劉母被傳擺陣激動發誓劉倩婷亂噏 MJ接收聲令



  • 出爐港姐冠軍劉倩婷的是非冇時停,前日她否認整容傳聞,又謂自己不是 MJ,結果遭網民怒插她對死者不尊重,無綫昨亦承認其說話不恰當,會提醒她日後慎言。另外,有爆料者指劉母為幫女兒摘冠擺陣吸陽氣,劉母昨大為激動發毒誓說:「如果有咁做,就冇仔送終!」

    劉倩婷的港姐後冠堆滿是非,她由參選至今有關其斷背、隆胸及整容等是非不絕。前日她曾公開否認整容傳言:「你估我 Michael Jackson咩,全身都冇整過,原裝正版。」但其 MJ論一出即惹來大批網民狂插,指摘她身為代表香港的港姐冠軍,公開評論死者既失言也不尊重。

    「要顧及港姐形像」 放大圖片

    劉母的茶餐廳放滿花籃賀她女兒得獎,有如店舖開張般熱鬧。

    劉母的茶餐廳放滿花籃賀她女兒得獎,有如店舖開張般熱鬧。

    無綫外事部副總監曾醒明昨表示,相信劉倩婷的 MJ論是無心之失,但承認其說話不當,曾醒明稱:「佢嘅身份係香港小姐,要顧及港姐形像,佢嘅說話唔係太恰當,唔好對過身嘅人有評論,我哋會提醒佢慎言,注意說話用詞。」除了失言惹風雨外,劉倩婷昨日繼續被爆料。有讀者電郵大爆劉母為助女兒轉運奪獎,聽從玄學師傅之言,於自資的上環茶餐廳內佈陣吸陽氣,指她突於港姐決賽當晚,宴請亡夫的多位男友人到茶餐廳食飯,但她卻往場館睇女兒出賽,令該班友人白等一場兼自付飯錢。昨日記者到訪劉母的茶餐廳,其店外放滿花籃,店內玻璃則貼滿女兒的得獎剪報。對於被指擺陣助女兒轉運,劉母說:「你睇吓我間舖頭,邊度有擺降頭風水嘢,招財貓就有一隻。」傳她設宴缺席,她則說:「嗰晚嚟嘅係我先夫車會嘅朋友,有男人有女人亦有一家大細。個女參選,好多 uncle、 auntie撐佢,我冇咁多飛,佢哋就約埋喺茶餐廳睇電視撐啫。」講到劉倩婷兩母女是非多時,劉母就越講越激動:「講我唔緊要,但個女得嗰 23歲,成日咁樣講佢,做阿媽嘅好唔開心。個女仲同我講對唔住,因為影響到我,佢都好唔開心,仲喊!」有兒有女的劉母更即場發毒誓:「如果我有咁做,落降頭、搶人老公,我就冇仔送終!」

    細佬戴後冠拍照 放大圖片

    劉母昨如常於茶餐廳打躉,當她提到擺陣助女兒轉運的傳聞時,竟即場發毒誓澄清。

    劉母昨如常於茶餐廳打躉,當她提到擺陣助女兒轉運的傳聞時,竟即場發毒誓澄清。

    獲母親力撐的劉倩婷昨如常出席公開活動,與亞軍李姿敏及季軍熊穎詩到商台接受訪問,劉倩婷稱會把後冠送給母親,她說:「我哋一齊分享呢份禮物,連細佬都着住睡衣、戴後冠擺幾個港姐甫士影相。」對於港姐決賽收視破 8年新低,劉倩婷認為與港姐質素無關,又稱觀眾可能於網上收看才影響收視。採訪、攝影:黃文偉、葉雪、王連連





    劉倩婷當選港姐冠軍短短數日,前日她發表 MJ論即惹網民群插,就連無綫也直認她失言。資料圖片



  • Her shoulders are narrow and her head's big.



  • 咁既質數可以做冠軍, 個樣平凡到.......中午去中環大家樂求期搵件OL 都好過佢啦!



  • I think she's the ugliest Miss HK ever, bad body shape and bad manners.



  • 香港小姐不嬲都係咁上下架啦.



login to reply
 

looks like your connection to she.com messageboard was lost, please wait while we try to reconnect.