有無人知道人生既意義係咩???我好迷網!!!!
-
NN:人生總會有低潮,面對抉擇更加費煞思量,吾開心也是在所難免的,我也很明白
-
HONEY, 咁你會成日唔開心?
-
CUTE : 因為我明白自己係一個毅力唔夠既人, 所以要轉, 其實對我來講需要既勇氣好大
-
NN,可能我 make decison 既方法同你唔同,我計過數,從工作性質/錢/前途 3 方面去衡量,以一個大圍數去決定走定唔走
-
我唔識計呀, 男同學, 有時覺得自己好蠢
-
NN --> 係, 我成日會諗, 點解我唔開心0既日子多過開心0既咁多...
男同學 --> 嘩~~ 條數好難計呀...
-
男同學
會唔會 weighted 呢?
新公司, 前途好大可能係一個未知數
-
我深信沒有事是解決不了的,只是時間問題,人生就像game一樣,充滿波折和先機,懂得玩的就知它的樂趣啦
-
CUTE 我就係唔懂得玩, 有時覺得自己唔係一個現代人
BOXX 同意你講法, 新公司真係一個未知數, 我之前既工, 好多人都講得好好, 但我做落覺得好唔開心
HONEY 試下唔好成日諗住自己唔開心, 唔好將自己唔好既心情放得太大, 睇下會好D嗎.
-
NN --> 我會去試, 但真係有難度..
-
HONEY 我都知講就易
-
人0既強項總係將 d 唔開心0既0野放大.......
-
搵工我有一個心得
就係同一間公司, 如果佢唔係一間超大型公司, e.g. HSBC
但經常都出同一個 post 請同一個位, 即係間公司有 D 問題
果個位經常都請唔到人
咁我都唔會去試
-
NN
如果你未有頭家,應該轉工
如果你未夠 26,應該轉工
如果你做得唔開心,應該轉工
如果你唔需要供樓,應該轉工
如果有屋企人或朋友既支持,應該轉工
以上五點,你中左幾多樣?
honey
有關悲觀既問題,我建議你假設全世界都冇個好人,咁只要有人對你做少少好事,都係一個 bonus,咁咪可以開心囉
當然,有人愛有人關心都會好開心
-
"人生既意義"總結黎講, 就係"等死"和"嘗試逃避死亡". 因為人最終都係要死, 但係人一出生就要不斷"求生", 當然每個人都逃不開"死亡", 所以人不斷繁殖下一代再去嘗試逃避"死亡".
有d人會話係"享受人生", 其實都係因為走唔出"等死""求生"呢個game, 只有係用"享受人生"去令自己心靈comfort d.
-
男同學 --> 其實我有屋企人, 朋友0錫我, 愛我, 我知自己幸福0架
-
點解你地會覺得迷茫?
難道你地做過咁多年人, 一件有意義o既事情都冇做過???
人生o既意義就係用有限o既人生, 去做更多有意義o既事情丫嘛
-
BOXX 有意義既事? 例如呢??義工??
男同學, 我中左兩點咋喎!
-
NN
邊兩點先?
-
義工都可以好冇意義的! 哈哈
依家有好多自私o既社工只係利用義工去慳自己o既 budget
而且有時幫o既都未必係有需要o既人
有意義可以係簡單到每日同媽媽講聲"我愛你"
呢 D 看似簡單o既事, 到有一日你做唔到o既時候
就會覺得好有意義呢~
要學識欣賞身邊每一件事呢!
-
奔向未來日子
無謂問我今天的事 無謂去知 不要問意義
有意義 無意義 怎麼定判 不想 不知
* 無謂問我一生的事 誰願意講失落住事
有情 無情 不要問我 不理會 不追悔
不解釋意思 無淚無語 心中鮮血傾出不願你知
一心一意奔向那未來日子 我以後陪你尋覓好故事
有時 有陣時 不得已 中間經過不會知 不會知 *
Repeat *
-
BOXX 你講得岩
男同學 係唔需要供樓同無頭家呀
-
可能你地會覺得我傻
不過我細個有一排我係會攬一攬媽咪先出門口
因為我真係怕有一次我出o左門口後, 冇機會再攬媽咪
係唔係好傻呢?
