我究竟quit唔quit好呀 ><



  • 最近我都煩緊一件事

    大家睇完請話俾我知我嘅決定啱唔啱~



    我23歲,今年9月入左演藝學院讀 (APA) master degree of fine arts in dance

    我由3歲開始學芭蕾舞,,16歲已經想入APA讀跳舞,希望將來可以做dancer or dance teacher

    但我報過dip, high dip, degree佢都唔收我

    直至今年我報master degree佢就收左我

    我知道果陣仲開心到喊

    以為可以由朝跳到晚

    但讀左2個月,我發覺master同high dip or degree好唔同

    master好著重theory

    反而跳舞技巧就唔多講究....成日要上埋好多理論課

    完全唔係我想要嘅野,所以我諗住讀完呢個學期讀到12月就唔同APA了

     

    其實唔讀APA係有好多原因的﹕

    1.)    首先學嘅野唔係我興趣。而家返學可以跳到芭蕾舞同現代舞,初頭選修現代舞係因為諗住都學左ballet咁耐,入到去應該都學樣新野,但我跳左兩個月我真係覺得modern對我來講太悶了,我都係鍾意跳jazz, hiphop多d~

     

    2.)    而家要上果d理論課所學嘅野我覺得唔太實用,應該話對我將來嘅事業冇咩實際幫助,完全係為左做功課而學。但反而呢d就佔好高分,但無論我0係技巧課入面跳得幾好都只係佔學期分數嘅一小部分,見到咁嘅評分比例,我而家愈讀愈頹><

     

    3.)    講到錢都係一個好大問題。呢個master degree要讀full time兩年,每日留0係學校嘅時間勁長,又多天地堂,第2同第3堂中間隔成4-5個鐘,所以我只可以0係放學or 放假嘅時候part time教吓跳舞, 每個月只係搵得3千幾,我住大埔每日返學來回車錢,食飯錢,電話費,仲要俾屋企(雖然俾得好少),我每個月都mang mang 緊………另外就係學費問題,APA每年學費$78000(分上下學期交,而家交左$39000),即係話如果我要讀完兩年就要$156000~我其實係afford唔到的,但我舅父借左第一年嘅學費俾我,第二年嘅學費就要靠自己做part time儲錢再問政府借少少,但而家咁樣點儲錢…………本來讀大學果陣已經借左關窿,而家已經還緊,我唔想再借咁多錢,仲係要借來讀一樣自己唔鍾意嘅野

     

    4.)    我知道其實我可能一早已經做錯左決定,可能我當初諗得深入d,我都會決定唔報讀。但既然而家都錯左,我覺得應該盡快停低0徙3個月好過0徒兩年,0徒3萬幾好過0徒15萬幾,我唔想讀完2年,用左15萬幾先知道呢個master degree唔係自己想要嘅野。其實我好清楚就算我唔讀呢個master,我一樣可以自己去報考其他芭蕾舞教師証書,我又可以繼續返工,將來一樣可以開學校,實現自己嘅理想。反而如果我繼續讀,我就唔可以賺錢儲錢,開舞蹈學校嘅夢想就更加要被壓後。

     

     

    你地覺得我嘅決定正唔正確?

    俾d意見我吖~ 唔識跳舞都唔緊要架~

    我好需要意見



  • 如果你日後想做舞蹈教師, 你呢個master重唔重要? 似乎讀左會好d



  • 呢個master唔重要的,冇master都可以做dance teacher。就算我唔讀呢個master,我一樣可以自己去報考其他芭蕾舞教師証書,我又可以繼續返工,將來一樣可以開學校,實現自己嘅理想。



  • 讀左個朶應該好D



  • 唔重要就唔好讀, 浪費錢, 時間


login to reply
 

looks like your connection to she.com messageboard was lost, please wait while we try to reconnect.