風水婚姻破裂 謝偉俊轉移三億資產 白韻琴:我要查數



  • 女人唔襟激....一激好快老....

    2009年65歲



    白韻琴與年輕十五年的謝偉俊拍拖以來一直備受壓力,為了盡量拉近二人外表上的差距,白姐姐幾乎日日游水 keep fit,而且毫不吝嗇展示自己的身段。2006年63歲



    白韻琴與謝偉俊相識時已經年屆四十五歲,不過由於保養得宜,依然深深吸引他力追,並展開一段姊弟戀。45歲







  • 六十五歲的白韻琴跟細自己十五年的謝偉俊( Paul)九七年在拉斯維加斯結婚,廿年感情,卻因爆出謝偉俊偷食「青島佳麗」受到衝擊。


    被指自編自導自演分手鬧劇的白韻琴,依然維護丈夫,飛澳洲箍煲前更開記者會力證二人恩愛,回港後,謝偉俊又配合做大龍鳳,乖乖跟白韻琴同返銅鑼灣愛巢。


    一心繼續扮冇事的白韻琴,卻因為謝偉俊公開一句二人婚姻只是「風水婚姻」,令她醒覺不可再扮鴕鳥。據知,坐擁三億身家的白韻琴近日已的起心肝,跟謝偉俊計數,亦要攞番多年來離奇轉移到對方名下的物業,她承認已找會計師幫手:「我係搵人查緊數。」





    不停搵食


    白韻琴跟謝偉俊的「風水婚姻」,多年來表面風光,即使間接導致謝偉俊離家出走的「青島佳麗」,在白韻琴心目中只屬「碎料」。結婚以來,在人前表現得對白韻琴不離不棄的謝偉俊,私底下卻是另一副面孔,亦未停過出外搵食。近兩年,白韻琴發現他跟自己身邊幾個富豪女友過從甚密,不過為保住謝偉俊的君子形像,一直啞忍。


    「白姐姐舊年同佢一個閨中密友反面,因為阿 Paul同嗰個女富豪關係密切,呢件事跳舞界都知道,個女富豪仲話同阿 Paul係逢場作興,所以白姐姐覺得阿 Paul好唔俾面佢,要偷食都應該搵遠啲,唔應該同老婆身邊嘅朋友,不過,最令白姐姐唔開心係阿 Paul十八年來同佢都冇肌膚之親,連 kiss都冇,佢根本感受唔到阿 Paul嘅愛。」白韻琴身邊友人說。







  • 分身家


    做戲做全套,二人早前飛澳洲度假扮箍煲,其時,有記者問謝偉俊二人是否已註冊結婚,他以「風水婚姻」作回應,令一直死撐扮無事的白韻琴大受刺激,促使她的起心肝,回港後立即搵兩位會計師到律師樓查數,搞清楚多年來她一個人俾錢購入,而無故轉移到謝偉俊名下的多幢物業,先分家,然後再搞清楚二人的婚姻關係,不過「查數事件」已傳遍律師樓。


    「白姐姐發現啲物業無端端多咗阿 Paul個名已經好耐,不過佢一直唔去正視,佢買物業多數都係一炮過俾錢,銀行一定有紀錄,不過每次買完之後,阿 Paul都會俾好多份合約佢簽,之後啲物業就會多咗阿 Paul個名,問佢攞番份合約睇,阿 Paul又諸多藉口,最後都不了了之。不過,有啲物業係分期供款,因為白姐姐超過六十歲,就會加埋阿 Paul個名,總之唔使供嗰啲都應該係得白姐姐一個人嘅名。早排白姐姐搵會計師上阿 Paul律師樓查數,要同對方正式分身家。」一名法律界人士透露。





    向外表示箍煲成功的謝偉俊,月中拖住白韻琴睇首映,細心扶住老婆上落樓梯,日前他以嘉賓身份出現陳志雲的《志雲飯局 Live On Stage》時,白韻琴又扮作若無其事睇騷。不過聞到味知道有人「查數」,謝偉俊竟破例在台上公開向白韻琴道歉,當有觀眾問他捉姦在床會自辯還是請律師,他語帶雙關,指兩夫妻問題,不應由法律解決。


    對於搵會計師查數,白韻琴在電話中親口承認:「人情還人情,數目要分明,親兄弟都要搞清楚條數,何況我同佢冇血緣關係,梗係要查數。」







  • 人又老錢又冇


    作為白韻琴知己的黃夏蕙,上星期陪對方上賭船散心,其間更忍不住向記者大數謝偉俊:「我知道好多物業都係白姐姐真金白銀一次過俾錢,既然阿 Paul話係風水婚姻,即係唔使分俾佢啦,我老公都係律師,我都識法律,風水婚姻即係假嘅,阿 Paul做咗議員,又攞番個律師牌,好心就俾番啲錢白姐姐,唔好等人哋人又老錢又冇。(阿 Paul同白姐姐身邊嘅女朋友關係好密切?)我都聽過,不過就冇親眼見到,個個男人都溝女,但溝女還溝女,都要俾面個老婆識返屋企,同埋要對個老婆好啲,千祈唔好做現代陳世美,搞到個老婆日喊夜喊。」


