經濟環境咁差, d人都要亂派帖



  • 有個朋友既細妹結婚, 幾年無見過, 就算係幾年前都唔係好熟, 講過幾多句野都數得出, 

    竟然派帖比我, 講真我好多朋友, 同事結婚派帖前, 都會問吓我係咪真係得閒黎飲, 先會派比我,E家尼D經濟環境, 大家都明,

    唉...最衰成日都見到尼個朋友, 如果唔係當收唔到算...

    雖然, 幾舊水人情, 如果真心為朋友開心我無所謂, 但而家比人屈咁...好無奈



  • 我有個中學同學, 中一識到中五, 其實都唔係好熟...


    自中五讀完書之後, 就緊加無見過無聯絡, 我改埋電話佢都唔知.





    但係... 係三年前0既一個晚上, 佢竟然打比我話比喜帖我.. (0個陣我已經改左手提電話)...


    我問佢: e?? 點解你會知道我新手提0既?


    佢話: 無呀~ 咁我睇返紀念冊見到你屋企電話麻~ 咪打去你屋企到問0羅...


    我: ............................................ O 曬....



  • 唔明點解 d 人結婚搞咁多野 ...





    其實你自己應該諗吓你會唔會鐘意去呢 d 又悶又無聊既野 .





    到你結婚時 ... 你望吓台下 ... 99.9% 坐係度既人都係 " 唔願意 " 去飲你餐酒 !!



  • 唔可以咁講0既








    如果真係同佢好好感情, 係好fd0既話, 咁我會好願意去飲佢0個餐同埋祝福佢.....什至要我幫手做姐妹, 做伴娘都絕對唔成問題.








    問題係!!!! 我同你唔q熟, 一年都唔搵次0個0的, 唔該你唔好攪我



  • 我都係咁話, 圍內玩開個班frd, 真係會好想去飲大家個餐, 或者做埋伴娘/伴郎tim啦,


    但有d人會用結婚黎搵錢, 將自己既快樂建築係別人既痛苦上, 超賤.



  • 最經典就係我舊同學...... 搵唔到我手提, 就睇返紀念冊, 搵我屋企人挖我手提....... 唉



  • 喂!


    舊同學搵你喳ma!


    你唔識拒絶佢咩 !





  • 都唔係架 ...





    好似有時成班同事入面有一個結婚 ... 咁我地個個都好熟架 la.. 日日對住 !





    但我都會聽到有人話其實真係唔係咁想去 (真係講出口果隻).











    我有個中學後都無見過既同學 ... 十幾年無 contact !!





    點知係 facebook 撞返佢.





    果時佢知我好 " 唔掂 " $$$銀上.





    但佢都堅持約我出黎比貼我 !!!!!!





    真係 .... LURT 得就 LURT !!!!!!!!!



  • ? replied @ 2009-06-02 12:08 pm





    喂!


    舊同學搵你喳ma!


    你唔識拒絶佢咩 !











    係.... 係我蠢



  • 唔想去就唔去



  • 係啦


    如果唔想去,連三舊都唔想俾,可以點做呢?





    扮唔記得左去?



  • 買份禮物比佢羅, ok ma?



  • 其實佢地理鬼得你去唔去 ... 到時咁多人。。都唔得閒蕉FU你.





    最緊要係收到你果 3 舊水 ... 所以張貼有理無理 .. suk 左比你先算 !



  • 我唔出現,點俾三舊?





    對唔熟果d,我絕不介意no show(人連人情都no show)



  • 唔熟果D直接推佢罷了.



  • 你話 " 唔熟 " o者 .... 但 "佢" 覺得你同佢好熟呢 !!





    唔去都要比架 ! 幾時再見到佢咪比佢囉 ....








    乜唔係去就 5 舊 , 唔去就 3 舊咩 ?!?







  • 如果你覺得都唔係朋友仲唔熟tim,佢係搵你笨既,三舊都唔洗俾。



  • 有個同事, 第二個dept, 我覺得同佢極之唔熟, 佢比帖我, 我回佢一個係惠康用印花換既Royal Doulton 燙鬥.



  • 有個同事, 第二個dept, 我覺得同佢極之唔熟, 佢比帖我, 我回佢一個係惠康用印花換既Royal Doulton 燙鬥.





    ========> 笑左.......又係一個好方法...值得借鏡



  • 有d人係咁架, 自己結婚又要豪要大搞, 但係又唔願洗自己錢, 就搵d朋友笨正cheap人, 豪唔起就咪學人豪啦





    其實結婚係自己私事, 真係中意高興熱鬧咪自己洗錢請人飲, d朋友就算唔俾人情肯黎飲都係開心, 下下向錢看都唔係真朋友啦


login to reply
 

looks like your connection to she.com messageboard was lost, please wait while we try to reconnect.