充滿驚喜的自助餐婚宴



  • 其實我收紅色炸彈都收到有啲麻木㗎啦,次次都比成千蚊,食黎食去都係果啲嘢,鮑魚呀、湯羹、炒飯、啲味都無咩分別,不過琴日去完同事Miki係 My Day 攪嘅婚宴之後,我重新認識咗擺酒呢樣盛事,原來擺酒唔一定中式,Buffet都好正!!!

    My Day係尖沙咀美麗華6樓,屬於My Seasons 旗下嘅場地,之前係Facebook見過,Miki果日擺嘅係自助餐晚宴,好特別,雖然未去到回本,但係做咗咁多年同事都值份人情嘅!

    My Day 個場地都幾grand,主色喺tiffany blue同米白色,超有夢幻童話feel,佢隻米白色好elegant,成個配搭同Miki夫婦當日嘅裝扮好襯,超級浪漫!我同個同事早到咗差唔多成個鐘(8點開始,我7點就到咗)我襯未有好多人拉埋個同事周圍影咗好多相!

    影到咁上下見有啲肚餓,啲餐前小食又好似唔錯,就拎咗幾件試下,估唔到啲小食又幾好食喔!

    我本人最鍾意食雜菜撻(我係食菜獸黎),煙三文魚卷都唔錯,另外一位同事話黑魚子蛋白好好食,不過我就唔多好食黑魚子,所以就不予置評啦!

    果晚一共有10樣冷盤10樣熱盤10樣甜品,最最最令我驚喜嘅係竟然有松葉蟹腳同翡翠海螺,我嘅favorite啊!

    一開始我係飲湯先嘅,因為佢嘅湯是在好吸引,有龍蝦湯同蟹皇魚翅羹,本來想添飲,不過見後面仲有好多野食,我就向蟹腳同海螺出發!!!

    其實冷盤同出面4-星級酒店嘅自助餐差唔多,都係一定有個cheese拼盤同沙拉、壽司、煙三文魚,見好多人排去熱盤度,連我呢隻食菜獸嘅注意力轉咗係熱盤到!

    個NZ羊架同、牛肩扒同燒火腿係即切嘅,我要咗一小塊,啲肉汁好juicy,另外個香檸cheese魚柳都好香,有個都幾特別既,就係甜酸菠蘿炒蝦球,通常酸菠蘿都係炒豬肉,原來炒蝦球都好好食!!!

    因為Miki個老公係美國人,佢地形式好西方,仲跳埋First Dance!之後好多人都一齊跳,我地成班同事玩得勁High,
    我都係第一次去西式自助餐婚宴,氣氛勁Hyper,唔同中菜坐定定食,又可以比賓客自己揀食咩都幾好呀,可以顧及到唔同類型嘅來賓!


login to reply
 

looks like your connection to she.com messageboard was lost, please wait while we try to reconnect.