如果自己無犯大錯, 但manager明示暗示叫你自己辭職, 應該點做?



  • So worried!



  • 等佢炒......囉..有錢收



  • 平時都唔知點算, 每日返工都好驚!



  • 你唔駛驚WOR


    你驚咩先


    驚佢抄你?------有錢賠


    驚佢迫你自抄?------你叫返佢抄你


    份工你做左幾耐?




  • 你講多D資料出來先


    呢度好多人可給你意見的




  • 咪就係..好似BB 咁話..


    佢炒你 有錢收番


    佢叫你resign 你同佢講叫佢炒你囉...


    有咩問題?



  • BB, thank you very much!





    我做左半年, 之前本來相安無事的, 但同一個同事有D誤會, (佢高我一級), 佢誤會我同manager講話佢做漏野, 之後佢就成日針對我, 同manager打小報告, 但我manager竟信曬佢, 猛話"你自己諗下你適唔適合呢份工啦.....", 我並無犯大錯, 亦唔想咁快又要轉工, 所以好擔心!!



  • 係咪覺得比人炒唔開心? 冇辦法啦 唯有開心面對,, 搵過份~ cheers



  • 其實你老闆未必因 le 件事想炒你,佢好可能唔妥你好耐,照我睇佢想迫你辭職唔使補錢,既然是這樣你唔使驚,暫時佢唔會炒你,係 le 段時間,你快D搵工,搵倒就走,被人炒始終唔好



  • 咁你真係好想做呢份工 定係點呢?


    如果真係好想做 既咁咪唔走囉


    如果做得唔開心而走又唔係真係話好有損失既..


    咁咪一路搵一路做 ..搵


    到就走人囉~~



  • 其實我未出事前都幾鍾意份工, 所以我想做好D, 亦好俾心機, 奈何宜家咁....唔好話被佢炒, 就算做半年走出去又俾人challenge點解做咁短時間? 真係好灰....



  • 咁樣挨落去都唔係辦法架啦


    你出去咪話你 deserve better environnmentand challenge lol~



  • 係呀 如果你係有quali同仲係後生既話 出左去係唔驚架



  • 咁你做呢份工做左幾耐


    如果炒你, 公司要賠幾多俾你先


    駛咩咁CHEAP, 要叫人自動消失呀


    你總之咩都唔洗理�


    你預左佢炒硬你


    咁你個心會安心D


    自己再上網找工作, 你驚人地問點解, 你咪話公司無前景


    無野做.......所以唔想浪費時間


    想有挑戰性的工作, 想學多D野.......


    DONT WORRY




  • 雖然你可以等人炒,但咁樣返工都好唔開心


    我覺得你可以一邊搵工,一搵到就走啦


    唔洗起度等到咁唔安落



  • 有理無理........等炒啦緊係......



  • 我覺得版主踩咗屎啦,既然有小人當道,仲係比人食住,你又做得唔開心,早走早著,遲走訓唔著。





    只要你肯做,又上心,去到邊都會有發展,不過,小人邊度都有,下次講野做人要醒的,咪又踩屎啦。



  • 係喇


    所以都係邊搵邊做...邊做邊搵...


    佢明示你resgin 你可以當佢死...


    有咩就叫佢炒你..囉~~~



  • 我唯有盡快搵工, 點都要快過佢出手! anyway, 好多謝大家既開解同鼓勵, 我一搵到即刻告知!



  • worried, good luck to you



  • 贊成版主盡快搵工,睇下邊一個快手。



  • 我一定沒會為錢等佢炒我, 見新工會check reference, 你封reference letter又會暗示你比人炒, 人地知你比人炒就會估一定你有問題, 點敢請你?



