配角黎諾懿



  • 每套港劇都總有這麼一對……千篇一律欠缺靈魂零創意,連當家小生的嘴臉都讓人看到生厭,配角們想靠它發圍?開玩笑!



  • 冇人願做 CID甲













    個人意見,身高 6呎 1吋,外形公認像陳百強、鄭伊健和陳曉東,黎諾懿不但高大靚仔,氣質也比吳卓羲、黃宗澤強得多。我問黎諾懿,曾經在 2004年與吳卓羲、黃宗澤、陳健鋒、林峯和馬國明齊稱奧運六星被無綫力捧過,六年後郤被遠遠拋離,會難過嗎?

    一開始,黎諾懿想也不想就一輪嘴答:「配角都好重要,好嘅演員點少得呢啲角色打樁……田蕊妮教我,配角唔係冇得搞,其實比主角更有得搞……每個機會都有好多嘢學……(下刪四百字)」

    自我激勵自我安慰一說十分鐘,我等黎諾懿熱身完畢,再問:「是真心話嗎?」他說:「入呢行冇人唔想紅,冇人目標係做 CID甲……唔紅唔會有價值,有價值大把好角色等住你,大把人爭住要度身訂做幫你突破自己……呢一刻,邊輪到我?拍完《家好月圓》我真係開始懷疑自己,眨吓眼三年,眨吓眼又四年,咁點呢……冇 o架,做演員係得兩條路,堅持、唔堅持,留低定走啫……最後我選擇留低。



  • 「尤其係呢行,總要識得安慰自己,不過問心嗰句,嗰啲唔係空話,被人捧紅、被緋聞煲紅,點會企得穩?有一日全世界想你收皮,一日就收你皮……與其少年得志快上快落, 30歲已經冇法生存自動消失,我更 buy黎耀祥同劉青雲嗰一種, 30歲時慢慢累積慢慢浸淫,腳踏實地爬上去,等全世界心服口服。」



    學酒、品茶與垂釣




    黎諾懿在屯門友愛邨長大,做貨 van司機的父親在他 12歲那年患癌去世,兄弟三人從此要靠母親做清潔工獨自撫養。為求不加重母親負擔,黎諾懿預科畢業第一份工是銀行,貪其鐵飯碗、福利高、買樓仲有低息優惠;入行以後把真名黎日昇改成黎諾懿,竟然也是為相士說的,不會大紅大紫,勝在一生平穩。

    「拍《隨時候命》與鄭伊健成為老友,是真的物以類聚。雖然做呢行,我哋都怕太積極太進取,更加怕要放下生活。

    釣魚,最好玩係夠靜,仲有,我同伊健都愛紅酒。

    早排,我用三萬蚊讀咗三期紅酒課程,冇證書 o架,純粹係學識品酒。最近,開始跟兩個師傅學品中國茶。可樂同威士忌擺 15年味道都唔會變,但係紅酒,年份、產地、溫度、醒酒時間甚至杯嘅厚薄都會影響味道;中國茶,就係飲每一泡嘅層次……好似男人一樣,要慢慢浸才會有味道。」



  • 遊戲規則,我做奀茄




    黎諾懿喜歡慢慢嗒,可惜會嗒黎諾懿的人並不多。入行 7年,除了兩年前分手的圈外女友 Pansy(前無綫經理人部門同事,現已離職),只剩與「好兄弟」楊怡的緋聞。年頭最刻薄一次,是登上週刊封面,被指奀茄溝花旦。

    「呢次我真係冇嬲,我太明個遊戲規則啦,幾可有報道會話兩個人一樣好門當戶對至得 o架……今次,係遊戲規則要我做奀茄。如果係真,我至會嬲,始終大男人,女朋友紅過我永遠多說話聽,所以我永遠唔會揀圈中人做女朋友。」

