有無人屋企都係重男輕女的 : (



  • 家有4女2子, 死追難追比佢地追到兩個仔...

    父母乜錢都要啲女出曬,家下屋企最細個仔都32歲,

    個個有野做,但係家用就唔使佢地比,有乜事就叫啲女夾錢,

    我地叫埋細佬夾佢地就黑口黑面!



    我都唔係細, 應該睇得開,

    但有時真係覺得好唔開心,點解佢地會咁?

    有無人身受其害有例子分享下?

    或者既得利益者(男丁)講下當事人感受?



  • 身同感受呀, 我同哥同一joe遇得到不同結果!



  • 你都可以唔夾, 黑面。 最憎人重男輕女。 唔好屈服



  • 企硬0羅咩事呀依家?!?!?



  • 你結婚未? 未就4 個女一起搬走, 一人俾番一個月一千兩老。 


    兩老有$6000 & 生果金應該夠用



  • 我諗如果佢地四姊妹咁齊心就吾使煩啦, 你反對只會是你吾岩!



  • 你有四姊妹...有商有量...





    我阿媽都係咁


    我係一個我係女,我有三個細佬


    咁我咪做我本份lor....能力有幾多就做幾多


    再用自已勞力搭夠....




  • 但係有時想做好自己本份時, 發覺係吃力不討好ga!



  • (((有時想做好自己本份時, 發覺係吃力不討好)))





    討好就唔係重男輕女啦...哈哈...我慣喇



  • 就算你做得幾好, 人地都係吾滿意wor, 个仔幾吾好都冇事wor!



  • 或者講下個背景先:





    有2個家姐未嫁前已經無咩點比,1個家姐嫁左又比下唔比下(佢地每人一年都唔知有無比多過2千家用),我搬左出去同男友同居好多年,都好似嫁左咁不過無婚書咁解,我每個月定期比3千佢地,2個細佬有份穩定工作,一毫子家用都唔使比. 我地全部收入唔多,大家都係一萬蚊左右人工.





    因為佢地無比,父親好幾次係我面前呻,我有勸過佢地比啲老人家使,我心裡雖然知佢地重男輕女,但話曬養到我地咁大,比佢地買野食都應該,不過情況繼續,家姐佢地話:車,第時佢地啲錢都係比曬啲仔架啦...





    呢到hin涉另一故事,話說廿年前父母買了一個平平地單位,當時要求幾個女夾錢供,家姐話既然係咁有份供既加埋個名入去,佢地唔肯,初期家姐們都有供,不過後來都好似無供,我唔知因基於唔公平定係佢地手頭緊,總之阿媽話佢地無再供.








    待續......



  • 一路我都無放係心上,總之只係做好自己本份算,不過最近好心淡,幾個月前我失業,但仍然有比家用,最近家中的收費電視夠期續約,以前我有份工係手所以比曬無所謂,而家我想全部姊弟夾年費,姊姊們無問題,但係兩個細佬話唔肯,我好嬲因為佢地都同父母住況且咁多人夾錢唔係多.





    問父母佢地續唔續佢地話好(因為佢地好鍾意睇),同佢地講數時兩老聽到,爸爸問:點解唔係你出? 媽媽話:我地都唔睇既,申請來做咩? 我個心好痛,佢地知我無野做,點解仲要我出?點鮮聽到細佬要夾錢就話唔睇??




  • 我弟婦大肚,我爸爸話一睇就知係女,你唔好旨意我去醫院睇你呀!!!





    小學二年班幾姊妹已經要輪流拖地洗碗洗衫做家務,仔呢,乜都唔使,而家,食完飯咪新抱執囉.我家姐個個都唔會幫手,食完走人.





    個個女新屋入伙都無表示,但係啲仔一住新屋就問我地送咩入伙禮物比佢地!








    仲有好多濕碎野,佢地對仔女其實都叫ok,我的痛苦源自我討厭父母呢種態度,但係我無辦法改變. 試過對佢地不聞不問或者經濟封鎖,不過唔夠一個月我又唔忍心.我好憎自己,要恨又恨唔到,要幫又幫唔到.....................







  • +ggg,





    同家姐佢地係有商量過,佢地咪話唔比,不過我覺得唔係咁好, 我仲想叫佢地比番家用,應該一單還一單,好茅盾.....你話個問題係咪我自己?!