  • 支持你, 搵工


    唔駛理�


    只要你唔好俾佢捉你錯失, 就彩佢都有味



  • 版主





    我支持你一邊搵工, 一邊做住先, 起碼有收入, 你都諗住走唔係到久留, 心理應該冇咁大壓力, 睇下你上司吹得你漲呀, 如果真係佢炒你先, 咁你下次見工時, 唔好寫這份半年工囉, 你話自己做part time工冇證明。



  • 梗係快搵快走啦,聽你咁講你孤立無援, 點做落去姐!





    人地講到出面啦, 要成尺厚面皮先留得低, 仲有呀, 你話係佢地誤會你麻, 但諗真d, 可能佢地係唔中意你, 搵d野去屈你, 今次唔得, 可能聽日就得......... 無意思.... 走吧



  • 版主唔知有無積蓄,好似我gum,明知老細喜怒無常,伴君如伴虎,於是過去一年積穀防飢,積極備戰,e+儲夠了最少一年的生活費,個心當堂定嗮。順利完成左張contract當然最好,但係就算一個唔覺意被炒都無問題。所以話呢,最緊要居安思危,手頭有個錢就點都唔使驚!



  • 上面都講得啱, 有個錢, 隨時唔做都得, 起碼有個自由身, 眼見好多身邊人, 為左幾千一萬蚊人工就返工返到好唔開心... 離不開又留不低



  • 大家好, 又係我worried, 我已開始左努力搵工, 鋪定路!! 再煩下大家, 其實我公司可以內部transfer的, 我應該apply嗎?



  • 都好呀,試下apply



  • 梗係應該試啦....


    有咩問題喎~



  • 你可以試, 但不要期望太高!


    因為內部可能會問你上司, 你既工作表現, 所以就試下無壞既!!!




  • 我分享一次經驗


    我以前份工同你差唔多


    咁我就一路搵工,一路做住先


    到最後我搵到工


    但係我就迫佢炒我


    到最後我多一個月糧同有一份新的工作





    我迫佢炒我的方法就係寸個經理(當眾),而我又知道個經理個性格一定忍唔住,結果成功.



  • 路人 replied @ 2008-03-26 3:02 pm





    我分享一次經驗


    我以前份工同你差唔多


    咁我就一路搵工,一路做住先


    到最後我搵到工


    但係我就迫佢炒我


    到最後我多一個月糧同有一份新的工作





    我迫佢炒我的方法就係寸個經理(當眾),而我又知道個經理個性格一定忍唔住,結果成功.


    ~~~~~~~~~~~~~~~~~~~~~~~~~~~~~


    咁樣唔係個個都做得出ga,有時有d人好薄皮,一陣比人鬧返轉頭仲慘



  • 咁梗係唔係人人做得出既


    不過呢d係有計謀地 串個mgr...


    又搵到新工


    咁咪算囉~



  • 其實我梗係唔想比佢炒, 因要保住份reference: 但路人你點同新公司交代你為何無reference呢? 願聞其詳啊~



  • 我諗reference 都係 make upon request 咁囉...??



  • 大家好!又係我worried~


    我老細呢排又發癲, 好彩我下星期有工見, 希望得啦!



  • good luck



  • thank you baby!



  • 加油




  • 多謝大家鼓勵!



  • 比心機呀///祝你好運....





  • 暗示 only???





    我公司明示 tim !





    佢地好咩....





    佢地叫我自己寫信話唔做 .... 仲幫我諗好哂.... 度好哂 d 日子.... 仲要係放長假之前 ( 驚死益左我咁 )





    仲之.... 計計計... 我最後係要比返 5000 佢地 + resignation letter !!





    我緊係彩佢都有味 la...


    我叫佢即刻寫返封信話 dismiss 我....


    因為信我就一定唔會寫... 唔好話比錢佢 !!





    佢想我即刻走... 唔夠 advanced notice... 所以要陪錢 !!





    我話我唔會做呢 d 野.... 如果我收唔到一封正式既 dismissal letter... + 5000 $ ... 我要 take LEGAL ACTION .... 後來死死地氣寫返封比我... 再出埋 d 糧比我 !!!