    對上一個女友,相戀六年分手,原因又是 timing問題,女方覺得是時候談婚論嫁,男方堅信還要搏殺還有位上:「分手搞到唔太開心,兩年再冇聯絡……」去年開始養貓養狗,還斷言一定不會生兒育女:「真心嗰句,都係因為經濟壓力,邊個唔想畀老婆仔女最好嘅嘢?邊個唔想多啲陪最愛嘅人?事業我家都睇唔到曙光,每日為口奔馳,唔通生多一個出嚟同我一齊捱咩……所以呢兩年我都冇諗過再開始,我畀到啲咩人呢……其他人真係唔會明我哋為乜,可能錯過、放棄好多嘢,追求嘅,好可能係一個一世都無法達到嘅夢。」



  • 男人不壞
















    前後兩次專訪,黎諾懿謙虛有禮有求必應談話誠懇以外,留給我最深印象的,是他換衣服時露出的佐丹奴底褲邊,和不到 600c.c.幾年都沒換過的日本車,還有說起戀愛史,他引以為榮的說,曾經苦幹一個月,親手為女友織了一件紅色披肩做聖誕禮物。

    相比電視台裏的當紮小生,一身上下都是潮牌潮服、 Benz跑、 Audi換車換女一樣快,黎諾懿簡直平實樸素、好得像是外星人。

    是有些悶,是少了點浮誇的情趣,不過確實是個值得慢慢嗒的好男人。



  • 佢外形唔錯,真係好似danny chan,可惜講野咬字唔正、有懶音



  • 黎諾懿外型唔差,高度與陳豪一樣,比陳豪年青,比陳豪靚仔



    但可惜不夠多元化,奸唔起....口齒和聲線還欠缺少少....



    黃浩然與敖嘉年都出了位,我相信如果比到機會黎諾懿,佢會紅的....





  • 佢都屬於高大靚仔類型,


    只係講話時鼻音較重,所以發音就好似唔多清楚,


    不過都幾有觀眾緣,有做一線小生o既條件




  • 曾有記者覺得黎諾懿較收埋自己,不懂製做新聞。可能都是紅不來的原因。


    佢有 d 條件其實好過吳卓羲、黃宗澤、陳健鋒、林峯和馬國明。



  • Definitely better than 吳卓羲、黃宗澤.



  • 我覺得佢外型比陳豪好, 但陳豪有桃花, 又口甜舌滑夠鬼馬. 所以可能會深得高層喜愛. 黎就同伊健一樣, 太內向. 唔夠主動. 我覺得佢唔係奸唔起, 只是沒有咁既角色比佢發揮. 同埋佢真係要改善發音咬字. 同埋就算做配角, 佢都可以好像廖啟志咁, 加入自己一些小動作去突出自己.



  • he really looks like daniel chan



  • 吳卓羲同黃宗澤既戲好d. 黎個樣似danny chan﹐ 不過氣質大不同! 佢主要既問題係有懶音, 講對白都唔清楚﹐ 又唔入戲. 黎耀祥雖然話係最近先紅, 但係佢好戲左好多年, 睇番十年八年前既戲佢做配角已經好搶戲, 當年唔紅係外型關係.





    敖嘉年把聲好靚, 做MC都得. 黃浩然可塑性高, 可以取代鄭嘉穎呢類.



  • 雖然黎個樣似danny chan會令觀眾望多佢幾眼囉,但都要努力特出自己架。


    睇過幾個劇集都留意佢演d配角,覺得佢同其他d甲乙路人無乜分別...


    樣靚.........ok啦


    身型.........普通


    年齡.........唔係後生靚仔


    口才.........麻麻地


    出鏡/新聞....小之又小


    演戲.........無嘜印象


    係咪仲有好多進步空間呢?



  • 我覺得佢幾好啊~~ 乖乖仔又靚靚仔仔~~~ 

    實有機會既~~~~ 不過要好好把握囉!



  • 做藝員點可以無驚無喜,平平無奇.....


login to reply
 

looks like your connection to she.com messageboard was lost, please wait while we try to reconnect.