如果男友經常話你唔識野白痴,你會點?



  • 老實講係好唔開心,佢成日話講你都唔明喇,
    又話我蠢......到底佢係咪真係錫我?



  • 點解你唔諗下自己係唔係真係咁蠢?



  • 咁咪爹下佢lor~係呀,我咁蠢,無左你,我真係唔知點算lu,好彩有你咋





    又或者~唔蠢點會識到你呢?



  • 又或者~唔蠢點會識到你呢?





    <<< 一定要同佢講呢句啦!



  • 你有冇去做下iq test?



  • 我記得以前有個女仔,d行徑好鬼低能,我成日昊佢,點知佢好有智慧地跟我講:





    唉!就是因為我咁低能,所以我至揀左你同埋咁冧你!





    就是因為你太聰明,所以你至揀左我做你的女朋友,我以後會好似貼紙咁痴實你,我以後都旨意哂你架啦!





    唔止咁,最令我心跳加速既係佢好鬼冧咁抱住我,抬住頭望住我講:如果鐘意你係低能既話,我呢一世都要咁低能!





    我果時暈得一陣陣,以後都吾再笑佢低能!聦明既女人,係會以柔制剛既!郁不郁就发爛乍既女人,完全沒有吸引力!



  • 186cm,


    咁...又發爛咋,又嗲的呢? 我就係呢種人, 我會氹人的



  • sasa





    睇你寫左兩句 如果我女友識你講的一樣 我諗我會開心好多



  • E,





    但係我會無理取鬧,但當唔夠對方鬧時,就會即時轉馱,嗲聲嗲氣咁講~耶,我一個女人仔,你唔好同我嘈LA,





    我男友話我衰衰咁,真難搞



  • 我同意你男友所講的 哈哈哈



  • 大家情趣玩下,會會心微笑^^ 但野野真講,男友係乜人?真唔覮傷到人?



  • sasa replied at 2010-09-25 5:24 pm


    -----------------------------------------------------------------


    186cm,


    咁...又發爛咋,又嗲的呢? 我就係呢種人, 我會氹人的


    =================================================================





    咁要視乎發爛咋有幾密,係唔係合理,如果恃靚行兇,以為自己大哂,唔理人地感受既,事後點嗲都無用!





    以上面果個女仔為例,其實佢幾靚女,人又聰明,但行為總是低低能能,未能與年齡成正比,佢就係果種心情好時似小貓,心情差時似你上司既女仔,我同佢一齊五年,由第二年開始,我已經覺得唔對路,每年都同佢講兩三次分手,次次最後都唔忍心比佢氹番掂我,我後生時都算幾得下,佢成日都担心我比人泡左,好神經質咁日又check夜又check,我和朋友唱k都不停收到奪命追魂call(果時仲興call機),搞到比人笑到面黃!不過鬼叫佢係我女友,係人都有優點有缺點,我一向唔太計較!





    後尾索性買佢怕,每次出去都帶埋佢,又無做唔見得光既野,費事比佢追call,知佢EQ低,話佢知我班朋友好口臭成日寸女仔,佢比人寸得幾野又發爛咋,搞寸個party,搞到d人以後唱k聚舊都唔叫我,我都好無奈!我係一個脾氣幾好既人,一齊五年都無鬧過佢,只係比佢知我唔開心!後來唔開心既日子比開心既日子多出好多!亦超出我可以承受的極限!每次分手我都無驚動老媽子,最果次,我話比老媽子聽,我老媽子開心到暈,馬上加餸!因為佢都見到我唔開心左好多年!後尾個女仔打電話去我屋企,俾我老媽子產到佢飛起!





    佢認定我係結婚對象!我就好唔想同佢結婚,完全唔想儲錢!後尾佢連我點用錢都要我做記錄比佢睇,我覺得佢真係侵犯哂我既自由,亦真係覺得佢江山易改,本性難移,搞到我對佢一日比一日反感!





    幸好拍拖五年,我都無搞過佢,如果唔係,真係可能因為責任而娶左佢!咁就成為錯配!





    我體會過又發爛咋,又嗲的女人,如果好似上面既例子,就算似周秀娜咁正,我自問都無福消受。







  • 186 我都幾同意你的觀點



  • E replied at 2010-09-25 6:04 pm


    -----------------------------------------------------------------


    186 我都幾同意你的觀點


    =================================================================





    多謝你的認同!





    個人修養好緊要,有外在美係容易吸引異性目光及好奇,但要長久維持,無論男女,都一定要有番咁上下修養和內在美!





    如果下下恃住自己靚仔靚女或者以為自己有少少錢就大哂,唔當人地係一回事,最好易神憎鬼厭!





    做人要有理,有理走遍天下,無理寸步難行!



  • 佢因咩事話你蠢先.....???



  • 如果下下恃住自己靚仔靚女或者以為自己有少少錢就大哂,唔當人地係一回事,最好易神憎鬼厭!





    做人要有理,有理走遍天下,無理寸步難行!





    ------





    絕對同意.



  • 我bf夠成日話我數學白痴, 同我講親股票都唔識, 話我淨係識買手袋



  • 我成日都咁話自己 ... ... 其實 ...



  • 如果男友經常話你唔識野白痴,你會點?





    <<



  • MIMIO replied at 2010-09-28 12:02 pm


    -----------------------------------------------------------------


    我成日都咁話自己 ... ... 其實 ...


    =================================================================





    我都係成日甘話自己架..........但其實係希望人地會話"都唔係丫" XDDDDDDD


login to reply
 

looks like your connection to she.com messageboard was lost, please wait while we try to reconnect.