懷念呢度,原來呢個網站仲存在



  • 以前呢度1日過百new topic, haha



  • 往事只能回味



  • 今時唔同往日



  • 當年仲要出動埋女性朋友扮有興趣出來睇世界杯,結果好似5男3女出來,像極速約會,哈哈



  • 以前d人無咁計較,雖然我係豬扒,但嗰日屋企無飯食,係到搵人陪食飯,一樣可以開開心心食一餐吹完水就散,



  • 以真係係無無聊聊可以吹好耐
    而家好多人有目的 唔啱就會好靜



  • 唔係喎,以前約出黎既姐姐都好高質素,我2002黎呢度,問題係依家apps太方便識人,冇需要黎呢度,同埋02年好多人失業



  • 根本男既幾時都係有目的,唔會以前唔係囉



  • 以前, 男的就算食唔到都只會怪自己冇本事,
    依家就會話人地係港女, 公主病等......
    最仆街的仲要返上來話人地點點點.........
    跟住一見人出 POST 就走去唱人
    呢 D 咪叫做 : 種惡因, 得惡果. (大家都冇得食囉!)



  • 咪係互唱



  • 而家啲apps好似真係方便, 其實約到出嚟嘅成功率仲低, 因為大家只係睇啲p圖p到飛起呀相片, 來做衡量嘅準則, 冇乜事前交流. 對於啲比較保護自己個人資訊嘅人係會蝕底, 更加唔使慌有一啲結咗婚嘅女性將自己大大張相擺喺邊網上高. 所以你淨係會睇到(長期)單身女士. 如果男人嘅目的係同女人瞓覺, 咁你嘅目的就一定係玩老公. 基本上沒有common point.

    當然年紀比較細嘅新一代, 對於自己嘅資料可能唔會太過重視, 亦覺得神秘感呢樣嘢唔重要, apps 係方便好多. 我嚟講約人出嚟係一個經歷, 並唔係一個結果. 科技發達未必一定會帶來正面效果. 好似複製音樂太過方便, 就變成咗冇曬歌手, 音樂界死到直.



  • 同意,我有時去search 下,發覺好多係做生意,外傭.....
    另外的,得多打招呼都唔應,唔好講約,就算傾都冇幾個!



  • 所以我會揀無相先去傾,哈哈



  • 睇咩app, 有d你冇相佢唔會睬你!



  • 呢度以前咩人都有,就算唔見面都可以傾好耐,但宜家只係見到好多早洩人士,一入即刻掉低d嘢,之後就可以無影

    仲有以前傾計要溫she,唔係根本搭唔到咀



  • 依就家真係好落寞, 我記得十年幾前, she 真係好熱閙, 男女人數均等, 好多條thread同時chat, 啱傾有feel 就add 對方email 私下傾d深入嘢, 好懷念嗰個年頭......, 依家女仔絕跡, 變成一潭死水...同意原因有apps普及, 同有人玩寸party喺度唱人地, 指名道姓咁賽後報告, 邊仲有女仔敢上黎吖,..... 感覺she嘅歷史任務已完成, 一個時代的終結。



  • 我就未見過有人唱人,以前冇啲咁既事,如果係咁就真係仆街啦



  • @man2013 咪玩啦 無人唱人 大把啦



  • 其中一樣我最鍾意書she.com係因為我可以用英文同人哋傾計 (but definitely not now), 唔係因為我英好,只係因為我唔識中文輸入,到今日都係。無論係中英文嘅thread都接受英文留言。英文傾計好多時有好多聰敏睿智嘅對答,令人再三回味。喺呢到,十幾年前真係識咗好多人, 好容易就可以搵十個八個男女出嚟食飯飲嘢; 喺呢度我認識到 好多好令人難忘同埋懷念嘅女性: 最美好的情人、最大胆的性經歷、最好嘅朋友、最後悔嘅one-night stand.........



  • @leonine 嘩 好似玩得好精彩喎


login to reply
 

looks like your connection to she.com messageboard was lost, please wait while we try to reconnect.