男人係咪蠢成咁....



  • 我都唔係要求好多, 平時見面已經好少, 你每次打來都是同我講你有幾忙, 你有無關心過我架 ? 講幾句窩心既說話係咪真係好難為你 ?



  • 你話你好忙, ok 我唔煩你, 等你有時間先找我, 我電話都唔敢打一個俾你啊 ! 等到你打電話來你只是講你自己工作點點點, 我係你女朋友, 唔係你朋友甲乙丙丁啊 !!!!



  • 你話你好忙, ok 我唔煩你, 等你有時間先找我, 我電話都唔敢打一個俾你啊 ! 等到你打電話來你只是講你自己工作點點點, 我係你女朋友, 唔係你朋友甲乙丙丁啊 !!!!



  • 同咁男仔一起


    真係難為你囉



  • 我體諒你, 容忍你, 你有無體諒下我啊 ? 我要既只是少少關心咋 ! 乜我好過份咩 ??



  • 這些不滿, 我都只是在這兒發洩出來, 唔想再屈住好辛苦啊, 對住你我只有將全部既不滿情緒埋藏起來, 不過我唔知幾時會一次過爆出來



  • 點解你唔同佢講


    你唔講佢唔知你要咩



  • 不如你直接同你bf講你既感受, 你唔講人地點知.....



  • 講過了, 但都無咩用, 係佢眼中事業可能係最重要, 我覺得佢跟本無心情去談情說愛



  • kaka, 放鬆啲, 慢慢張你既感受話比你男友知



  • 有時我覺得好似係度乞求佢俾少少既重視, 下下要出到口才有既溫柔又有咩意思



  • 相愛真係好難, 大家期望唔同



  • 男人重視你的話, 點忙都有時間 ...



  • 發脾氣又試過, 嗲又嗲過, 可能佢性格係咁, 但有時我真是覺得同佢心靈上距離很遠, 這是最大既難處



  • MIMIO - 你講得好對, 佢就是不重視我吧.



  • 相愛很難, 一齊真是好大既學問, 不是不愛, 但又好似好有距離, 是心的距離



  • he may not busy, saying busy but doing something behind.....:)



  • Honey,老實講我都好難做。





    妳成日打電話上來公司,你要我點同妳傾,隔離左右都系同事老細,我語氣COOL妳又唔開心,我語氣溫柔又怕影響人,老細要話返工地方唔系羅來拍拖,妳要我點啊。





    好啦,放工打比妳,老實講妳發唔發覺妳系個沒話題既人,妳每次都無新鮮TOPIC出來SHARE,次次系等我搏命創造新話題,一個人的經歷好有限,妳要我次次倒水一樣講一大堆野令妳開心,老實講我真系無禁多創意,唯有講工作啦,妳又話我無聊。好到我無野講,妳又無野講,跟住就兩個人齊齊DEAD AIR。





    妳要我關心妳,老實講有啊,妳今日點啊,開唔開心,感覺點啊,來來去去都系兩副屁,兩句話,講得多都覺得無聊啦,妳答得又簡單,我都唔知點駁個話題落去。





    妳話我唔體諒妳,妳有無念過我既感受。



  • 可能我太在乎他, 我可以一天到晚等他電話, 而佢可以話好忙而不給我電話, 需然在他面前我沒有表示不滿, 但心就在流淚.



  • 如果你男友真係唔重視你, 你會嘗試結交其他異性嗎?



  • 可能佢都想係繁忙既工作之後

    有個溫柔既女友舒緩下呢



  • Lasaniya 既言論可能係好多男人既心低話



  • Lasaniya - 這大概是你的心聲吧 !


