分享一下



  • 小妹見呢度都好多人問邊個師父好同唔好

    我同d 姐妹都睇過幾個師父 , 有準有唔準 , 想分享下

    其中馬x 師父同楊x 命師父都好準同又有耐性 , 不過收費真係唔平 , 楊師父仲要唔知等幾耐先有得睇一次



    如果想平平地又唔錯既, 我覺得廟街蔩伯都ok, 平平地, 三百就有得睇下八字, 質素都唔錯 , 不過講d 野就會有d 大路, 但係勝在夠平



    睇下各位既需耍啦 ...  : )



  • 楊師父真係好準, at least 80-90%. 我12月初會看一個較平師傅, 到時再分享.



  • 佢的確係唔錯, 不過就要等好耐.


    我12月都有約馬師父睇. 不過真係唔平.


    如果唔係有感情問題, 都唔會搵佢, 平平地去搵黃伯睇下流年就算啦.





    你睇完個較平師傅之後, 分享一下呀. 咁我普通睇流年既時候都多個choice. hehe :)


    thx ~~~�嫟



  • 我這兩年有睇開個師傅都吾錯ga, 佢雖然睇落幾後生, 但批流年幾準, 而且講野吾會模稜兩可及有問必答. 佢都吾貴, $300睇流年同問事, 大批都係$500. 不過最近佢搬左去屯門.





    呢個師傅睇流年係當年睇當年事, 即係如果想睇2010年流年, 佢會而家接受預約, 但出年2月4日立春之後先睇ga.



  • Jumeriah,


    你睇果個平嘅師傅收費幾錢呀? 如果準返黎分享下吖...如果準又平, 我都想搵多個師傅睇下.



  • Hi Ekin,





    他收 HK$1,500 比出名師傅平, 但比你的屯門師傅貴 wor. 我的朋友看過楊師傅及其他師傅, 她說 HK$1,500 師傅最準. ANYWAY, 我12月初看完再分享 LA.







  • 馬x師傅是誰? 是否馬君程師傅?



  • 唔係馬君程師傅,


    我睇個個叫馬賢師父.




  • 我之前睇個個師父….…. 佢都8-9成準….係丁屋到同人睇…都係姓馬 .... 不過唔知係唔係你講個個…


    另外我想問廟街黃伯係唔係黃晉虎呀??????


    黃晉虎我睇過….聽過人講都準….不過批我就麻麻啦….得5-6成準到….不過廟街係咁上下….




  • aliceyan,


    黃伯吾係黃晉虎呀, 黃伯老d,黃晉虎後生d ga, 黃晉虎收費都吾平ga, 我見佢收費表上寫: 八字小批$800, 中批$3000, 大批要$8000wor....都好驚人吓, 睇見都嚇走呀!



  • 我個時睇佢係小批....唔過千...我都知佢唔係平.... 不過諗住平平地幾百試下....


    唔好話 $8000 啦...$3000 都可以搵個好好既師父啦... 我之前睇過有2,3 個都幾好.....大批都係千幾到二千幾到.....個人覺得 $8000 真係貴左少少....$3000都仲ok...



  • 其實平,不一定唔準,出名(即貴)亦唔一定準!



  • 咁當然啦…我梗係唔係話平就唔準,貴就準啦…好多好好師父…都係收得平… 有時真係睇好唔好彩撞到…. 我不過係覺得就算幾好, 幾準都係值$3000 到…….黃晉虎就肯定唔係咁抵啦….其實 MayMayMay同ekin 所講個幾個都係比較平而準啦.…



  • 係ga, 有時搵師傅都係好講緣份, 只睇你好吾好彩可以搵到個夾自己嘅師傅.


    我以前同朋友去搵過個$3000用紫微鬥數批命嘅師傅, 3個人去, 一個超準, 一個就話完全吾準, 至於我就一半準一半吾準. 所以真係好睇你好吾好彩.



  • 所以有時情願搵d平平地師傅試下, 準就係意外驚喜, 吾準都無咁肉赤呀!



  • jumeriah,


    我都想聽聽你睇果個$1500蚊嘅師傅準吾準呀!


    ekin,


    我睇左你果講果個師傅啦! 佢講我嘅性格真係好準, 至於其他野都有7,8成準, 連我身上有胎記同出過國讀書都知, 不過我最buy佢係無介意我問完又問, 仲好有耐性答我, 所以果$500蚊真係好抵比.



  • Hi 各位, 我剛看完 hk$1,500果位師傅, 我覺得尚算可以, 但好似不太值 $1,500, 正如 ekin 所講有時搵師傅都係好講緣份, 只睇你好吾好彩可以搵到個夾自己嘅師傅.





    但我的朋友又再搵這位師傅看流年, 因為佢覺得這位師傅最準, 因過去兩年發生的事, 這位師傅所講的都引証到.



  • EKIN...你睇個師傅有無聯絡方法?...


    我想搵佢批流年牙~



  • hbdb,


    你send去我email: ekin1@live.hk, 我再比聯絡方法你, 我吾想係到公開個師傅資料, 因為我知佢暫時吾接walk in客, 係有人睇過再介紹比佢嘅客佢先見ga!^^



  • hi ekin,


    我岩岩睇左你講果個師傅啦...我係搵佢批八字, 佢講我d野都幾準, 特別係流年發生嘅野真係好準呀.勁!


login to reply
 

looks like your connection to she.com messageboard was lost, please wait while we try to reconnect.