4. 有無人知道人生既意義係咩???我好迷網!!!!

有無人知道人生既意義係咩???我好迷網!!!!

  • H

    好少 --> 依, 潛水係我強項喎, 仲要成日唔識浮番上0黎添呀 HAHAHA

    0
  • N

    好少 你同男同學都幾搞笑, 你地係咪識架? 成日都係咁爭論?? 哈~

    下次我會試下忍下, 不過工作唔開心, 時間就會好難過,

    我都唔希望做呢D工 :P



    人生意義 其實我都幾近, 好多野我都係無求, 亦可能因為咁,

    造成我呢種優柔寡斷既性格, 我唔太喜歡自己咁~



    男同學 你又講得岩, 做人要不斷充實自己先唔會被淘汰



    我今日既目標又逹成啦, 就係準時收工啦~哈哈



    BYE BYE 各位











    0
  • N

    HIHI HONEY, 你咁遲架, 我要走啦, bye bye

    0
  • H

    NN --> 係呀, 今日好忙呀, 聽日再同你傾呀 bye bye

    0
  • 好

    honey，



    喂喂，証明自己懶ｄ係冇獎架，呵呵．　；Ｐ





    NN，



    我地唔識架．　；）



    ｂｙｅ，　呵呵，今日我都要遲走．．．．　十分鐘．．．　；Ｐ

    0
  • 男

    NN



    我都唔知係唔係撈亂骨頭，總之我就真係唔係好 BUY 好少果套，ANYWAY，討論歸討論，做人都要有品既......





    好少



    俾下面好喎~~~你又知我唔期待死？我真係覺得要死既我唔會話縮沙喎！我自己都經歷過兩次好接近死亡，THAT'S WHY 我既睇法會同你有唔同，我唔鍾意你夾硬將自己果套當左係我諗咁囉.....





    honey



    我仍健在，我會撐場一陣

    0
  • H

    好少 --> 我都係講事實0者, HEEHEE 我都收工啦, 聽日再傾啦 BYE BYE

    0
  • H

    男同學 --> 你又咁晏呀, 聽日先可以同你傾啦, BYE BYE

    0
  • 男

    呵呵呵！咁冇人我都閃囉



    今日忙呀

    0
  • 好

    男同學，



    我都曾經好接近死亡，係我自己攞黎既，所以我會對死係敬而遠之．　；）





    honey，



    ｂｙｅ． ；）





    我都夠鐘閃．　；）

    0
  • N

    HONEY 你都係比人一打就沉既人呀? 可能係我地信心不足啦!



    男同學 / 好少 其實我自己都有一次係好接近死亡, 不過果陣重好細個,

    所以當時真係一D都唔驚.

    其實死並唔可怕, 可怕既係死前既過程,

    可以不知不覺咁去世, 相信會係最好既方式 ....



    我記得當我爸爸過生既時候, 佢訓係病床,

    用一種我以前我從未見過既眼神望住我,

    果種眼神比我感覺到佢係好唔捨得我地,

    佢以前係一個好嚴肅既爸爸, 好多感情都唔輕易表露出離,

    所以我地同佢都好有隔莫, 由患病直至佢死亡,

    我地大家佢都無表逹過佢對大家既愛,

    果種遺憾真係難以形容, 呢件事比我知道死亡係可以好接近



    SORRY, 我係咪講左好多廢話,

    不過呢件事埋係我心裡好耐無,

    我從來都無同人提過,包括屋企人, 唔知做咩今晚會諗起.



    如果當生命倒數時, 你又會點過餘下既日子呢?



    0
  • 男

    NN



    如果我知道自己幾時死，我諗剩低既時間我會寫書，將我既生命以另一種形式延續。我仲會去見一見返我每一個女朋友，多謝佢地曾經帶俾我快樂



    我會約返 D 朋友吹下水，如果錢方面充裕，我會想去一去希臘、澳洲同埋西藏，去澳洲我會帶埋我嫲嫲既骨灰，因為我應承過會請佢去，不過佢已經係我請佢去之前走左



    每個人面對死亡有唔同睇法，正如我既分析，睇好少字裡行間，佢對待死亡既態度係逃避，我對待死亡係欣然接受，一個明知會去到既結局，點解要逃避？



    我咁講唔代表我贊成自殺，我既態度係既來之，則安之。知道有死亡，更應該珍惜現在，活在當下，TUM 自己開心

    0
  • H

    早晨呀!!