    我每天都不會打給他,因怕阻他工作, 而佢每天打俾我都只是講短短幾分鐘, 咁你又知唔知我又幾期望呢短短幾分鐘呢 ! 你說你的工作我耐心去聽, 我盡量埋藏不開心情緒怕令你唔開心, 不是要你每次都闔心下我, 但10個電話總有幾次可以問下我既事, 講幾句甜言蜜語掛




  • 我每天都不會打給他,因怕阻他工作, 而佢每天打俾我都只是講短短幾分鐘, 咁你又知唔知我又幾期望呢短短幾分鐘呢 ! 你說你的工作我耐心去聽, 我盡量埋藏不開心情緒怕令你唔開心, 不是要你每次都闔心下我, 但10個電話總有幾次可以問下我既事, 講幾句甜言蜜語掛


    ======================================================================





    其實我講工作妳唔中意聽,妳唔投訴我都聽得出啦,講十句應一句無心裝載,但系我真系唔知道仲有0羊可以講。





    記不記得我問妳妳點啊,妳話今日心情不好,女人不方便的日子,結果我就只能駁話題問女人的生理問題的知識,其實中學時老早就知道啦,但系我為左令妳發揮得開心由妳講,心底話,其實很無聊,但我都努力去聽。但是這些方法只能用一兩次。





    平時問妳點啊,妳話無0羊,物又系禁,我每次聽到尼句就心念,死啦,點接龍啊?講0羊好?久而久之,我好怕同妳講野,因為我已經是無從發揮,特別是返完工後個人累到個腦空白,但系我又唔可以停,因為我仲要做個作家,念點樣將今日無聊的工作變成一部荷裡活大片。





    我真的好累...



  • 咁你地幾時先見到一次面呀?佢週末有陪你嗎?



  • Lasaniya,





    因為你說的全部不是女人想聽的, 女人好簡單只要幾句窩心, 溫柔既說話已經足夠令她開心, 有安全感.


    如果你唔信, 你下次同你女朋友講...





    >> 我今天工作真是好累, 但開心的就是現在可以跟你講一陣電話..


    >> 我好掛住妳, 好想見你.


    >> 終於放工, 可以打電話俾你啦.


    >> 你今日有無掛住我先...honey







  • rain - 一星期都無一次



  • 我由唔打電話到每日打3次, 又如何, 結果都係要分開

     



  • 真是... 一物治一物 



    只是現實上又我見到角色倒轉的情況. 男的算是浪漫, 女的不解溫柔.



    哈, 無言!



  • kaka replied @ 2009-05-13 2:43 pm


    這些不滿, 我都只是在這兒發洩出來, 唔想再屈住好辛苦啊, 對住你我只有將全部既不滿情緒埋藏起來, 不過我唔知幾時會一次過爆出來<





    同佢分手lor


    通街都系男仔



  • Dear kaka





    我真系唔知點講,我唔系女人,我就只能講男人野,我講工作為左不斷UPDATE個話題





    >> 我今天工作真是好累, 但開心的就是現在可以跟你講一陣電話..


    >> 我好掛住妳, 好想見你.


    >> 終於放工, 可以打電話俾你啦.


    >> 你今日有無掛住我先...honey





    妳其實有無留意,我有講,但系唔多,而且尼D話系無後續嫁,重複又重複,妳唔覺得悶嗎?而且換個角度講,日日浪漫就系無浪漫,我既EX就講過 “好掛住妳”尼四個字唔好成日用,我第一次聽到好開心,到左5,6次開始就覺得無所謂啦。





    到左後來我發覺,等妳去掛住我,好過我不斷去表示自己掛住妳,而且男人太黏身通常系比人不務正業的印像,做男人都系好難嫁。





    =====================================================================





    不能再寫下去了,再寫我就露餡了嘻嘻嘻~~~~





    >> 我今天工作真是好累, 但開心的就是現在可以跟你講一陣電話..


    >> 我好掛住妳, 好想見你.


    >> 終於放工, 可以打電話俾你啦.


    >> 你今日有無掛住我先...honey





    不如這樣,妳把這些話對他在電話上說,其實也挺受落的





    至少我的女人還沒對我講過這些話呢。(笑)



  • 佢話忙,你唔好叫佢打比你啦.你話你得閒先打比我.如果佢唔打就算.



  • 同佢分手lor

    通街都系男仔

    ------------------------



    又唔好下下叫人分手.

