自認有錢既男人, 入黎show下自己幾有米lor....



  • 無..純係睇下有錢男人幾有錢,



  • 個D乜乜富豪排行榜大把la



  • 都唔係...有好多隱形富豪....



  • 點樣為之有錢, 淨資產一億定抑或十億?




  • 我心中富有......








  • 以下故事發生在二十年前, 唉,往事只能回味 .......





    試過有一次在 Macau 雀籠貴賓廳, 記得有五至六張百家樂檯, 一個人霸一張檯黎賭, 圍曬紅繩, 投注最少一萬, 最大五十萬, 幾個大哥傍住坐在旁邊同我對泥碼 .....





    不一會, 有兩個男人走過黎站在旁邊, 我最憎人睇我賭錢, 打個眼色, 其中一個大哥就大聲問, 係咪埋黎呢張檯賭錢, 那兩個男人話只係見識下 .... 個時我後生, 又輸緊錢, 自己又疊馬, 忍不住拍檯大聲講 ..... 吊, 你兩個僕.街.無錢睇乜能野, 返屋企睇你老.母.生仔啦 ..... 兩條友即刻九秒九離開貴賓廳





    玩左一個多小時, 輸左大約六十個, 有D累, 離開百家樂檯, 打橫坐在 cashier 旁邊之梳化, 打算叫野食 ..... 班大哥話這個位置不準吃東西, 只可返回百家樂檯才可進食 ..... 我好累, 不想走來走去, 叫他想辦法 .....





    班友仔同D黃衫 (經理級) 傾左一陣計, 就話攪掂, 叫我等等 ...... 原來呢班大哥走去外面買幾塊大屏風, 圍住我食野 ...... 哈, 真係有腦, 抵醒





    食飽後, 再上戰場, 這個時候, 有一男四女埋黎百家樂檯, 類似泰國或印尼之華僑, 很有禮貌問, 可否坐在對面對賭 ..... 啊啊啊, welcome welcome


    五人一坐低, 個男人有五隻手指戴左鑽戒, 粒粒都比而家既五亳子大, 隻錶就全部鑲石, D 石多到 ..... 錶面都睇唔到時間, 錶帶都鑲滿石 ..... 好, 有對手





    對方好客氣, 讓我先投注, 我買 Banker, 他買 Player, 我買三十個, 他買五十個 ...... 傾開計, 原來是印尼華僑, 經營橡膠生意





    玩左兩個鐘, 對方輸曬無現金, 問貴賓廳有無 credit line 比佢 ..... 唉, 三唔識七, 比條毛咩 ..... 貴賓廳經理叫佢填表, 等二十四小時, 再回覆他





    好, 約好第二日同樣時間, 在百家樂檯再戰 .....





    到左第二日訓醒, 同班大哥食飯後, 就來到貴賓廳, 印尼華僑一家已在等候, 檯面放左一堆籌碼 ..... 我好八掛, 托班大哥查下佢地乜野背景 ..... 開波, 如昨天一樣, 大家好客氣, 一邊玩一邊聊天 ..... 結果這天無乜上落, 收工, 然後走去按摩





    在休息室, 蟹王告訴我, 公司在東南亞各地都有專人負責調查及跟進客戶資料 ..... 印尼華僑做橡膠生意, 那邊之調查員去過他的橡膠園, 試過坐車打算巡一個圈看有多大面積 ...... 架車行駛了一段時間, 用左差不多一半汽油就放棄, 立即叫司機返回橡膠園入口 ..... 面積太大, 最後要租用直升機才完成調查工作 ..... 我問蟹王有無咁誇, 他說真人真事, 有幾間賭場都查個呢家人, 最後間間都放數, 而家公司都信佢一千五百個 .....





    如是者在雀籠玩左四日三夜, 不分日夜, 最後贏左大約六百個 (二十年前可以買到半山豪宅) ..... 印尼華僑當然輸曬, 仍然好有品, 微笑握手道別 ..... 真係難得















  • 好多人一定會好奇, 想知道 peter 既現在情況, 以下節錄自 2009-01-23 既片段





    金融海嘯下, 請問大家輸幾多錢 ?????





    我 ....... 輸物業, 輸汽車, 輸股票, 輸足球, 輸六合彩, 輸百家樂, 輸麻雀 ....... 在過去四年所輸既錢, 唉, 差 D 就等於上期六合彩頭獎 ....... 輸到麻木曬, 補充少少, 上期六合彩頭獎係六千幾萬, 無人中





    人一出世就註定要賭, 只係唔同年紀/唔同層次/唔同時候, 要用不同形態既籌碼去賭








    2009-01-24


    剛剛去完 St. Joseph Church (Garden Road) 送梁老先生最後一程, 遇到中信榮生及陳四萬, 打個招呼就坐低, 大家默然不語 ...... 有錢無錢, 最後都係走同一條路, 做人真係好化





    2009-01-25


    年三十晚, 講番D開心事





    趙生/ Lily Ho 之千金與李太之公子在三月一日結婚, 左揀右揀, 最後決定在 Inter-Continental 擺酒, 可惜只可容納七百人, 雙方加起來有兩千幾親朋好友, 家長們經過幾次討論, 最後挑選了七百個貴賓, 前特首董生亦會上台致辭, 榮幸地小弟也榜上有名, 重係預留左兩個位





