拍拖10年, 無諗過會咁



  • 咁多年黎身邊既朋友都離離合合, 我一直都覺得自己係幸運既一個, 同女朋友拍左10年拖, 計畫好將來生活, 畢業後用左幾年時間去準備結婚 .  但係, 有一日女朋友突然同我提出, 我所有既計劃只係我一個人既自私, 我地之間原來已經無左愛既感覺.  而家所有所有都幻滅喇, 而我, 得返一個人……



  • 唔好唔開心啦



  • hi girl...


    你都係10年果位?



  • 係我見到你係我thread留言



  • 係呀..


    本來好唔開心, 但係而家知道無得回頭, 死左心返而可以重過新生, 再搵過一個大家都鐘意既人



  • 祝你成功



  • 有時拍左太耐拖唔結婚都唔係咁好



  • 版主你都幾識諗喎


    死心呢d野,唔係咁易做到



  • 係呀, 拍左太耐而唔去改變大家既生活方式, eg, 結婚 or 同居, 大家都會開始悶, 慢慢咩感覺都無曬喇



  • 好奇一問


    咁你而家同ex係咩關係?


    會唔會成日都搵大家?



  • 我就係o禁開始冇咩感覺



  • jill,


    本來以為做到朋友,不過因為佢朋友閒言閒語令到佢好憎我, 見都唔想見lu



  • 相識十年的人突然變得陌生...個感覺好難受



  • girl, 細水長流原來唔work架...


    我其實攪到結婚既地步, 但係一句 "我唔係要呢d" 就推番左我咁多年既心血, 講起上黎我應該要嬲.



  • 可以一下子反反曬面, 仲話要去識過第二個. 其實, 我都花左10年時間, 唔只係佢. 佢要一個有錢, 又唔洗要供樓既男人, 我仲未做到



  • me


    但係你ex話你自私喎,結婚係你自己想,定係本身大家有共識?



  • 佢咁勢利,就算結左婚都係D只可以共富貴,不能共患難的人啦,你甩到身咪當自己好彩囉



  • Me and girl seems pretty matched each other ... maybe you two can try try ^o^



  • 我同你剛相反我同佢o禁耐,身邊朋友都結婚,唉同佢講佢反問我你想我點.我又可以點.



  • 恭喜版主......自由無價......



  • 咁你同佢讀書時代已開始?



  • yanyan, 係大家有左共識, 只不過係大家未到目標時, 佢已經捱唔住話要放棄喇. 佢話我地到左呢一刻只係為左結婚而結, 而唔係因為好愛而結.


    我好想有一個家, 一個屬於兩個人既家, 有個小朋友, 一直對將來係充滿希望的....佢一直對我都好淡, 可有可無, 所以我都好想改變呢個關係



  • selma1689


    係呀, 讀大學時識.


    當年細個果陣, 只考慮夾唔夾, 但係到而家, 再搵過另一個時, 就多左好多野要考慮.




  • girl, 好多男人都好似係個case唔想結婚, 但係我個case就相反wor, haha...



  • me


    我覺得你已經好勁喇


    時間同環境可以改變一個人好多好多,我自己都唔肯定係咪可以對住同一個人十年咁耐......



  • 突然想起





    日夜做 儲的錢 都應該夠 到聖誕 正好講 跟我白頭


    誰知她開了口 未能挨下去 已恨我很久





    錯失太易 愛得太遲 我怎想到 她忍不到那日子


    盲目地發奮 忙忙忙從來未知 幸福會掠過 再也沒法說鍾意




  • yanyan, 10年好快就過, 唔覺唔覺就過左. 雖然大家都會改變, 但係始終對身邊一個有責任, 就唔會再睇到其他人既好....



  • Me


    愛得太遲...呢個係咪你呢次既致命傷呀?



  • 可能 "愛得太淡"先係致命傷....唉




  • 算啦心淡了



  • 所以如果我遇到下一個, 一定要早d同佢講結婚



  • 淡左又真係麻煩d既,尤其係大家都仲後生既話



  • Me,你好似我男友...



  • he's one of those who wants to settle down early but i'm not.





    he thinks that i'm selfish but the fact is i still love him but i'm still young and getting married and having kids are definitely not my top prioirty.





    i guess somehow i know how your ex feels - its the pressure that ruined the relationship.



  • 愛情就係咁架啦,宜家你地結婚前分開都唔係一件壞事呀,起碼可以睇清楚大家所追求既原來唔係一樣既...



  • Would you like to marry me?



  • No thanks!......kikikikiki......



  • yee, 我ex gf 成30歲架喇.....仲邊後生呢



  • Zoe, 你問邊個?




  • 30 years old...normally it's time to settle down for women. i think she refused to because she's still searching for someone else (someone richer who can buy a house without paying mortgage in your case). that's why no matter what u do or how good you treat her, she will not settle down with you.





    Me,trust me, you derserve much better girl,



  • yee, 我都曾經怪過自己,點解我唔係有錢人. 而家令到我好驚, 係唔係個個女仔都係咁, 真係好驚.



  • 女死女還在......整個件喇.....kikikiki.....



  • 我都同女朋友拍左十年,


    而家大家仲好好,都計劃緊結婚,


    大家中間都經歷好多必然既階段先可以有今日~~


    版主吾好灰心,呢d野吾係一個人掌握得曬,


    安慰你既同時我諗你有需要反思一下,


    事出總有因,要搵到問題出係邊,先可以避免重蹈覆切,


    不過你有無盡力挽留呢?



  • 我都同女朋友拍左十年,


    而家大家仲好好,都計劃緊結婚,


    大家中間都經歷好多必然既階段先可以有今日~~


    版主吾好灰心,呢d野吾係一個人掌握得曬,


    安慰你既同時我諗你有需要反思一下,


    事出總有因,要搵到問題出係邊,先可以避免重蹈覆切,


    不過你有無盡力挽留呢?



  • 可以點...一定要搵過一個好女朋友, 問題係,仲未遇到



  • 女之麻......家陣女多男小......擇女都擇到你眼花......



  • 而家令到我好驚, 係唔係個個女仔都係咁, 真係好驚





    Me


    睇完你講既野,我夠會好驚第時萬一有個男人同自己咁耐,表明上好安穩,但原來實質上係愛得好淡,可有可無......





    邊有得驚咁多!自己做完賽後檢討咪算囉



  • 小白,


    一開始已經係錯, 佢大部份時間都唔係陪我, 有時只係一個星期見一兩次, 係我要求佢"陪"我, 因為佢花大部份時間陪佢阿爸 食lunch, dinner or 去街. 我咁多年已經習慣呢種冷淡既生活, 以為結婚會改變, 點知佢應承左結婚之後一直都好後悔, 唔想離開老豆. 佢仲想結婚要威過佢d朋友,想花好多錢, 因為我要留返d錢做首期, 同佢講結婚唔好用咁多, 佢就唔高興, 想洗埋個首期, 積積埋埋,攪到反曬面



  • 乜你信地久天長?dodo呂方16年都分la,why you會feel 100%幸運既一個?曾經有冇諗過分?



  • 佢好索ga咩?you ex gf 成30歲憑咩揾有$佬?


login to reply
 

looks like your connection to she.com messageboard was lost, please wait while we try to reconnect.