如果我搵1萬, 男友搵萬五, 我唔洗比錢屋企但男友要比3三仟屋企的話, 咁我同佢一齊租住一間四仟蚊既套房, 你地話我應唔應該同佢 share 間屋既開支, 照比例我又應該比幾多呢??





  • half half lo...



  • 你諗咁能多做乜


    佢叫你俾幾多你咪俾lo


    接受唔到咪唔好一齊住!


    滿腦錢銀野帶入感情關係


    咪話我睇死你最後分手



  • always half half



  • 四仟蚊既套房邊區呀



  • 咪自煩: 你洗唔洗咁勞氣咁呀~~ 就係我男友唔洗我比, 但我又唔好意思因為我有份住, 所以我先想睇下比幾多先合理姐~~



  • then 1 to 3 lo...




  • 現實D講,你地既收入無資格玩同居



  • 無話有無資格既,佢地肯兩個人住間套房有乜問題。





    幫幫,不過真係超細喎套房.. 邊區?



  • 點解可以唔使比錢屋企?


    就算屋企人唔等錢用,比返一千都係一番心意,話曬養左你咁多年



  • pana: 響上環





    富貴豪: 雖則我都自知我地搵唔多, 但想請教豪哥你每人都搵幾仟蚊既夫婦點解又結成婚呢可, 唔通又係冇資格一齊生活??? 你自己搵得多就唔該唔好用你既角度去話人地冇資格



  • 我唔知你地點相處喇,但你地係點開始同居架?一齊去搵地方?定係個套房本來係某一方住開既,另一個人後來先搬入去住



  • 如果你地想有好既將來,係咪應該為前途計畫下?


    男人有多餘錢係咪可以考慮下對前途有利既用法?



  • 其實點解唔搬去同屋企人住呢?


    如果你地兩個人係想長遠既,都好應該save下錢,我意思係有幾多盡量save幾多咁.


    我好欣賞你地唔怕辛苦. 不過我覺得諗遠d好.



  • 其實每人既家庭背景都唔同,點解係都要咁理所當然地將自己既諗法加諸係佢地身上... 唔係個個都可以同屋企人住架,你地又明唔明?



  • 想問: 我意思係要幫補屋企咁解, 一仟幾佰我有比架~





    pana: 係一齊搵架~



  • 都係比D另一角度意見姐,唔arm聽就算啦



  • 一齊住點解會有比幾多錢既問題呢?一開始佢話包妳住呀?妳地點講架當初?



  • 我有少少唔明點解租屋要按比例計


    兩個人住就梗係 half half 啦


    除非樓主 bf 本身係已經打算搬出黎, 樓主 join 唔 join 都冇分別o既


    咁佢又邀請樓主一齊住o既, 就睇下盡可能分擔幾多囉





    始終拍拖還拍拖, 計清楚 D 係好 D o既


    唔好按乜鬼野比例喇, 出黎食飯唔通又按比例俾錢咩?



  • 啊!明白。


    不過講真雖然豪的答案得有少少不友善,


    但我認為你地現階段同居每月至少多用四千,


    對你地將來儲錢結婚會有好大阻礙。


    男仔只剩返一萬,計你地兩個平分租金,每人二千,


    你比一千幾百屋企,9000減二千,剩七千,


    男仔那邊剩返八千,仲未計濕碎雜費。


    你地係咪同家人不太愉快,如果唔係,好似大家儲下錢先搬出來好d。


    我自己都係搬左出來住(獨居),好多使費都比起初預算多,真係儲少左錢。



  • 幫幫





    計我話, 妳又唔使硬性規定比番幾多妳男友既, 平時食飯, 買日用品, 又或者入錢入八達通時幫妳男友入埋, 咪得囉~





    要計...係無得計架!



  • 你又住邊區?套房定 apartment?



  • Jack,我又唔係咁睇。與其"平時食飯, 買日用品, 又或者入錢入八達通時幫妳男友入埋",不如係租金上面貢獻下實際得多。咁做好直接而且明顯。





    而家個問題係當初佢地一開始同居,佢地對於租金方面係點傾既。



  • 如果唔係冇私人空間


    只係拍緊拖就真係唔建議搬出黎"一齊"住


    除非單方面有人想有個私人空間





    依家物價咁貴


    都係為未來打算下, 儲多 D 錢好



  • Pana





    各人有各人睇法啦~




  • 其實站在您的立場多想一想


    除非他真的是你的將來要不然沒必要加重自己的負擔


    聽聽大家的意見能回家自住是最好!存多點錢為你們的將來好好打算打算!!


    等結婚後再住在一起!這個C9才會有保障



  • 多謝各位既意見先~ 不過其實我只係想帶出應該比幾多佢姐~ 但估唔倒大部份既簽案係我地負擔唔倒同居既生活費, 其實真係有 d 唔係好明~ 雖則我個人搵唔多, 得一萬倒, 但就算我同佢分擔二仟蚊, 加埋我比屋企果一仟, 每個月基本都係比三仟, 但有 d 朋友同屋企住既一比都比成三, 四仟噃, 咁其實比屋企又好同男友住都好, 都係洗差唔多姐~



  • 幫幫


    如果你同男友搬得出黎呢


    大家搵錢都係差唔多


    比例上...大家都係要俾番差唔多出黎架喇




  • 其實幾可笑, 以佢兩個既收入, 白表居屋都無資格抽, 公屋就更加唔使講, 但好幾個人都話佢兩個無資格自己搬出黎住, 咁....要有咩條件先得呢???