    佢地最抵死係竟然同我講....





    我自己寫信話唔做係為我好.... 1) 等我走得無咁樣衰 2) 等我唔好有個 BAD RECORD incase 我第日想係同一個機構做 3) 等我 reference letter 無咁樣衰 .





    我心諗.... d i u uuuuuuuuuuuuuuuuuuuuu ...





    reference letter???


    我連 probation (3個月) 都過唔到 ( 做左 2個1/2月 ) ... 我要你 refernce 黎做咩 ??? 同我新老細講... 係呀.... 我衰 lor... 我比人炒呀 !!!





    講到尾... 佢地唔想返錢我... 但又想我即走... ( 但 contract 話要 14 日通知 ) !!! 佢地計呢 d 最叻 !~!!



  • 仲之.... 計計計... 我最後係要比返 5000 佢地 + resignation letter !!


    -----------


    比番 $5000 就好離譜啵!



  • 講真, 佢問你呢半年做過d咩, 你咪話去讀course又好, 去左外國住左一排又好, 屋企有事又好......咩都得啦.......咁問你點解返工時間唔得閒見工, 咪話做緊part time 囉......都係作架者.....


    我有個朋友之前都好似你咁呀, 佢阿頭又係叫佢自己resign, 不過我個friend 當然睬佢都有味啦, 最攪笑第二日我個friend同佢阿頭響toilet遇到, 佢阿頭竟然直接同佢講話點解仲未收到佢既resign letter.......呢d人真係shot shot地架, 你話我響度做左幾年野, 唔想reference 花左就話者, 得果幾個月, 我怕咩你炒我~~~到最後我個friend 話佢唔會自己辭職, 所以佢阿頭就即刻炒佢啦....



  • 又係我worried呀! 睇完大家0既reply, 先知我份人其實好薄皮, 雖然佢無開口叫我resign, 但每天返到公司對住佢我已經覺得好度日如年!


    不如我形容下佢, 佢大概35-37歲, 無男友, 全家移曬民的獨居女人; 唔知係咪無乜social life, 所以將全副精神放曬響份工度~ 就算唔舒服到半夜入急症室,第二朝都準時坐響度! 講真, 我地打工仔放左工都想多D休息, 享受下家庭生活, 我通常每日都遲一個鐘先走, 但偏偏佢就覺得"我都未走你走?!", 整整下關係越攪越衰.......



  • 當然, 佢對男同事D態度梗係截然不同啦! 自從上個月同佢"出事"後, 佢直頭當我透明, dept. 好似得番佢同我男同事兩人做野咁。。甚至我同佢講早晨同bye bye佢都唔應我, 唉, 總知每一日我都想可以兜野車封信埋去就好啦!



  • 我都明白你好慘


    俾係我, 我都會覺得好辛苦, 可能成日都會CRYING


    但我都想你可以堅強, 唔好咁快認輸呀


    一路搵工, 一路做你既本份啦(工作上, 小心唔好出錯)


    如果佢真係咁憎你


    炒你就係佢應該做既本份


    佢無本事炒你, 係佢既事


    你彩佢都傻啦!!


    唔好自己擔心和傷心


    祝你早日成�


    可以搵到新工, 跟住一封信車去佢塊面到







  • Thanks BB~


    其實跟得女上司都預左, 但係我由此至終都唔明作為一個上司點解要同下屬作對呢? 我自問真係交足功課, 點解唔可以大家開開心心拍爛檔做好D野呢? 雖然我未做過人地老板or上司, 但如果我有機會我都會想要一個融洽既工作環境lor~



  • 我成日都會覺得D有錢人, 老闆, 好賤格


    但又會諗, 如果我係佢, 我又會否跟他們一樣賤呢


    可能會,又可能唔會


    我同事就話佢自己一定唔會好似佢地咁賤



login to reply
 

looks like your connection to she.com messageboard was lost, please wait while we try to reconnect.