公司搞OUTING,要過夜,唔想去,有乜辦法??



  • 同d同事又唔friend,有乜藉口唔去呢? 救救我!!



  • 話屋企有事,要去拜山之類XD



  • 早d同老闆講, 話果日表哥結婚要去飲囉!!



    1. 立刻辭職,咁樣就算係你老細都迫唔到你去;





      2. 當住所有人面前面對面問候你老細全家,仲要鬧足30分鐘,之後肯定不單只唔駛去outing,仲有錢收(代通知金);





      3. 襯你老細去廁所時用手機偷影佢全身連樣同佢條jj,跟住同佢攤牌,話如果佢迫你去,就將條影片放上Youtube.




  • 冇可能即刻吾做,最慘係個兩日 outing 係 weekdays,咁冇得話唔得閒。諗過到時羅 sick leave,但人地會book 曬酒店,咁咪好徙?



  • 我都同你一樣.. 同公司同事唔多熟.. 所以所有OUTING 可免則免... 我都諗過好多藉口.. 最後都係照直講"唔想去".. 如果唔係唔俾楝.. 我諗公司都唔會免強你去啩...



  • grass... 乜你仲未夠鐘食飯咩



  • 仲有.. 如果家陣話去.. 到時又話SICK.. 除咗浪費咗公司資源外.. 呢個藉口只可用一次咋.. 無理由次次咁啱都病嘛... 仲要病兩日.. 好難啫..



  • 只係only one就諗計囉.但若以後都有呢?避得幾多呀



  • 我有諗過話要返學,但人地會話返學都唔爭在走一兩堂啦,OUTING 一年得一次。但我真係唔想去。雖然出年我都唔會係度做,不過唔想我阿姐又問長問短je...







  • 我都係喎....同你咁0岩既.....我公司仲要迫我地返大陸tim ah....仲慘...



  • cc replied @ 2008-06-26 1:21 pm





    我都係喎....同你咁0岩既.....我公司仲要迫我地返大陸tim ah....仲慘...





    *******************************








    我都有機會返大陸wor,你係邊頭返工?




  • 如果你諗到話返學.. 人地又話走一兩堂唔緊要.. 你咪答.. 撞啱嗰兩堂要TEST..唔走得...



  • 呢個世界,邊有話事事如意?


    出得來做野,十居其九都係硬食,鍾唔鍾意都要做,講真,跟同事保持良好關係,都係工作之一,避得幾多次?正面D睇,你咪當開工做野,又或者學習下點同人打好關係囉。



  • 但如果同佢地唔夾,仲要焗成晚,好辛苦者!!



  • 攪呢D outing, 都係想間公司同事有 team spirit D。 就係有你呢廷咁唔合羣又負面的人才要攪。公司仲要駛唔少 $$ 俾你哋去玩。我係你老板就以後唔俾你有運行。麻鬼煩。



  • 只係去一晚啫


    唔去又要諗藉口、又要講大話、又要解釋


    麻鬼煩


    去左佢算啦



  • 最唔鍾意啲公司係星期六,日先搞outing, 已經一至五都要返工啦,


    有時返到屋企, 佢哋又瞓哂覺,員工都要有家庭生活架.


    不過, 一年得一次, 就算數啦.




  • 講真你出黎做野係要跟老細方向走ga la,點都要埋堆,你可以企到好硬話唔去,但對你呢間公司發展肯定一d好處都無,問呢條問題既一d都唔識做人。





    一年一次或者耐唔耐一次你就唔好咁多意見啦,你有幾忙ar,你有人地做會計果d每日訓幾個鐘,其餘時間就做野進修果d忙?果d就真係無曬私人時間啦。阻你一兩日公衆假期就乜乜物物,你點唔like都要硬食ga la,醒目都唔會諗唔去。



  • 板主話 outing 係 weekday 呀。咁間公司都幾好丫。難為那些攪手同事。我係一個 department head, 我最怕呢D自私,不合羣又無 team spirit 嘅伙計。



  • meow replied @ 2008-06-27 4:21 pm





    我係一個 department head, 我最怕呢D自私,不合羣又無 team spirit 嘅伙計





    -----------------------------------





    我又唔覺得呢D活動真係可以PROMOTE 到 TEAM SPIRIT 禍,年年都有搞,但條TEAM 咪一樣有小圈子。我雖然唔好呢D活動,唔埋堆,但我亦唔好講人是非,亦夠膽講係工作上我係我個組幾乎最合作o個個。唔好太 stereotype. 其實好多人亦會趁呢D時候,RULE OUT D 唔鐘意既人,所以我覺得呢D活動唔一定CONSTRUCTIVE。





    我亦最怕呢D 阿HEAD, 成日趁住呢D 活動,又要D STAFF 表演埋D 擦鞋節目,成機向MANAGEMENT 獻媚。







  • 人在江湖, 太過有性格就好難生存, 一晚半晚忍吓啦! 或者啲同事熟咗好玩呢!





    我以前間公司又係好興攪outing, 個老闆勁變態, 一到長假期就迫全公司去澳門,中山,珠海咁, 但次次都揀3個女仔同佢老婆4個人迫埋一間酒店房, 老闆娘嚴重鼻鼾嘈到我哋無得瞓, 最賤係個老闆成日唔敲門自出自入, 唔理我哋啱啱沖完涼, 或者換咗衫準備瞓, OR瞓醒未換好衫, 佢借搵老婆為名成日入嚟"目及"嘢, 攪到我哋超儖價. 朝早5點幾叫佢老婆開門俾佢入嚟叫醒我哋起身陪佢飯早茶, 最變態每次一定要人去浸溫泉, 其實又係想"目及"嘢, 有次夏天34度都堅持要我哋去浸, 我哋個個俾佢車到溫泉門口都堅持話太熱唔浸, 佢即時發脾四鬧人, 佢老婆都管唔到佢, 佢已經同前任秘書攪埋, 平日喺公司都仲鹹鹹濕濕, 見佢咁賤真係難忍, 所以做咗半年就冇做.





    另外又做過一份工,公司名下有隻遊艇,班高層好無聊成日無端白事都迫啲同事出海,最興平日收工攰到死都迫人陪佢哋去南丫島食飯,我由Day One已清楚解釋我有嚴重耳水不平衡會暈船浪,但推得幾次老闆同佢班走狗就俾曬說話我聽,焗住去一次,一上船唔夠兩分鐘就開始嘔,嘔到即情暈咗喺厠所門口都未到南丫島,喺船度又走唔到佢哋亦唔會因此回程,一直嘔到上岸食咗飯稍為好啲,又夠鐘上船,回程又係嘔足全程, 呢次之後我發誓做任何公司都好, 攪outing or function去邊都得, 但遊船河一定唔會去, 困住喺船走又走唔到, 捱完去程又捱回程, 真係你炒我都係咁話.





    有時諗吓搵食真係好艱難!


login to reply
 

looks like your connection to she.com messageboard was lost, please wait while we try to reconnect.