    至於白韻琴要搞清條數,謝偉俊顯得不耐煩:「要講嘅我都講曬,我同佢之間嘅嘢,唔想愈講愈多。」







  • 白韻琴精於投資,單是在中、港、澳地區已經有 21個物業,在美國、法國、及澳洲等地的物業亦超過 10個,總值超過三億。


    中港澳 21個物業,其中包括:


    中環歐陸貿易中心四個相連單位$4,000萬


    元朗丁地$5,000萬


    廣州金海灣單位$1,000萬


    以及 17個本地單位總計約$2億


    美國拉斯維加斯玫瑰山莊(七個物業)約$8,000萬


    法國巴黎大街 Avenu de Montage單位約$800萬


    澳洲悉尼巿中心 Lumiere Regent Place(五個物業)約$4,000萬


    泰國領事區物業約$300萬


    巿值超過$3億 3,000萬





    01年白韻琴因瞞稅入獄,出獄後即接受前男友蕭若元(左二)及任葆琳主持的電視節目訪問,其實蕭若元跟白韻琴在三十年前曾經拍拖,當時她已經跟第一任富豪丈夫離婚。蕭若元表示:「佢三十年前已經有幾千萬身家,好似話係前夫俾佢嘅,當時佢都鍾意炒樓,可以講生活無憂,不過佢梗係唔會話俾我知有幾多錢。」





    白韻琴與黃夏蕙情同姊妹,早前黃夏蕙帶白韻琴上金公主號賭船散心,賭船老闆都汶龍更親自招呼,不過備受婚變困擾的白韻琴全程悶悶不樂,強顏歡笑。








    倪震偷食張茆後,隨即與拍拖多年的女友周慧敏「引咎分手」,不過其後竟然戲劇性分完又婚,與倪震私交甚篤的白韻琴當時已暗示自己比周慧敏更忍得,充滿弦外之音。







  • 白韻琴忍得,咁謝偉俊都一樣忍得,彼此彼此啦...


    物業文件白韻琴都簽曬,而且謝偉俊又係律師,佢都算穩坐釣魚船~~~



  • 如果報導全真,白姐姐又真係好天真或者係好笨。





    97年結婚,距依家都不過係10年,但就話有18年無肌膚之親,連kiss都無。





    如果咁講,即係話結婚之前8年已經無左愛情,咁樣都重要結婚,兼且無寫婚前協議書,財產起碼分一半。





    死忍爛忍,害怕無左份感情,但結果都係忍無可忍,兼且人財兩失。





    只可以歎一句:凡投資都有風險,白姐姐可沒做好風險管理。







  • 從圖片看,45歲的她,配50歲的他,是好配對,只可惜……




  • 45歲的她,仍可吸引30歲的他,


    正如年近40的三奶仍可吸引20+的法包,


    但到了60+,結果就只餘一個字,"錢"。




  • 老妻配少夫...去到呢個咪關口lor


    30配45的時期,問題還未出現







  • 能醫不能自醫,老娘今次陰溝�娷蔡�....只好揾夏蕙姨"盡訴心中情"...慘情.



  • 又:看上圖(第二張),63歲老婦著成咁出席公眾場所....無言!!!



  • 多嘴 replied @ 2009-04-30 7:23 pm





    又:看上圖(第二張),63歲老婦著成咁出席公眾場所....無言!!!


    =============


    你無言...咁看來我比你更多嘴...!





    這張相是前年出席一次喜筵....


    忘記了是許冠文嫁女還是姜大衛嫁女的



  • 人地嫁女著成咁去飲?莫非打算臨場做floor show???>>>不過又超齡咗D wor?



  • 老妻少夫點會長久



  • 嘆息 replied @ 2009-04-30 9:06 pm


    老妻少夫點會長久


    ======


    有....我識得三對都好長....不過係特別少少....兩對有宗教信仰,一對係男的長期患病....




  • 我有個男性朋友,佢而家33歲,同個大佢十年既女人一齊,個女人40幾,有d錢,但都仲keep得ok,都仲算有樣有身材,平時著得好sexy,我個friend就係中意d咁sexy既女人,唔知佢地將來到左呢個關口會點呢.



  • 唔知佢地將來到左呢個關口會點呢.


    <<<


    分手。




  • 唔知點解突然諗到三奶同個半唐番﹐呢PAIR﹐睇LAST得幾多日﹖



  • 三奶同法包,個人覺得佢地若能夠好到有三年都已經好好野。





    白姐姐有錢,又有本事,先至捱到20年;


    三奶d錢唔夠多,物業又暫時拎唔到去換錢,隨時床頭金盡,法包走路。






login to reply
 

looks like your connection to she.com messageboard was lost, please wait while we try to reconnect.