「大富翁」唔俾老婆手袋私有化



  • 「戰國公子」借首飾俾女朋友戴,已經喺名人圈出曬名,不過媽咪姐最近喺社交版行家度聽到另一單嘢,情形同「戰國公子」差唔多,不過唔係借首飾,而係手袋。今次嘅主角係「大富翁」。


    「大富翁」出現喺報紙雜誌嘅機會都好多,而每次帶出嚟嘅老婆、女友都唔同,但唯一有樣相同嘅,就係呢幾個女人每次出親嚟必定手挽價值十幾萬到百幾萬嘅手袋。有啲仲係乜乜限量版、有啲又話全世界得一、兩個咁巴閉。但大家又有冇發現佢哋同一個袋又好少用第二次呢?

    行家話佢哋嘅手袋冇錯全部都係「大富翁」真金白銀買嘅。咦,咁「大富翁」都好闊佬啫!行家踢爆話「大富翁」把口就話送啲袋俾老婆、女友,但原來啲手袋只係俾佢哋拎出嚟曬吓咋,唔係佢哋私有化㗎,所以每次「曬」完就要第一時間交番俾「大富翁」。吓,點解?

    原 來「大富翁」藉口就話啲手袋唔係一千幾百,講緊係一百幾十萬,怕佢哋唔識打理,所以喺自己個竇度整咗間大房嚟專放手袋之餘,仲搵專人嚟打理喎。講穿咗,其 實係「大富翁」為防呢啲女人作反起嚟,拎曬啲手袋去變賣套現至係真。唔怪得見到班女人當手袋係寶咁,又要包又要墊,驚死揩花整污糟啦。不過媽咪姐都要讚吓 「大富翁」,咁都俾佢諗到,睇嚟佢算人叻過長毛蘇喎。



  • 長毛蘇 knows nothing on handbags la



  • 呢D料未出來之前, 我都好奇怪點解大劉所有身邊老婆女友都只會用呢一牌子手袋, 我個時重同朋友講都唔知係咪大劉指定要買, 又指定要D女人用。 我現在估計。。。大劉覺得呢隻BRAND有保值,  再者, 佢要面子,要威。 要新邊人都拿住富豪界中只有佢有既款式。 難怪”金脾”跟左佢都目口目面, 成日都唔開心。 跟以前佢開朗性格好大出入。



  • 甘比的確係用紙巾薦住先至放低個袋(響車入面,果陣仲大緊肚),用紙巾包住手挽既係四太???定係佢???唔記得啦。記者係影過出嚟㗎。



  • 本末倒置 用個手袋用到咁大壓力 唔知為乜



  • 人地用名牌袋,大劉既女人又係用名牌袋,你睇人家黎姿用時有無用得咁驚青呀?





    自己老公買既係唔同d!





    唔知大劉個女有無用呢個品牌既手袋??有無用紙巾墊住呢?





    不過我覺得既然咁"鏡石"個手袋,我估大劉班女人下次唔會用紙巾,而係用衛生巾墊住!因為貪佢索水......哈哈........



  • 即係好似男人玩車咁, 有d車主係人玩車, 有d車主係車玩人...



  • 上期忽週影左”金脾”坐係架車,隔離有個哈墨士袋係用白色毛巾墊住,果陣時已經覺得好怪。





    聽過有闊太做占,要個工人戴住白手套,捧住個貴袋係隔離罰企咁。



  • 拎得咁鬼小心同辛苦, 咁手袋近家唔可以放野啦用乜易整花裹面嫁...





    不知所為, 拎住吉既手袋....為咩呀!!!



  • 唔知點解佢咁小家, 佢前妻都唔係咁.



  • 即係似我個暴發親戚,+幾萬沙發買番來用布冚住唔捨得俾人坐,幾萬一座鋼琴買番來唔俾D仔女彈,又訂個布套罩住,"娘"到無倫.(連rice cooker 都係有cover, because "Made in Japan" wor!),見到都笑破肚皮,哈哈哈...!!!!!!!





    真係前世未有錢過 :(



  • doublecat replied @ 2009-05-09 1:21 pm





    即係好似男人玩車咁, 有d車主係人玩車, 有d車主係車玩人.


    -------------------------------------------------


    cant agree more



  • 暴發 ppl are like that, they just want to show off and tell ppl what they got.




  • 唔通真係越有錢越孤寒﹖



  • 用名牌要用到咁,我寧願用阿媽車俾我既大布袋^^




  • 如果女士係高靚瘦又或有氣質,教養,有品..都會carry到哩個袋好好睇.





    普通女人冇以上既條件拎住咁既袋, 只係代表佢有10+萬係手, 但個手袋同街上d C9拎住既買送袋冇分別.



  • 即係似我個暴發親戚,+幾萬沙發買番來用布冚住唔捨得俾人坐,幾萬一座鋼琴買番來唔俾D仔女彈,又訂個布套罩住,"娘"到無倫.(連rice cooker 都係有cover, because "Made in Japan" wor!),見到都笑破肚皮,哈哈哈...!!!!!!!





    ==> 哈, 我奶奶都用布COVER住RICE COOKER架, 因為MADE IN JAPAN既都唔便宜.


login to reply
 

looks like your connection to she.com messageboard was lost, please wait while we try to reconnect.