爛口店主 欺負婦孺



  • 本人於2014年8月10日下午約五時左右, 於旺角皆旺商場二樓某自稱人型專賣店的舖頭. 當時我一個女人仔, 帶住兩個細路, 一個七歲, 一個三歲, 拖一個筴,在該店旁睇嘢同等老公, 因老公在找一間胎毛筆舖頭, 我唯有等老公.

    大囡同我在舖前一面看櫉窗的一個熊貓公仔都賣成一百三十蚊,亞仔就睇門前的細細袋唔知咩,一袋一袋細細袋的, 疊住掛起了, 唔牽起點睇到後面掛咩公仔, 睇左唔夠一分鐘, 我都未睇到個仔睇緊咩,有個高大又凶神惡剎的男人即走出嚟話唔買唔好搞,整爛佢 d 嘢. 其實響店舖前等人兼睇嘢是好平常, 我想信好多香港人會咁做過, 又冇塞住佢門口. 我立時拉走個仔,同個仔話唔好睇啦,我地跟住企埋一邊,佢又即刻講粗口,走 x 開啦, 唔好 x 企響我舖前, 嚇親我! 七月日光日白以為有人鬼上身。

    本來我個囡話佢個公仔幾得意,想買咖, 我依家可以慳番錢啦! 識講粗口唔通係大 Q哂??? 我唔同佢嘈, 係因為我拖住細路, 佢一輪粗口機關槍掃過嚟, 我冇回敬佢一句粗口, 因我要身教, 但唔代表我唔識講. 佢舖頭當時烏蠅都冇隻, 佢的粗口咪滿天飛囉! 是這樣吧???

    佢話我冇家教,唔鬧個仔, 難道學佢用粗口教, 真係唔知我點教仔關佢咩事呢? 原來講粗口講到成條街都聽到叫有家教??? 失覺哂!

    佢間舖響電梯口位, 一樓都聽到佢唱粗口歌, 我老公即刻走番上嚟! 我同老公都係唔鐘意同人嘈的人, 我同老公講只說佢痴線, 企響門口都唔比, 有病的, 當時有其他舖的人見到, 亦有其他客人在其他舖頭, 但冇人敢出聲, 因佢真係高大又凶神惡剎, 唔知以為我地殺左佢全家.

    這一類舖我極少逛, 所以才有興志望望,佢 target 係年青人,唔係婦人, 我的細路又未係年青人, 我當日又唔係 OL look, 所以並非你的 target 就被佢趕走. 佢不停用粗口講嘢, 好彩我的細路冇比佢嚇親.

    我寫呢篇文章不會再作任何回應, 只想提醒大家, 如你有細路, 路過呢間舖要繞路行, 以及呢個舖頭的老細品格有問題, 歧視人有細路. 一個母親拖住兩個細路係咪好欺負 d, 因拖細路冇還擊之力? 唔通佢冇亞媽生, 冇做過細路, 定自少被虐要見人通街打仔先安落.



  • 今日同朋友講起依然好嬲, 我有眼不識泰山, 原來佢唔憂做, 三四點先會開舖, 即係發財唔立品。





    網友話佢藝術家脾氣, 問佢嘢唔答, 人地講得好客氣啫, 但藝術家脾氣唔係咁, 係講對藝術角度的堅持,佢就瘋狗症亂吠亂咬?





    勁嬲爆, 歧視我作為母親節角色, 仲要響我的細路面前講哂粗口, 叫我 X 街, 呢度氣好難落.



  • 我諗你真係好嬲, 係其他forum 都見到你e個post.


login to reply
 

looks like your connection to she.com messageboard was lost, please wait while we try to reconnect.