    NN --> 你0既感受我都試過, 睇住佢0既心跳數字不停跌, 返到屋企諗起以後都唔會再見到呢個人, 後悔點解之前要成日同佢吵咀... 個心好痛...



    男同學 --> 死... 係人生必然0既事, 但未必個個人接受到, 對我0黎講, 我以前唔驚死, 只要死得唔辛苦0既, 我覺得已經係福氣... 但依傢, 我會驚, 可能人大0佐, 身體差0佐, 會好驚突然走0佐, 好多0野都無機會再做...



    好少 --> 你今日又會唔會好遲先出現呢? :)



    今日到我講廢話啦.. hahaha

    0
  • 男

    我都曾經睇住一個最錫我既人離開，我果刻真係不能控制咁喊

    但係我明白，人，一定會離開，再傷心都好，仍然生存既人都要好好生存落去



    後悔已經無補於事，只可以 remind 自己要懂得珍惜



    死，係必然既，而我都睇通左，未死既人，好大可能比死左既人更可憐

    0
  • N

    我諗如果係我, 我唔會見返我以前每一個男朋友,

    因為感情過去就係過去, 呢方面可能女人比男人可以做得絶D...



    反而我可能會打返比以前我曾經愛過但未層表逹過既人..



    以前我腦海中層經有過一刹那自殺既念頭, 但係我好快就清醒, 因為我覺得, 只要世上重有一個係關心我既人, 都唔值得選擇呢條路











    0
  • N

    早晨呀~~ honey, 男同學

    0
  • H

    男同學 --> 在生人能夠學識珍惜係最緊要



    NN --> 早晨呀, 我細個個陣曾經都有一刻諗過自殺, 但我好快醒, 一來怕痛, 二來我知唔可以咁不負責任, 因為我知, 我死0佐, 會有好多人為我傷心.. 尤其家人

    0
  • 男

    我好早就諗通左，我自殺，對成件事唔會有幫助，仲會 create 麻煩俾人執手尾



    我一直都希望我死後有人會懷念我，會記得我，會將我既思想延續落去

    0
  • H

    男同學 --> 有時我會諗, 我0既喪禮會唔會多人出席呢? 不過我深信, 一定會有人懷念我0既.. :)



    我0地今日個話題好似變0佐係 "死亡" 咁0既... :S

    0
  • 男

    其實我覺得死亡呢個話題都幾好傾架！唔同既人睇死亡，可以有好大既 variation

    0
  • H

    但你唔覺得有 d 灰咩? 結終講 "死" 人人都會避忌

    0
  • 男

    所以要睇妳點樣去對待死亡囉

    0
  • 好

    NN，



    如果我知道自己剩返幾個月命咁我會去見每一個我想見既人同佢地道別，之後會分曬我ｄ財產同安排身後事．　





    honey，



    我咁遅出現係因為我好多時４，５點先會得閒ｄ．　；）









    講死真係有ｄ傷感，不如等我講個秘密比大家笑下，其實男同學笑人逃避死亡既時候自己卻拚命地日日食飯飲水來維持生命去逃避死亡架．　；）





    男同學，

    你認唔認有ｄ咁既事？　；）

    0
  • H

    嘻嘻, 我已經諗定哂我個靈堂要點整0架啦 :P

    0
  • 男

    好少



    我唔認！我係維持生命，而唔係逃避死亡



    刻意唔食野唔飲水果 d 叫自殺，因為災難而冇得食冇得飲而死我會接受

    0
  • 男

    有陣時都會諗，原來人既思想竟然真係可以有咁大既分歧



    係唔係就係性格不合呢？如果我同好少係情侶就一定日日炒大鑊

    0
  • 好

    honey，



    唔係呀．．．靈堂點整都諗埋．．．喂喂．．．唔好諗咁多野喇．　；）







    男同學



    其實維持生命既目的乜就係逃避死亡囉，ｅｄ係生物本能黎既，唔認唔認還需認．　；）

    0
  • 男

    我維持生命既目的係為左繼續繁殖同繼續傳達自己既信念

    生物既本能係生存 then 繁衍，而唔係逃避死亡



    我覺得求生同逃避死亡係兩個唔同 concept

    0
  • N

    男同學 / 好少 有時我睇完你地既對話都會回心微笑, 其實你兩個都幾可愛,,kaka



    honey 如果我死後, 我唔需要搞多太世俗既儀式, 因為死後留下只有軀殼, 做咩都係無意思... :)

