呂良偉自傳爆恩怨 鄺美雲反擊互數



  • 近日, 53歲的呂良偉於北京出自傳《路是無限寬廣》,內容除了記錄其奮鬥史,還大爆他昔日與兩位藝人前妻周海媚和鄺美雲的是非。當中提及周海媚瞓到日上三竿,不懂侍候家翁,以及與鄺美雲由拍拖到結婚不停嗌交。又指是鄺多次提議結婚,最後他「騎虎難下」,惟有完婚。

    事後,鄺美雲透過閨中密友出招反擊,大爆當年呂良偉冇俾家用,離婚後連贍養費都冇。又指兩人離婚,並非呂良偉口中的性格不合,而是 97年呂認識了上海的王菲麗後,令兩人感情生變。

    自 01年與商界女強人楊小娟結婚後,呂良偉逐漸由藝人轉型為商人。今年 5月尾,他在內地宣布,其創立的廣告公司「觸動傳媒」,將於本年底在美國上市,並公布公司大計:「首先用 10億元資金進軍電影業,第一部就是跟內地導演重拍《上海灘》,耗資 1億元。」

    一個月後,呂良偉的自傳《路是無限寬廣》在北京推出,更放在各書局中的中國經濟區書架上,努力打造自己為成功商家。他在自傳中數落前妻鄺美雲的同時,大讚現任妻子楊小娟是「極品」。鄺的閨中密友近日向傳媒爆料反擊,指當年鄺與呂良偉婚後,不但遷就男方,搬往與老爺同住,甚至家中各大小開支,包括呂父的醫藥費也是由鄺美雲支付。

    「 Cally(鄺美雲洋名)覺得兩夫妻錢銀冇得計,但呂良偉結婚以來都冇俾家用,莫講話贍養費啦!呂良偉嗰時離婚仲同記者講為籌贍養費好辛苦, Cally好委屈,曾經打過電話俾佢話唔要!」

    密友又爆︰「 Cally一直跟婆婆同住,但婚後呂良偉拒絕 Cally婆婆入住他們舂坎角寓所。 Cally於是準備咗一層千呎樓,安置外婆,亦免費俾阿呂嘅哥哥及姐姐住,連工人都請埋,唯一要求對方順道照顧老人家。點知離婚後,阿呂家人即趕走 Cally外婆。」

     

    放大圖片

    《壹週刊》圖片

    放大圖片

    呂良偉早前在內地宣布其公司將於本年底在美國上市,最近又在內地推出自傳,並找來李連杰、成龍及甄子丹寫序為自己造勢。

    放大圖片

    自傳中只有呂良偉與現任妻子楊小娟婚照和兒子善揚的溫馨照,大晒好丈夫、好爸爸形象。

    四大冤屈:

    阿呂在自傳中寫到與鄺美雲的一段情時,力指因為自己是「男人」的關係,局住與對方結婚,就是分開時,亦因為「男人」兩個字,甘願承受譴責。

     

    放大圖片

    冤屈 1:局住結婚

    文中阿呂提到自己因一時口快答應了鄺美雲求婚,但因女方事後已向傳媒張揚,為了守承諾,他「騎虎難下」與對方結婚。

    放大圖片

    冤屈 2:經常吵架

    阿呂形容他與鄺美雲婚後吵架沒完沒了,他一早已想斬纜,但對方多次挽留,他亦勉為其難再戮力維繫,但最終都令痛苦延續。

    放大圖片

    冤屈3:要求贍養費

    阿呂文中提到的「精神賠償」明指是鄺美雲提出要求的。為了這筆賠償,令他十分頭痕,因為股票投資失利,資不抵債,但男人的自尊卻不容許他反悔,令他進退兩難。

    放大圖片

    冤屈4:結婚是一個劫

    阿呂指由 96年到 97年間與鄺美雲由結婚到離婚,令他痛苦萬分,他甚至形容是「命裏的一個劫」。

    放大圖片

    鄺美雲上《志雲飯局》時,回應當年是否有第三者介入婚姻時,她說:「我肯定冇。(他呢?)他說沒有,他說我就信……」

    偕女遊泰國

    呂良偉在自傳中聲稱跟鄺美雲在婚前婚後都經常嗌交,令感情破裂,最後離婚收場。但密友透露,二人離婚其實與一名上海女子王菲麗不無關係。「有人好現實,婚後曾多次試探對方有多少身家, Cally惟有成日扮傻詐窮。 97年,有人以為識到個富婆,咪同老婆離婚,後來發現女方原來係空心老倌,好快就斬纜。」

    阿呂與鄺美雲離婚時,否認有第三者,並表示與王菲麗只是在一間卡拉 OK認識的朋友。不過, 98年 5月,阿呂與王菲麗被傳媒拍得同遊泰國。

     

