分享參加speed dating 後感





  • 擒日有朋友介紹左個speed dating 俾我, 佢話D女仔仲幾好質素. 我本人35+, 單身, 中等身材, 樣子一般, 健談, 有一份還可以的工作. 當時心諗, 一試冇妨. 本身諗著參加得呢d派對既女仔都應該比較心急, 雖然我唔靚仔, 但係其他男仔都未必好好質素, 未必冇機會比我識到個啱. 好啦, 比左錢, 準時到, 一睇, d女仔真係大部份都幾ok. 當晚係先有d ice breaking games, 然後自由搵朋友傾計, 形式上似clubbing咁(幻想, 我其實冇去過clubbing). 節目開始, 當然搵下d女仔傾下計, 發現佢地既質素真係幾唔錯 (只計外表+職業, 因為咁短時間冇可能真正了解一個人), 職業上有做空姐, 稅局, marketing, fashion design, 牙科保健, head hunt等等, oh….. 還有警花. 雖然我對男人冇興趣, 但都很快打量一下其他男仔, 一所謂知己知彼. Oh….並非我想像中充斥宅男, 相反我覺有部份都相當唔錯, 都幾高大 (當然我唔知佢地做乜, 有幾多係純搵食亦唔可能知), 而我相信佢地都有部份係幾主動, 幾健談, 因為有一部份已經搵到朋友坐低詳談. 而我在這兩小時中只有不斷搵人傾計, 因為大部份都唔會傾太耐, 即係我唔多啱佢地feel, 係有一兩個比較有誠意, 傾得耐少少, 我以為自己都有d幽默感可以幫到下手, 但完全冇用, 當一個女仔對你冇興趣, 黃子華上身都係假, 此刻令我諗起黃子華係一個棟篤笑講過 “你試下帶著你d才華去disco追女仔, 人地靚仔果d, 好快已經互問問題, 去你度, 去我度, 我地呢d成套歡樂今宵做左一次都冇用”. 我同一個幾靚既女仔傾過計, 佢主要都係講佢好靜, 平日冇乜野做, 我當然博晒老命咁問咁講, 極其量都只係得到簡單既回答, 當然我亦唔係黃子華, 冇可能將傾計既時間廷長得太耐. Anyway, 最後都攞左幾個contact, 但係千其唔好以為得米, 這完全係禮貌的表現. 總結, 當然最主要係我唔夠質素高. 其次, 我好少浦, 唔係好識點樣打開話題. 再者, 在場好多女仔都比較後生, 我估25-28左右, 外表同事業都唔差, 當然比較簡擇. 有部份都係陪friend黎, 所以佢地都未必好投入, 都係採取觀望既態度. 所以男仔自問被動同唔靚仔, 都係唔好抱咁大期望. 女仔就要有咁上下質素(我指外表), 同埋小心一d搵食男. 各位如果有經驗參加過, 歡迎發表分享.



  • 好詳細:D



  • ?


login to reply
 

looks like your connection to she.com messageboard was lost, please wait while we try to reconnect.