相信這是緣份



  • 我有個朋友.係09年3月.血CANCER 惡化. E 生話佢得返半年.
    我由果時開始每晚放工都去E院陪佢.傾計,到2-3點.~因為佢夜晚多數訓唔著.~日久生情下.到6月我地一齊左.~直至現在.touch wood 都無事.



  • blessing u2, hope ur fd get well soon~~





  • 當你另一半有事, 無論係佢自己有事又係, 係佢親人有事都好, 呢段時間, 都係佢最難過0既一段時間.



    你一定要支持佢渡過呢個難關



  • 共患難共患難, 所謂0既共患難就係咁解, 大家二互相扶持.



    我男朋友, 佢有個細佬, 約兩三年前驗出有腎病, 情況已經係去到嚴重0個隻.

    佢屋企人得知呢個壞消息, 真係有如熱煱上的螞蟻...

    於是, 只有洗腎, 去維持生命, 而佢同佢0既家人, 都開始接受呢個事實.



    最近, 佢細佬係屋企抽筋, 嘔白泡, 反眼, 結果被送到ICU, 昏迷左幾日, 而呢幾日都係我男朋友同埋佢屋企人最最最最難過0既幾日, 因為連醫生都查唔出咩野原因佢會昏迷咁耐, 又未過危險期.....



    我一路都係佢身方支持佢, 陪佢一齊喊.....





    你都要好似我咁呀~ 要多0的支持你身邊你所愛0既人



  • 命裡有時終須有, 命裡無時莫強求...



    有時結果未必是太重要, 享受過程才是.....



    人生有多長也好, 沒好的回憶都不算是開心的人生; 相反, 短暫的人生有美好的回憶也是美...



    當然, 祝你們有情人終成眷屬! 漫步人生... 世界是有奇蹟的......... 加油



  • 我唔敢同太多朋友講,因為我怕被看成太傻.怕佢地擔心我.



    我決定相信自己既感覺.



    開頭爸媽見我晚晚都咁夜返.我只係話陪朋友.而且果排豬感又好西利.



  • 份感覺係你自己0既, 愛就愛, 唔愛就唔愛, 邊個可以左右到你??



    不過我要同你講, 你知道對方有咩問題, 你要選擇同佢行, 同佢一齊, 你就要識得體諒佢, 包容佢, 唔好行行下先黎後悔, 因為你一開始就知道佢有咩問題.



    我希望你女朋友到最後都能夠健健康康咁生活落去.





    記住, 閒言閒語, 並唔重要



  • 在此, 我都好希望我最愛0既男人0既細佬可以係今年成功換腎, 重過新生活.



    我都唔想見到我愛0既人咁辛苦



  • 我好想比佢知道.~只要生存下去.一定會有希望.



    記得有一晚.佢因為止唔到鼻血.果晚唔可以出黎走廊.



    但我收工收7點.過到黎已經過左探病時間,



    我係病房出面同佢傾電話,果時佢同我講.有個男仔話會黎見佢,鼓勵佢.



    以我所知呢個男仔係同佢同一間公司.佢未番發前果個聖誕佢地仲有一齊去街.



    佢仲有次,係街度等呢個男仔等到12點.可惜最後佢都無出現.



  • 你想比佢知道, 你就要同佢講, 有時行動都係唔足夠0既, 言語上去講佢知啦~~~





  • 當我每次聽到佢話想死.我個心真係好痛.~



    你所講既體諒~我相信我黎緊都一直會做到.





  • 體諒, 包容, 真係唔係咁易做得到0既, 但至少你有心.



    我都唔係一下子做得到, 因為我只係一個平凡0既人, 我一樣有我0既思想, 我一樣會憧憬住同佢0既將來, 但係有陣時, 一諗到, 因為佢細佬0既病, 就.... 唉~~~~

    其實唔多唔少對我地兩個0既未來都有影響.



    不過做人唔能夠太過份自私.

    唔可以只係諗自己.

    佢細佬萬一有咩事, 我男朋友呢一世都唔好過.



    所以我都希望佢可以快0的好返, 就算要用好多錢都好



  • 祝願一切安好!



  • 我同佢其實只係08年9月係facebk度識.間中msn幾句.



    08平安夜果晚join左佢同佢班fd既PARTY.



    係09 JAN , 經佢介紹去左佢公司做freelance.



  • 緣份0既野好難講, 透過一部電腦都可以識到人



  • 希望大家唔好介意我係度講太多自己既經歷.

    可能我呢半年多都機會同到身邊朋友講.

    有時佢地問到我點解唔見左人咁多個月.真係好難解釋

    始終唔係d開心既事.邊有心情分亨呢.



  • 個post係你0既, 你唔講多0的你自己0既野, 唔通由我講嗎? 哈哈



  • Hope your friend get well soon.



    Blessing!


Log in to reply