  • 一闊三大,到你男友負擔唔黎你就唔止比三、四仟



  • 我是個例子:


    男友剛從外國畢業來香港找工作.


    由於他在香港沒有家人親戚朋友, 所以我們一起搬出來住.


    我搵12,000, 還grand/ loan 加俾家用已用去5000蚊.


    他初初未有工作做, 只靠每個月他在外國的收租 (約港紙3000蚊), 在香港幫人補習和做 freelance 維生. 大約 8000 蚊.


    我們租住一間 1800 蚊既村屋.


    我負責交租, 他負責交雜費 (如水, 電 & 上網).


    我覺得錢很緊, 便出去找多2 份補習做, 每個月多 2000-3000 蚊到.


    搬出來住雜費很多, 樣樣都是錢.


    平時的消費我們都是share 的. 不會次次除2, 但會你俾一樣我俾另一樣咁.








    上個月男友找到工作, 大約16,000 到.


    他負責交租, 還說找一間好一點的房子租. (但我寧願儲起d 錢)


    他沒有要我付錢, 但我打算掉返轉負責交雜費 (如水, 電 & 上網).











    如果你們不是一定要搬出來的話, 我建議你們用租屋的錢儲起來結婚.


    你想想, 1個月4000, 1年便48,000.


    4年便有 192,000. 可以攪一個不錯的婚禮 (計埋擺酒).


    如果真的要搬出來, 不如搵個平d 既地方.







  • 因為到時你地搬左出來買每一樣野,包括一卷廁紙都係要你地自己比錢,


    唔好睇少d濕星野,搬左出來先真正知道維持一頭家開支咁大!


    你肚餓想食塊餅乾而家在家一開個櫃就有,第時搬出來就唔係呢回事。


    所以搬出來先知媽咪持家辛苦,錫佢多左。





    加上你地仲要平時返工放使用呢,又要儲錢呢,


    有幾多可以用在頭家上呢?尤其而家樣樣貴,


    一二千唔係你想像中咁好使,


    如果你仲係未有concept,去一轉超級市場,


    計下一個月你只係要買雜物要用幾錢。




  • 我想大家也沒必要捐÷勸她了!


    她既然已這樣定下來了


    等她以後感到結果再說吧!


    她才會深深體會我們的說法!



  • 其實 20 k 一個月點會生活唔到呀?


    香港既入息中位數都係 11k 咋


    即係有一半人係搵 11k or 以下 wor




  • 我想大家也沒必要勸她了!


    她既然已這樣定下來了


    等她以後感到結果再說吧!


    她才會深深體會我們的說法!



  • 唔係生活唔到,係儲唔到錢。佢地一定夠錢開飯,不過好難儲錢,


    唔好話儲來結婚,儲來做自己的花用都唔算多。無理由月月清倉架。



  • 佢地有話要儲錢結婚咩?



  • Jack : 其實我都估唔到原來我地既收入響咁多人眼中係咁可悲架, 雖則我地冇中產既階級, 但我自己都覺得未致於咁慘掛~



  • 幫幫


    其實都 ok 既


    如果你地仲後生.... 將來大可以升職加人工架ma


    咁咪可以一路路好落去 lor



  • why u asking us?





    u should ask yourself if u like to share to rent with him or not.




  • haha!我估下咋!就算唔儲來結婚都要自己儲錢做下投資,零息年代嘛!




  • 想問





    我真係想問以妳標準, 點先叫儲到錢?


    以佢地$25,000/月, $4000交租, $4000俾屋企, $2000水電+雜費+日用品, 仲有$15000兩個使, 都儲到錢掛





    如果你地話慳多$6000租+雜費, 咁又無得好講~



  • 幫幫 replied @ 2008-06-30 5:43 pm





    Jack : 其實我都估唔到原來我地既收入響咁多人眼中係咁可悲架, 雖則我地冇中產既階級, 但我自己都覺得未致於咁慘掛~


    ---





    我都唔識講~


    我唔知佢地咩標準囉~




  • 我仲慘, 我搵二萬幾, 男友搵萬幾



  • 囡囡





    慘乜??



  • JACK


    你計出來好像他們還有錢剩


    但平時食飯搭車仲未計.


    佢地搬出來, 一日3餐都要出去食.


    當佢地一日用100 蚊 (拉上補下, 平日可能使少 20-30 蚊, 放假 or 大時大節會用突)


    一個月2個人已經用6000.


    咁仲點會有錢剩呢?



  • 謝謝各位意見先~ 尤其 Jack & 大叔, hehe... 因為好似得佢地比較支持~ 我要收工喇... 唔該曬各位 ^.^



  • little_fruit





    再減$6000, 咪剩$9000囉



  • Jack,


    係人都想男友搵錢多過自己架啦



  • 囡囡





    3個意見


    1. 叫妳現任男友搵份人工高過妳現任男友


    2. 妳搵過第2個男友, 要人工比妳高


    3. 妳自己搵份低人工過你現任男友人工既工



login to reply
 

looks like your connection to she.com messageboard was lost, please wait while we try to reconnect.