在廟街塔羅問事經驗-失望



  • 在下問過好幾次牌,每次都係搵唔同嘅塔羅師包括香港嘅Letao Wang 老師,塔羅小公主Selina老師,同台北嘅Jennifer老師。 除咗有事解決唔到想要問亦係因為對呢樣占卜技術感興趣想多瞭解。除咗親身去我仲會睇好多相關嘅書,比如話塔羅牌嘅起源,塔羅牌同通靈以及靈修嘅關係。

    早幾日係我帶四次去問事。 話說同朋友食完飯去咗廟街做遊客必做嘅事-比人劏。 由於係廟街所以都只係抱住一個玩玩下嘅心態。 我朋友揀咗一位叫阿B 嘅占卜師。 我唔評論佢講嘅準還事唔準反正牌係經過我地嘅能量由佢解讀,出咩牌可以話係要睇當下喺問事者體內全有嘅係咩能量。

    但我想講嘅係,佢問牌嘅手法都算別樹一格。

    1. 我未曾見過有塔羅師嘅塔羅牌係唔需要用水晶淨化先再用。 要淨化係因為每個人嘅能量都唔同所以未被淨化過可能會有前人殘餘嘅能量因而影響結果。

    2. 塔羅牌過膠都算新穎。我唔知道過咗膠嘅塔羅牌會唔會影響到牌吸收問事者嘅能量呢?

    3. 一般嘅塔羅師解牌時除咗會睇牌落咩位置同牌本新嘅意思以解讀之餘仲會用塔羅師自己本身嘅靈力去感應指度靈想比問事者一啲咩嘅信息,所以通常塔羅師都會花少少時間去感應。而當晚阿B 老師出牌同解牌都何其地快 快到好似老千喺賭場換牌咁。可能佢嘅靈力真係強到望幾眼就解到。 作為問事者,過去問過幾次都至少花45分鐘,個晚前後只花咗10分鐘。

    雖然無期望但對整個過程實在有啲失望。




login to reply
 

looks like your connection to she.com messageboard was lost, please wait while we try to reconnect.