Keep fit要小心!



  • 好耐之前學過下boxing,而家想keep fit join左個13個月任上堂package,點知中晒伏,仲要年尾流流跛住過節,多人嘅地方都要避免, 而家要睇骨科同物理治療,希望快d好唔駛做手術啦
    Join 左"Fxxxt Haxx Fixxxxx"銅鑼灣店(砲台山都有分店),仲諗住周柏豪代言,睇fb/Ig好多明星幫襯(陳瀅,王敏奕,陳嘉桓....),又拎最佳健身中心大獎,完全失望!! 用優惠價1個月任玩吸引你上去,上到去2個人sell你join 1年package,話用左優惠價之後再join一定要正價千幾蚊1個月,有Muay Thai,TRX,空中瑜伽任上
    我出事後即按合約條款7 day money back guarantee 要求退款但健身中心拒絕話只可以遲d開始(呢個仲令人失望,一早俾晒醫生紙寫到明到3月尾都唔可以運動,佢話體恤我情況俾我過2個月至開始....咁即係去到senior management 跟進但都無睇我d證明啦,到3月尾我成4個月唔可以運動,跑步行山都唔可以呀)又話可以轉俾其他人,大佬已經無晒信心啦....自己攪到咁仲點會介紹其他人呀
    Join之前問左導師係咪用中文教,佢地話係,點知上堂佢只係講做straight,hook....幾多下(只係次數係用中文講嘅),level 1第一堂就要side kick但所有動作都無教要點做,而且導師同助導中文同英文都唔多好咁同佢地覺我係first lesson只係應我ok都無教動作,大部分時間做"把"叫我地輪住打同踢但都係無指導動作,side kick時右腳就屈到,照xray有骨裂添; 我之前上boxing導師會教手點擺,腳點企至好做動作,佢地呢d都無提....而家已經去左消委會,so sad!!!!
    d合約條款都有古惑,中文翻譯同一英文條款7 day money back guarantee係不設退款或轉讓,用咩翻譯可以完全唔同意思呢,諗住大部分人唔睇英文?!俾得成萬幾蚊玩13個月諗住間野有質素,點知傷身可能有排醫,朋友仲話d骨生番之後都會有風濕痛 (佢地仲會叫你上健身指導班,其實sell埋健身教練課程再叫你"科水",揀健身中心真係要小心!)


login to reply
 

looks like your connection to she.com messageboard was lost, please wait while we try to reconnect.