唉,有時真係唔知女人諗乜



  • 我唔算靚仔,但我女朋友係因為我個樣而鍾意我。



    我地一齊之前,佢對我好好、好熱情,但一齊左之後就漸漸冷淡左,我地一齊左先至一個月。



    我自問真係一個好男仔,咩都就曬女朋友,對佢好好。



    甚至佢有男朋友我都唔介意做第三者,



    我仲知道自己係做細果個,佢咩都以佢正印男朋友行先,我連唔開心都唔夠膽俾佢知



    到頭來,我似係同個電話拍拖,佢唔能夠成日係我身邊



    而家佢仲要無尾飛鉈,我連搵佢都搵唔到,又唔聽我電話



    我好唔開心。



  • 你鍾意佢D咩?




  • hey! brother ! dun give up!


    You can meet other girls ka ma!



  • 坦白講,我鍾意佢靚,佢真係好靚,同埋佢對我好好





    我份人比較內向,拍拖次數好少





    所以我「女朋友(唔知而家仲算唔算,哈)」食住我



  • 要樣就無計啦,


    靓女一定多人追,


    你要預左先.



  • 擺明佢已經玩厭.



  • 由始至終個女仔無鍾意過你,


    找你來填補空檔的時間,


    愛情要相方願意付出,


    單方面努力是無補於事.


    勸你都是放手, 出面大把女,


    一定會找到個合你心意的.



  • 玩厭?





    我都有咁諗過,但我仲傻傻地相信佢對我係認真...



  • 相信佢認真地玩你呀!?哈哈



  • 我真係好傻仔...





    我好難受...成日望住個電話等佢打黎...



  • 如果本身條件麻麻,比個靚女玩過都算吾錯啦



  • 樓上講得岩,我唯有咁安慰自己



  • 阿文,


    你好過好多單身男啦,


    算啦!開心過



  • 如果本身條件麻麻,比個靚女玩過都算吾錯啦


    -------





    絕對同意, 我條件算中等, 亦就快50歲,


    從來都無靚女騷我, 阿文, 你算幸運架la.



  • 我都吾知幾想有個靚女黎玩下我呀吾該…



  • 我而家覺得自己好x賤,好cheap,對自己無曬信心...





    好難得咁樣認真愛一次,到頭來竟然乜都無...



  • 其實你地講既「條件」係指乜野?





    錢?工作?外型?



  • 而家覺得自己好x賤,好cheap,對自己無曬信心...


    ----------------------------------------------


    唔駛咁呀, 下次做衰人羅!




  • 唔駛咁呀, 下次做衰人羅!


    --------





    我本來只係諗住同佢玩玩下,點知之後自己越愛越深,





    我真係好渴望有個人真心愛自己...




  • 錢?工作?外型?





    all of the above


login to reply
 

looks like your connection to she.com messageboard was lost, please wait while we try to reconnect.