    0
  • 好

    男同學 ，



    如果生存then繁衍唔係逃避死亡既，咁生存then繁衍既目的又係咩呢？　；）

    0
  • 男

    我都唔認同係逃避死亡，我只會覺得係延續生命

    延續生命係為左令所有野 keep moving



    move 到去邊我唔識答你，但係 definitely 求生同逃避死亡係兩回事

    0
  • H

    男同學 --> hahahaha 如果你同好少係情侶, 一定天下大亂, 日日頭條呀 hahaha



    好少 --> 咁人總要死, 諗定, 唔0洗 d 後人幫你煩嘛 :P



    NN --> 認同呀, 所以我一早填0佐捐贈咭, 有用0既就�垂{去 :P

    0
  • 男

    lunch break

    0
  • N

    HONEY 我覺得佢地似歡喜冤家多D喎..哈哈!!

    器官捐贈, 係好有意義架, 可以用自己軀殼去幫助在生既人,

    好過就咁燒左佢呀, 等我都快D填先!



    其實死亡呢個TOPIC好似係凝重左小小,

    不過呢個係必需面對既事實, 所以唔需要太避諱



    人生既終點係死亡, 但係我地要珍惜既係過程!



    有時會諗人死後會去邊? 天堂地獄? 定係完全自我既思想一齊幻滅?











    0
  • H

    NN --> 係呀, 你都都快 d 填番張啦, 幫到人, 又唔0洗哂0野 :)

    0
  • 男

    NN



    其實就唔多歡喜架！下下俾人頂心杉咁，真係唔多舒服

    0
  • N

    哈哈~~



    好少, 咁就比下面唔好下下窒住男同學啦~~~~

    0
  • 男

    NN



    呢 D 恩怨情仇係第二條 THREAD 帶到黎呢度架喇！

    佢唔會放過我架....嗚嗚嗚

    0
  • N

    吓????我都話你地識架啦~~~

    你地個前世撈亂骨頭???

    0
  • D

    人生既意義是什麼? 呵呵(苦笑中)

    重複再重複

    0
  • 男

    生存係會有痛苦，但同時唔好忘記每一個快樂既經歷

    0
  • H

    男同學 --> 你同 "好少" 之前已經有牙印0架啦?

    0
  • 男

    之前講道德同法律都已經差唔多打交喇！

    0
  • R

    我人生既意義就係同鐘意既人開開心心咁永遠一齊生活



    同朋友一齊過由心底�媔}心出黎既歡樂時光



    同父母過佢地最後30年既生命

    令佢地覺得辛苦左一世係值得既



    同細妹係將來既時間相互看望



    照顧自己過往重視過既人



    生仔教仔



    留底d野俾呢個世界



    0
  • H

    男同學 --> 大家都係傾計0者, 講完就算0架啦, 唔好咁火 :)



    rlcm_she --> 好多人生目標呀, 看似容易, 但仍然希望你做到, 努力!!

    0
  • R

    我諗最難係5同7

    其他既我估循規蹈矩去做都會有7成機會達到:)

    0
  • 男

    id=2005444&ref=msg.cat.lr



    睇睇呢條 thread，我自己好鍾意

    0
  • N

    rlcm_she 你既人生好似好充實咁, 恭喜你呀 :)



    男同學 無疑中, 你同"好少"係亙雙証明緊大家既存在,

    其實都幾好呀...:p (唔好打我呀kaka)



    DEETEE 人生就係咁架啦, 日復日    ~有人感到好無聊, 有人覺得時間太小

    0
  • 男

    NN



    我唔會打人既，我比較喜歡用思想去折服人，哈哈

    0
  • H

    rlcm_she --> 起碼有目標呀, 努力一定得 :)



    男同學 --> 我比較喜歡用思想去折服人 <--- 好高層次呀!!

    0
Log in to reply