-
NN
如果你未過 30 歲既話,應該轉;如果你既性別係女,更加應該轉
如果你係男仔,轉行既上限年齡我自己會 SET 做 28 歲
-
honey
咁就奇喇!你幸福但唔開心,好矛盾喎
-
boxx 我唔覺你好傻, 反而覺得係你真情流露, 現代好多人都收埋自己既情感, 唔輕易表露出來
-
男同學 --> 係呀, 我係一個好矛盾0既人
BoxxBozz --> 我覺得你好真喎, 一 d 都唔傻呀!!
-
點解你突然咁想轉行?
你比到自己 3 個好合理既理由, 基本上唔洗諗~
-
男同學
多謝曬, 不過依家好似講緊轉工呀呵~
都係唔好講我果 D 婆媽野
如果你覺得上面有人頂住, 冇位再上, 就轉啦
如果出面俾得多過依家 30%, 就轉啦
如果你覺得冇理由俾到自己留o係度, 就轉啦
如果 2 年個位都冇郁過o既, 就轉啦
如果公司冇靚女, 更加要轉啦
-
BoxxBozz
可以同媽咪有良好關係係一件幸福既事
我同我媽咪之間,太多計算!我學識計算睇通人性都係佢逼出黎
-
你阿媽點 ga?下下講錢呀?
-
hm.. 講起媽咪, 我同媽咪都幾似朋友, 乜都講得...
-
男同學
我媽咪都有少少係咁o架
我同佢係冇計o既
不過就要計算別人
起碼唔好俾人搵笨
-
我媽咪.....唉!
計老公,計個仔,計老公果便既屋企人,計埋佢自己既父母,咁外人更加唔需要講,佢淨係唔計佢 d 細佬妹 (但係細佬妹既另一半都計)
我相信係環境逼成,不過做佢個仔,都幾悲
辛酸野不足為外人道啦!
-
SHEEP 點解想轉工係因為, 我份份都做唔長, 我覺得係因為我跟本唔鐘意個工種
HONEY 你就好啦同你媽媽好似朋友咁
-
我媽都成日講錢,不過無話計果d。
-
你做邊行 ga?
-
男同學 唉, 計算得太多真係好辛苦架
-
男同學 --> 唔好咁啦, 家家有本難念的經嘛, 無計
NN --> 都係0架
各位, 我要走啦, 聽日再傾呀 BYE BYE :)
-
SHEEP 我係做開文職, 不過我想轉另一個行業, 係自己興趣既, 例如化��...係好大轉變架, 人工低好多好多
-
NN 應該係女仔啦!唔夠 30 歲既話,轉啦!令自己無悔嘛!
不過,點解你份份工都做唔長呢?
-
化�菛u係好低,除非做到大公司美容師。
你要有經得起考驗既心呀!
我家姐係修身堂既美容纖體師,佢話美容呢行d人(主要同事)背景複雜。
-
你咁想轉,就轉啦!唔轉果團火唔會熄 ga!
真係後悔時,轉返文職囉(如果你有多年 valuable 經驗)
-
人最慘係咩野呀?就係後悔同內疚,因為呢 d 感覺係走唔甩,跟實自己折磨自己
-
我要收工啦, 返到屋企再覆你地 BYE BYE
-
男同學 / SHEEP 不過話轉都唔係咁易, 因為好多人反對, 所以都有壓力, 以前點解做文職係因為屋企人及朋友, 佢地都想我斯斯文文咁做下OL, 不過始終成日對住文件野我覺得好悶.
-
我轉工係減一半人工走.
新工冇咁自由,是非多左.
但我都冇後悔.
好同唔好都係我自己揀.
我相信會有出頭天.
-
灰 咁點解要減一半人工走呀? 如果你轉工前已經知多是非, 無自由咁你又會唔會轉呢?
-
人生係為左償還,同時播種
-
不過好多人都係話等死, 頭先睇電視又有人係咁講啦!