    胞弟代出頭

    放大圖片

    阿呂十分照顧家人,不時與老竇(左)聚天倫,其胞弟(右)亦是他私人助理,實行肥水不流別人田。

    記者就鄺美雲閨中密友爆料一事求證呂良偉,但其手提電話長期轉駁至留言信箱。其胞弟兼助手 Edward表示胞兄現正一家三口歐遊,不會回應。對於當年呂良偉冇俾家用,他表示:「我阿哥同佢(鄺美雲)結婚前都好有錢啦,我哋一家出親嚟食飯都係我阿哥俾錢嘅!(有閨中密友指阿呂成日問住 Cally銀行有幾多錢?問如果佢有事, Cally會唔會出錢幫佢?)邊有咁多閨中密友吖?咪係佢自己同雜誌講!我唔信囉﹗」

    問到是否因為王菲麗介入,令阿呂與 Cally婚姻破裂時, Edward停咗幾秒,然後話︰「……我冇聽過!(呂良偉曾俾人影到同王菲麗遊泰國,你識唔識佢?)……我冇聽過呢個人﹗」

    對於阿呂為何突然出自傳大爆過去婚姻,他為胞兄平反:「我阿哥只係想將自己前半生嘅奮鬥經歷寫出嚟,鼓勵大家失敗唔好放棄。(咁佢有冇諗過咁做會影響到前妻鄺美雲同周海媚?)咁佢兩段婚姻都係佢人生嘅一部分嘛。」



  • Feels like 呂良偉 keep bringing up 周海媚和鄺美雲 past marriages





    他甚至形容與鄺美雲由結婚到離婚是「命裏的一個劫」。 ==> Always emphasize 同鄺美雲結婚令他痛苦萬分.冇D gentlemen .




  • agree!!


    if he is really a successful man, why would he always bring up his past marriages?





    and he semms he like to emphasize it so to make his current one look better.



  • i thought he was a decent man, guess not!





  • He is low end guy & try to upgrade himself to other level, I met him few times, he is very nice to his father, i can feel it. But his son very naughty & dont looks like good well. His wife dress like a "chick" no taste.


    I wonder his books are written by his wife. Anyhow, Male should not "sing" all their EX. NOT A Gentlement.


    I dont think he really rich like billionair, he only hold % of that company, not totally own. Sometime, media.... blow & not clear understand.




  • 唔理佢出書動機係乜﹐一個男人﹐對佢兩個前妻如此公開數落﹐就好冇風度﹐甚至好冇品!



  • 佢緊係覺得佢宜家個老婆最好,因有錢過佢手....



  • 佢緊係覺得佢宜家個老婆最好,因有錢過佢手....





    除非佢想離婚,臭都話香啦!



  • 哩喲人咪就係趟完鬆不特止,仲要離曬普出書唱衰人地!!


    賤!



  • 做男人要有做男人嘅風度,更何況佢就黎係上市公司主席!!



  • 雖則話兩段婚姻係自己人生一部份, 所以要寫出黎......但俾我感覺就似數人囉!!





    兩段婚姻都怪罪於女方身上, 自己就一0的錯都無, 不知所謂!!



  • 呂生的新聞熱炒時,我忙得沒有溫書....



    既然他挖兩位前妻來贈慶,咁又有冇講下另一「甜甜小公主」呀聽聞這位大富婆相贈了不少$$$$



  • 係唔明點解佢會講d咸豐年既舊聞, 最蠢果個都知會犯眾憎. 呂生有家庭又有事業, 無理由仲需要咁既publicity.



  • 咁又有冇講下另一「甜甜小公主」呀~~~~聽聞這位大富婆相贈了不少$$$$





    ===>係呀,呢單野都傳左好耐. 似乎"女"先生是一位在女人身上賺錢既人. 佢現在咪夢境成真囉. 佢老婆咁有錢.



  • 更何況佢就黎係上市公司主席!!





    ====>佢公司在美國上市? 咪大把人做水魚?



  • 佢兩個前妻態度更大方:





    海味 - 唔介意前夫提以前的事。 ( 一於無動於衷 )





    鄺美人佛偈反擊 –





    記者 : 佢當年係咪冇俾瞻養費同家用?


    鄺 : 咁耐以前嘅事, 唔記得晒啦! 我唔回應, 係唔想做傷害對方的事。


    記者 : 阿呂細佬話係你向雜誌爆料?


    鄺 : 是非朝朝有, 不聽自然無! 我只可以講『嚴已律己, 寬以待人』。我講 過: 『有緣就盡力而為, 無緣就急流勇退』!





    回應得體, 不愧係學佛之人。







  • 『有緣就盡力而為, 無緣就急流勇退』

    ======

    有智慧,夠清醒......讚!



  • 鄺美人而家咁有錢, 洗咩動氣, 不過.....佢財自那方來呢.....hahahaha





    大家半斤八兩遮 !



  • 段婚姻就算真係唔開心,都唔應該講出黎啦, 點都要顧下人地感受lor. 冇品.





    仲要話人地周海媚唔識侍候家翁, 人地做你老婆, 唔係工人呀, 正廢物.



  • 之前傳美人同姓鄭的關係密切.又好似傳佢同ho生.


    而家雖然好有錢,不過見佢對隻狗的態度真係好唔正常.





    點都好,男人真係要有風度.為左討好而家個太太而出書唱前妻好無品


login to reply
 

looks like your connection to she.com messageboard was lost, please wait while we try to reconnect.