只因心愛著... 所以一直忍住唔分手



  • 我同我男朋友拍左拖5年,大家一直都視對方為結婚對象,雙方父母都見過晒,都以為佢會係我最後的男人。
    前幾個月發現佢facebook 同ig follow左我個bff,初初都以為add friend咁簡單...... 點知前幾日星期佢落街買野時唔記得帶電話,facebook個notification係咁響,我睇完之彼,個心真係冷左一冷..... 係我bff inbox佢message...... 內容show到佢地好似已經撘上左.....果刻我真係好亂好辛苦...... 直到而家,我仲扮緊唔知單野...... 但我真係仲好愛佢,我唔知點算,我真係唔想分手......



  • 不如你先回答自己一啲問題先,你可唔可以一世扮唔知?佢帶住污點同你結婚有無問題?



  • 路人甲 said in 只因心愛著... 所以一直忍住唔分手:

    不如你先回答自己一啲問題先,你可唔可以一世扮唔知?佢帶住污點同你結婚有無問題?

    我知.... 我有諗過同佢攤牌,但一諗起之後有可能會失去佢,個心就會好痛......



  • 你唔攤牌,可能冇幾耐之後佢攤牌..



  • 短痛總好過無邊際的痛苦,愛情好多時都比較自私,你一直忍落去就等於不停傷害自己,何苦呢!你想清楚就會明白。



  • 岩岩發生左...... 我另一個朋友whatsapp我,問我係咪同我男朋友散左....... 因為見到bff同佢兩個一齊食lunch,我即時whatspp我男友,佢話岩岩撞到我bff,仲質問我點解唔信佢..... 我果刻呆左,喊到死...... 我唔識反應.....



  • 你剛剛發生呢件事,我睇到一啲嘢可能你未發現:

    1, 你朋友點解會認為你地散咗?我覺得因為係佢地兩個嘅行為已經超越朋友,去到男女朋友階段,所以你朋友先會問你哋係唔係散咗。

    1. 佢點解會質問你唔信佢?真金不怕紅爐火,清者自清,咁大反應嘅最合理解釋係被人揭瘡疤,先會咁大反應,才會先發制人(你)。

    你慢慢想清楚啦。



  • 呢個勢你不如分手啦! 呢D男人早分早著
    清醒D啦sis!!!!



  • 你俾個男人食住,又吾捨得離開。唯有死忍囉!



  • 分手是好難



  • 分手吧,早痛好過遲痛



  • [0_1496250276586_無標題 2 640x360 0.94Mbps 2017-06-01 00-59-34.mp4](uploading 100%)



  • 或者另一方面諗,我退出成全佢兩個,好過3個一齊無結果咁落去......



  • 都係架
    不如大家wechat 再傾pls add me :wongkingking



  • 你咁諗都好,最起碼可以逃出呢個困局,但唔好期望人有會多謝你,反而你要有心理準備做衰人。



  • 去証實件事囉.如果是真的.......
    妳想死忍或離去, 無人可以替妳決定
    死忍是長痛, 但或有轉機
    離開是短痛, 大多數無轉機



  • 希望妳同"執著"無緣
    保重, 保重



  • 其實無謂估估下,有時唔搞清楚真係好多誤會,既然你又好愛佢,咪乾脆三口六面問清楚,佢地去到咩程度,如果真係咩都做曬,咁你就真係要睇清楚自己係咪真係接受到,但如果只是精神出軌,未去到無彎轉o既地步,你就睇佢會唔會為你斷咗呢d念想了。我同我ex一齊八年,經歷咗好多,六年的時候俾我發現到佢出軌,我簡直奔潰,但我居然接受咗,原因就係太愛佢唔想失去,但其實心裡面會一直有刺,兩年之後還是分手了,儘管我地還有半個月就註冊結婚,呢條刺都係其中之一的原因,八年,最美好的青春俾曬佢。所以,搞清楚,諗清楚,就果斷d決定,無建議俾你,只希望你,努力面對、果斷決定、盡量唔做後悔事,加油啦。



  • @MavisYuen888 said in 只因心愛著... 所以一直忍住唔分手:

    其實無謂估估下,有時唔搞清楚真係好多誤會,既然你又好愛佢,咪乾脆三口六面問清楚,佢地去到咩程度,如果真係咩都做曬,咁你就真係要睇清楚自己係咪真係接受到,但如果只是精神出軌,未去到無彎轉o既地步,你就睇佢會唔會為你斷咗呢d念想了。我同我ex一齊八年,經歷咗好多,六年的時候俾我發現到佢出軌,我簡直奔潰,但我居然接受咗,原因就係太愛佢唔想失去,但其實心裡面會一直有刺,兩年之後還是分手了,儘管我地還有半個月就註冊結婚,呢條刺都係其中之一的原因,八年,最美好的青春俾曬佢。所以,搞清楚,諗清楚,就果斷d決定,無建議俾你,只希望你,努力面對、果斷決定、盡量唔做後悔事,加油啦。

    明白.... 果種心如刀割嘅感覺真係好辛苦。但已經唔駛我做主動,佢提出分開冷靜下,但佢話唔代表分手,只係比時間大家冷靜.... sorry.... 但我真係講唔出口叫分手.... 我覺得自己好冇用



  • 宜家覺得講親咩分開冷靜下但又唔係分手呢d說話真係無賴!心痛就一定的,希望你早日渡過呢段時期,加油。


login to reply
 

looks like your connection to she.com messageboard was lost, please wait while we try to reconnect.