    版主發泄下啫.

    Relax



  • 其實老實講 , 男人好多野佢地唔係唔做 , 佢地唔明 or 唔知要做 ~





    你可以同佢D fr 講下 , 等D fr 暗示下佢 ~



  • 佢扮忙丫麻,你要比佢更忙.


    D男人係咁架,你越緊佢,佢就越唔上心,到你人影都唔見,佢就會浮面.




  • 佢扮忙丫麻,你要比佢更忙.


    D男人係咁架,你越緊佢,佢就越唔上心,到你人影都唔見,佢就會浮面.


    ============================================================





    Good idea



  • 搵幾個男性好朋友囉, 比佢少少錯覺... 哈哈. 好似好衰既提意.



  • 你先攪清楚佢係真忙定假忙先啦...





    如果係扮忙 那你就唔需要再浪費時間係到忍啦


    係真忙 那你就要學識接受





    你地傾電話時 只有佢講無你講? 你講你既野佢聽唔聽先?


    老實講 如果佢真係好忙 而打得來同你傾既都只係:


    >> 我今天工作真是好累, 但開心的就是現在可以跟你講一陣電話..


    >> 我好掛住妳, 好想見你.


    >> 終於放工, 可以打電話俾你啦.


    >> 你今日有無掛住我先...honey





    頭個幾次你會好霖..但聽得多幾次 你又會話佢 已經咁少時間搵你 搵你又只交這些行貨對白.


    或者佢講比你聽佢工作既野 只係想你了解到佢真係工作好忙所以先少搵你呢..





    又或者你可以叫佢每次好忙又諗起你時 叫佢SMS下你上面個d說話?



  • 雖然我都係男仔~但都幾認同kaka既講法


    其實個女仔只係想人地關心下佢、愛護下佢


    我都成日俾人話同女友骨痺到想嘔


    但我就只係想同佢一個人咁做


    雖然我都仲係讀緊書~唔會明白做完成日野既辛苦


    但係我覺得咁唔係一個藉口


    有時有d野~你同佢講一句"我愛你"就已經足夠


    兩個人之間唔係話一定要有無盡既話題non-stop咁傾


    最緊要大家心連心~一句窩心的說話~勝過千言萬語



  • 熱戀中講甜話就乜都受落...


    睇下維持有幾耐......


    我就用一啖砂糖一啖屎既方法咯


    吾試過d苦


    點珍惜d甜味丫.......



  • kaka kaka replied @ 2009-05-13 3:02 pm





    Lasaniya - 這大概是你的心聲吧 !


    我每天都不會打給他,因怕阻他工作, 而佢每天打俾我都只是講短短幾分鐘, 咁你又知唔知我又幾期望呢短短幾分鐘呢 ! 你說你的工作我耐心去聽, 我盡量埋藏不開心情緒怕令你唔開心, 不是要你每次都闔心下我, 但10個電話總有幾次可以問下我既事, 講幾句甜言蜜語掛





    kaka, 你既心情我完全明白, 完全係我既翻版... 每日都係度等佢既電話...盡量不發佢脾氣... 其實我想要既只係幾分鐘既關心同甜言蜜語...




  • 我以前個男朋友同版主一樣。打來只會就工作多辛苦,多忙,完全冇問一句你今日點。真你話又話過講又講過。講左最初咪問你一句然後答都唔答你就講自己幾忙幾辛苦囉。過一陣又回復本來面目。同佢都成十年都係咁。


    宜家果個男友每日都會問我今日過得點,有沒有開心又或不開心的事等。同佢都好多年都仍然係咁。我覺得呢d係個人性格既問題。



  • 男人係咪蠢成咁....


    我都唔係要求好多, 平時見面已經好少, 你每次打來都是同我講你有幾忙, 你有無關心過我架 ? 講幾句窩心既說話係咪真係好難為你 ?


    ===================





    唔係蠢...係精甩尾先岩喎 0.0





    仲可以用自私黎形容都應該可以, 佢只係關心自己, 佢想你再關心佢多d, 佢無想過要為你付出什麼, 睇落...你蠢d喎!