  • 我屋企人都係重男輕女



  • 不過我比你好既係....我d姐姐佢地同我自己都唔會點比較


    我姐姐講...呢d係佢地上一代根深梯固既思想


    唔可能改變到


    就好似我地唔會變到好似佢地咁.....重男輕女一樣





    可能大家都一早有左共識...都知道第時d錢and樓都係比哂哥哥(我係五兄弟姐妹, 哥哥排第四)



  • 媽媽都講到明哂



  • 不過我又咁睇......老人家都辛苦左咁耐


    到老左唔比負擔我地已經係好好


    都唔好要求要留d咩比自己


    比家用係每個仔女都應該做既事





    不過我覺得...你既問題係...係d姐姐唔肯同你一齊share



  • 我屋企都係~不過比各位好彩少少; coz我係細女!!


    但我嘅爸爸仔女都噤鍚, 我媽媽就比較鍚我大哥.但我媽媽有一個缺點...就係講野鍾意加鹽加醋( 仲有好多好難解釋嘅事~最近發生晌我身上tim )



  • 有呀! 呢個年代同以前都差唔多, 好多人都想要男不要女, 又唔知, 做女會有心.



  • "....都唔係細, 應該睇得開,


    但有時真係覺得好唔開心,點解佢地會咁?..."











    版主,你上述說話正是我現在心情 :((


    點解d親人會咁衰,


    對出面人笑容可掬,


    對自己人黑口黑面.


    好辛苦,好想離開這個討厭地.


    念在是親人,對佢容忍留下來.


    以為自己睇得開,事事都包容.


    點解人可以對出面人咁好咁呵護,


    對自己親人咁差 :((


    我~~~~好想哭 好想哭 :(" 鳴鳴鳴 :((










  • 對不起.比我係度呻吓~~~


    煮好飯菜給她食,


    我無同佢食飯,


    係無食,唔想同佢說話,


    我對佢咁好,咁錫咁愛佢,


    我真係好想掉下她,


    走去不在同佢住.


    家裹所有事都係我做,


    只想她有好好享受,


    她想食什麼,買什麼,


    我都給她.對她溫柔呵護.


    點解人心咁可悲,


    次次都要攪到大家黑口黑臉共處.


    嗚 嗚 嗚 :("







  • 子美,


    其實我好細個已經知道同接受左呢個事實,不過一面對個心又"銀住銀住",或者要再唔好比較咁多,好似你咁.





    係呀,家姐唔肯比家係一個好大問題,我會諗,個個都唔比咁佢地食老本食得幾耐?因為爸爸己退休,媽媽不嬲都無做野.舊年弟弟買左樓啲裝修又係爸爸暗地出左,有出無入!大吉利事講句,我都唔知第時佢地頭暈身慶大家會唔會肯夾錢.





    心情唔好時會覺得父母好老土,但姊弟感情無野既.


    你都提醒左我啲野,我阿公阿婆同阿爺阿麻都係將家當比曬仔,父母都係係咁既觀念下長大.




  • me too :{





    唔開心既野不妨係到呻下,對舒緩會有啲幫助架.




  • libralove,





    我都認同女比較貼心.


    另一方面,我覺得係好既,仔女都一樣,相反亦然.




  • nothing GAL,





    你係咪指你母親對外面人好過對你呀?


    只得你同佢兩個人住?


    你想盡孝同佢住同煮埋比佢食但係佢啲態度都好差?


    而你需然激氣但係又唔捨得掉低佢?


    你有無兄弟姊妹?





    唔好喊............




  • 我記得小學有個女同學(仲記得佢個全名,姓羅),佢阿媽又係對佢阿哥同細佬千依百順,對個女就無時無刻黑口黑面,心情好就鬧,心情唔好就打,成日搵佢出氣.





    我那時同佢好friend,佢個人好乖,讀書中上,性情亦平和.同佢相處佢表面無野,但係一提及家庭佢就好避忌同好驚佢阿媽,但係從來無數過阿媽不是.只不過試過幾次係學校同上佢屋企有意同無意間比我見到佢阿媽原來咁對佢! 當時我年紀細見到比佢阿媽糟質既情形覺得佢好可憐(全屋家務佢一人做曬,飯都要煮埋),不過不懂安慰亦怕安慰後令佢更傷心尷尬,所以只可姒扮睇唔到.





    唔知佢而家點呢?有個咁既阿媽唔知對佢日後有什麼不良形響呢?


    希望佢而家幸福啦.







  • "屋企最細個仔都32歲"





    甘大個人仲未自立?



