔首次獨家曝光。商場特設長達5米的戶外「Grumpy兔兔星光隧道」，為食鼓腮兔兔以不同造型配合繽紛光影燈飾，全天候於PopWalk戶外長廊約定您，陪您齊齊出發遊歷PopWalk 1、2及3期主題餐廳，動動食指大歎特色美食和聖誕大餐。商場更準備好超萌限量禮品「Grumpy兔兔Q版毛毛氈」等住您帶佢返屋企，共渡「暖Love Love」聖誕﹗家長更可帶小朋友參加「PopWalk聖誕親子木製糖果機工作坊」，齊齊扭扭擰擰，鍛練小肌肉，歡渡開心萌爆的聖誕假期。