  • 遇人不淑



  • 我之前都同一個director拍過拖, 佢又係好忙, 一天又係放工返家時打給我一次, 講下佢公司野有幾忙, 問兩句我既野, 跟住返到家就收線....每天如是, 兩星期只見一次, 有時多就兩次....佢話佢好忙好忙喎.....但我知佢每晚放工都上網睇鹹片...其實好忙, 佢都可以去我家望下我半個鐘都好呀, 可是我兩星期只會見佢一次.....


    最後拍左兩個月, 我頂唔順, 有男友好似無, 同佢分左手嚕....





    後來我又拍一個總經理, 佢又係忙到飛起, 好多野做, 有時做到一, 兩點, 不過同個director好唔同, 就係佢每天一有空, 就打俾我傾幾句, 又會sms話我知, 佢做緊咩, 而幾天, 佢就會過來見一見我, 同我食飯, 睇戲咁, 有時只會見我一個鐘, 又馬上趕返公司做野, 有時佢係家做野, 就會開著msn同我用眼仔同我傾計, 大家望到對方, 佢話佢幾忙都好, 佢都會掛我, 同埋幾忙都好, 佢都會努力去維繫我倆, 我地一齊三年啦, 佢都仲係好忙, 但仍然好愛鍚和關心我...





    所以個男人忙只係籍口, 點忙都可以抽幾分鐘打俾你, 關心下你.....如果當初, 我唔決心同個director分手, 我宜家都唔會有個好男友, 所以分手啦, 搵過一個好既男人, 去愛鍚你





    其實只要恨心一點, 將來會有更好的, 在等你



  • gf replied @ 2009-05-13 6:59 pm





    我之前都同一個director拍過拖, 佢又係好忙, 一天又係放工返家時打給我一次, 講下佢公司野有幾忙, 問兩句我既野, 跟住返到家就收線....每天如是, 兩星期只見一次, 有時多就兩次....佢話佢好忙好忙喎.....但我知佢每晚放工都上網睇鹹片...其實好忙, 佢都可以去我家望下我半個鐘都好呀, 可是我兩星期只會見佢一次.....


    最後拍左兩個月, 我頂唔順, 有男友好似無, 同佢分左手嚕....





    後來我又拍一個總經理, 佢又係忙到飛起, 好多野做, 有時做到一, 兩點, 不過同個director好唔同, 就係佢每天一有空, 就打俾我傾幾句, 又會sms話我知, 佢做緊咩, 而幾天, 佢就會過來見一見我, 同我食飯, 睇戲咁, 有時只會見我一個鐘, 又馬上趕返公司做野, 有時佢係家做野, 就會開著msn同我用眼仔同我傾計, 大家望到對方, 佢話佢幾忙都好, 佢都會掛我, 同埋幾忙都好, 佢都會努力去維繫我倆, 我地一齊三年啦, 佢都仲係好忙, 但仍然好愛鍚和關心我...





    所以個男人忙只係籍口, 點忙都可以抽幾分鐘打俾你, 關心下你.....如果當初, 我唔決心同個director分手, 我宜家都唔會有個好男友, 所以分手啦, 搵過一個好既男人, 去愛鍚你





    其實只要恨心一點, 將來會有更好的, 在等你


    __________________________________





    所以個男人忙只係籍口, 點忙都可以抽幾分鐘打俾你, 關心下你..


    是不是真的


    有冇男仔可以講下,係咪點忙都會陪自己心愛的人?



  • 睇下忙乜啦, 忙工作就放工先陪, 忙私人事, 米拖埋一齊去忙羅! 都叫做有得見呀嗎 hehheehe ~



  • 咁你既答案已經出左喇


    樓主男友既情況如果出現係一個女人身上


    就即是個男人唔愛佢囉



  • 所以我米話, 個男仔精甩尾羅 呵呵 ~






  • 可惜呢d男仔是好多的


login to reply
 

looks like your connection to she.com messageboard was lost, please wait while we try to reconnect.