  • 我屋企都有一個, 不過係女, 正一賤到, 對出面人笑容可掬, 對自己人黑口黑面. 對老豆老母同我講粗口 (直情講 X 你老 X, XXX, 好似疑似李嘉欣段粗口聲帶一樣再更加離譜), 大力 BOOM 門掉野成地都係, 廿幾歲人做左幾年工啦, 白食白住白訓, 一毛家用都無俾過之餘, 仲要咁樣對屋企人 ?! 出而住賓館都要俾錢啦唔係唔知呀嗎 ?! 老豆老母叫佢資助下屋企, 佢一句 "唔俾架啦, 我無錢" 大曬. 自己就成日碌卡買野 (名牌銀包, 袋, 鞋, 化妝品), 老豆老母無做野好多年, 個賤人 .... 同佢講過, 又發脾氣講粗口 ! 屋企人都唔想佢返來 !




  • 攞著數就有佢地份 !



  • 公開呢 D 衰人既名, 響邊間公司做野, 等佢地咁得戚對出面人笑容可掬, 對自己人黑口黑面 ... 呢 D 衰人對自己屋企人咁差, 要俾人亂杆打死, 不足可憐 !!!!!!



  • 我屋企果個唔係人 !!! 又係對出面人笑容可掬, 對自己人黑口黑面 !!!





    返屋企發脾氣, 食完 D 野丟到地下就去訓, 之後用粗口罵曬全家, 叫我地快 D 俾車撞死 !





    老媽要做手術, 佢一個仙家用都無俾過, 罵無錢就唔好 X 做啦 !





    係咪前世欠佢 ! 好憎佢, 快 D 走啦唔好再返來, 呢度唔係你屋企, 係你眼中既一間酒店咋, 仲要係一間免費既酒店, 任食任任任罵, 你究竟有無良心架 !!!?



  • 我都知道D大人重男輕女嘅,個人冇意見,佢哋對我唔好我使乜對返佢好,人哋對我好我一定十倍還返比人,D有都唔知個腦響諗緊乜苷食古不化,生仔好聽生女好命啊,我屋企有二女一男,我排第二,個男最細,我屋企人雖然喺追個仔返來,不過重來都對我哋公平嘅,冇話對邊個特別好,但喺我真喺睇唔慣板主你嘅屋企人羅,太可惡啦!縱觀現在D細路,有幾多喺個仔照顧曬屋企二老?含罷爛都喺D女嫁咗人仲響度撲心撲命出錢出力照顧曬屋企二老,如果佢哋覺得生個仔苷威苷好命,米由得佢哋有幾錫得幾錫佢D心干頂羅,我有我自己使乜理佢哋啊,放長雙眼睇下D仔點回報佢哋先啊,到時冇得佢哋食我睇怕佢哋班老嘢都唔識得後悔二只字羅...將心比心,你對我唔好我做乜要對你好,我又唔喺爭你嘅,反而你養大我喺你應份嘅事,邊個要你生我出來啊,冇能力比到好生活我仲要我為奴為婢,大家公平D我冇聲出,專克薄D女我點都唔會服氣嘅,我有我自己點解要屈服於你嘅強權啊,一個人連自己都對唔住有咩資格對得住別人,只能活在陰影裡不能出頭,強人才得獎,弱者只會俾人蝦一世,睇你唔起一世!苷樣嘅人生有咩用吖.所謂你不仁我不義,更何況,人不為已天諸地滅啊~唔重視我,唔好指意我重視返佢,邊個都冇面俾.我相信女人比男人更高貴,男女要平等,你我有責!



  • 唔止屋企,公司都係啦!重男輕女,老細係女人嘛



  • 將心比心


    好同意你咁諗呀, "你對我吾好做咩要對你好呀"! 真係ga生出嚟養大我吾等於我要照顧番佢地一世ga, 有得揀我都吾想生於呢个家庭呀! 當初我都是諗住會照顧佢地ga, 但後來發覺是吃力不討好, 好慶幸當時冇咁做到!



  • 呢 D cheap 人, 叫佢地死出去用自己錢租酒店住啦, 老奉咁擺明攞自己人著數, 希望佢地睇到呢版留言, 知道下有幾多人睇佢地唔順眼, 由細養到咁大正一反骨仔 / 反骨女 !!! 睇到都唔開心 !!! 唔好再講養兒防老啦唔該 ! 而家 D 反骨仔 / 反骨女愈來愈多, 仲要係唔知醜字點寫, 可以對住親生老豆老媽講 " X 你 X X 陷 X X X" , "你去死啦" 真人真事 !



login to reply
 

looks like your connection to she.com messageboard was lost, please wait while we try to reconnect.