    我在當日剛好要出門, 致電主人家講聲多謝及推卻, 最後比主人家鬧, 無面比, 一定要到 ...... 唯有更改出門之日期, 再即刻上網訂禮物, 點知有份量的禮物已經被其他賓客訂購一空, 剩下只有較平宜既三千元禮卷, 馬上訂左十張 ...... 在此祝賀 Jane & Dominique 白頭到老, 永結同心





    明天大年初一, 恭祝大家新年進步, 萬事如意





    年初三, 答應鬼王媳婦之邀請, 同女友過大海玩幾日, 免費包食宿 .....





    第一日住四季, 格調唔錯, 入到客房, 輕敲牆壁, 全部都是木板, 嘩, 火燭點算呀 ..... 重有, 張大床太高 ..... 去洗手間睇下, 沖涼時也可以睇電視 ..... 放好行李落去賭場, 地方不太大但勝在人少, 女友自己玩角子機, 我自己霸一張檯玩百家樂, 三個幾鐘嬴左六十個, 算唔錯 ..... 吃喝玩樂之後, 返房訓覺, 張床不夠舒服, 輾轉反側到第二日中午, 打電話比鬼王媳婦投訴 .....





    第二日下午搬去威尼斯人, 放好行李落去賭場, 嘩, 人山人海, 旺丁唔旺財, 叫女友自己玩, 我拿拿林入去御匾會, 人少好多, 搵張百家樂檯坐低, 即刻有專人奉上一百個籌碼, 唔夠三個鐘輸曬, 再要多兩百個, 又輸埋 ..... 起身唔賭, 唉, 今次使費重貴過由烏維斯亞包船去南極旅行





    第三日上午, 朋友致電話請我去老記食雲吞麵, 一間普通店舖, 雲吞麵 $48, 油菜 $68, 燒肉例牌 $138, 裹蒸粽 $88, 再加一, 真係賺到笑, 但係門口一樣排隊等位 ..... 食飽後就返香港








    待續















  • 2009-02-09


    差不多一年無著 Tuxedo, 昨天在家拿幾套出黎試, 中年發福有些少肚腩, 好窄 .....


    明天約好裁縫上公司再做, 加到一萬, 希望趕得切在二月底完工 .....





    Jane & Dominique





    Feb 28 (Sat) 晚上


    Island Tang (3 hours)





    Mar 1 (Sun) 中午


    天主教總堂 (2 hours)





    Mar 1 (Sun) 晚上


    Inter-Continental (4 hours)





    Mar 2 (Mon) 上午


    Brunch, Inter-Continental (4 hours)





    連續三天, 日飲夜又飲, 希望各位達官貴人, 手下留情, 不要灌醉小弟








    2009-03-02


    為期兩日兩夜之豪門婚禮, 今日中午終於全部完成





    昨晚在洲際為重頭戲, 來自各國賓客排隊行紅地氈進場, 先登記再行雲石樓梯上二樓入席, 所有記者只限在門口, 不准進入禮堂, 可能有錢佬太多 (加埋最少有幾萬億身家), 全場有頗多保鏢站崗, 美國政府應該找這班富豪傾計救市 .....





    男方李家從事製衣業, 女方趙家從事航運界, 前任及現任特首一齊出席到賀, 可見雙方家長都好有面子 ..... 趙生行動不便, 仍堅持由兩名壯男參扶上台致辭, 提及當年迎娶 Lily Ho 之趣事 ; 董生做主婚人及致辭, 話自己認識雙方主人家三代 ; 跟住到李太, 講到自己年青時怎樣艱苦創業 ..... 可能三位都係長輩, 他們所講都係以前既歷史 ; 新郎哥 Dominique 可能飲多左, 上台致辭時, 頻頻 NG ..... 唯一美中不足, 主人家至愛好友梁太有白事, 不能到賀





    小弟屬於後輩, 搵個 waitress 帶住幾支紅酒, 走曬全場跟前輩飲杯 ..... 彤叔問我幾時過大海, 唉, 輸到怕怕啦 ..... 式芝就拖住女友通場飛, 曾叔話唔理得咁多 ..... 見到老虎仔, 捉住我坐低, 原來邱老先生呢位稀客亦在坐, 不知幾正常, 嘿嘿, 老人痴呆症, 我痴佢都未呆呀





    Jane 的好姊妹王馨平有上台獻唱, 一對新人及賓客載歌載舞, Kenny B 就在尾聲演出 ...... 最後晚會結朿, 排隊送客





    飲左兩晚, 小弟都喝醉, 而家見到酒都驚 ..... Anyway, 祝這對新人早生貴子
















  • 男人無論係咩出身,咩階層,其實又咪係大細路一名



  • 絕對正確, 尤其上床過陣




  • YEE.......你鹹濕呀!



  • 我都好鑽同peter...


    係男人10個有10個都係大細路...esp 床上....



login to reply
 

looks like your connection to she.com messageboard was lost, please wait while we try to reconnect.