今日隨想【二十八】



  • 突然記起自己某年生日,個時小弟仲依然單身。

    平時就訓到黃朝白晏,個日就一早起身,諗住一出廳個下呀爸呀媽就 己經放低兩封大利是係自己書�^面,然後就係收到佢地生日快樂,快 高長大等等既祝福。

    點知,出到廳,咩都冇~~

    就好似睇戲,見到個主角呆在當地,陣陣秋風吹過,仲要放幾隻烏鴉 係我身後面飛過咁。



    我游目四顧,發覺呀爸都係依然個個呀爸:拎住份馬報,冇著上身衫 ,攤係梳化上面睇緊今晚買邊隻馬做�e拖多兩隻買三重彩;

    呀媽呢?佢就好專注咁去「了」下煲湯怕佢痴底。

    一切同平日一樣。



    但我就冇咩失望,因為我知道中國人一向較西方人含蓄,唔善於表達 自己。心諗話唔定佢地想比個驚喜我。

    所以我好主動咁同佢地講左聲早晨,然後佢地亦好有禮貌地同我講左 聲早晨。

    然後,我付出我無限既耐性係度等佢地誠心既祝福。

    結果?結果就係隔左陣,呀爸走黎問我係咪有病,做咩今日咁早起身 。

    呀媽就好D,主動問我煲左湯,飲唔飲碗。



    我好似個小朋友爭唔到玩具咁好頹廢咁呢返入我個被竇入面,仲係度 諗到底其實我係咪佢地親生。

    過左無耐,突然醒起咁沉淪落去都唔係辦法,於是拎起自己個手提電 話,睇下D朋友Send過黎祝福既SMS,Tum下自己開心。

    點知....睇一睇對上一個SMS Send過黎己經係前日!

    於是我又等,等了又等,卒之等到6點幾,個電話響左兩次。

    一個係電話公司打電話黎問我續唔續約,張約就到期,仲話會送份禮 物比我,搞到我唔知續唔續好,因為續就有生日禮物收。所以我到最 後都決定續左佢;

    一個係撘錯線!打黎搵一個唔識既人,結果我話我係劉德華,而家趕 住去開演唱會,如果你係我Fans,可以黎紅館門外捧我場,因為我個 Concert己經爆滿!



    6點幾,我忍唔住主動打比我最老死既朋友,問佢今晚有咩節目。

    佢話約左幾個朋友唱K。然後仲問我生日唱K好似唔駛錢,問我去唔去 !

    果然係我老死!我二話不說話我即到!

    去到卡啦OK,見到一堆我唔多熟既人。

    全部人我只係識得我個老死。

    不過其實都冇所謂呀,志在有人陪下自己過生日者,佢搵咩人黎都唔 緊要啦。

    坐左無耐,突然有蛋糕到,真係好,好耐冇食過生日蛋糕!

    正當我走上前係蛋糕前許了個願,準備去吹蠟燭時,突然見到上面寫 住:Happy Birthday to Shirley!

    然後抬頭一望,全場人目光呆滯的望住我!

    我問邊個叫Shirley?然後就有個女仔就行出黎話佢係。

    我問佢:「乜今日妳生日咩?」

    佢點點頭,指住我老死話佢好有幫佢搞呢個生日,但佢話生日可以幫 佢搞,個願望可唔可以留比佢自己許,唔駛幫手喎!

    我突然覺得體內既酒精以光速升緊上塊面,帶黎一點紅;個頭仲有少 少好似出煙咁,即係煲�I粥咁有陣特有既氣味。

    係個時,個女仔己經許完願,問我介唔介意放低把刀,比佢切第一下 ,先再比返我分個Cake喎。



    係比人大笑過之後,我獨自一人走先。

    突然驚覺,原來當一個男人出黎做野幾年後,好難搵到人同你慶祝生 日,甚至收到一句生日快樂!



    生日沒有人為一個男人慶祝,當然係一件慘事;

    如果有人為呢個男人慶祝,當中冇自己女朋友或心儀既女人,又係有 一D遺憾;

    如果冇生日禮物,更加會覺得係遺憾中既遺憾,連講都唔想講比人知 。





    咁女人既生日呢?No way!我好少聽女人生日收唔到任何一份禮物, 一餐飯,又或一句生日快樂的!



    生日,男女從來都唔公平!



  • 我唔鐘意生日架喎



  • 點解呢?



  • 唔知


    所以每年生日我都會自己過



  • 我單身既話都係~


    自己開支紅酒清左佢訓覺



  • --從來女仔都比男仔細心--





    女仔朋友會為女仔朋友準備生日,





    但很少聽到男仔朋友會為他的老死準備呢 ~





    也許是不夠細心吧 !



  • 我有拖拍都係


    總之生日一定會自己過



  • 但很少聽到男仔朋友會為他的老死準備呢 ~ < = = somehow我未聽過




  • 有拍拖都一個人過咁神奇@@


    個女朋友只覺得你有兩個女朋友喳喎@@



  • 可以提早麻


    正日就唔好啦



  • wooden_figure replied @ 2009-06-04 3:36 pm





    我有拖拍都係


    總之生日一定會自己過





    你女朋友也不為你慶祝嗎 ?



  • 你女朋友也不為你慶祝嗎 ?


    by zoe 蘇兒 - 06/04/09 15:40





    我係唔鐘意人同我慶祝



  • 正日有咩問題?



  • 正日要自己過囉


    最好個日避世



  • 講真,男仔生日好少會收到朋友既禮物,最多都係食下飯或去摸吓酒杯底...



  • 咁奇怪既~~


    呀爸呀媽有冇表示



  • 飯都冇咩食過



  • 咁你d朋友一定唔記得你生日囉^^


    不過呢男人都係粗心大意架啦.....



  • Calma


    呀爸呀媽有表示


    不過我會當唔知



  • Calma replied @ 2009-06-04 3:46 pm





    飯都冇咩食過





    可能是因為你太低調了,


    你高調一點,


    下年生日應該會改善的, 哈哈!


login to reply
 

looks like your connection to she.com messageboard was lost, please wait while we try to reconnect.