痛愛!!!



  • 以前好睇小網絡既世界,今日...竟然要靠佢療傷!!!



    同佢拍咗拖5年,經歷過好多好多...同其他情侶一樣,有爭執有開心有分手有復合,仲記得因為我的離開,你自殺過,一直以為你好愛我,什至乎從未想過我地之間會因為有第三者而分開....



    記得同居之前開玩笑咁問過你,玩夠未...你既答案令我好放心,直到住埋一齊之後,我先真正認識你,2個人相處既時間多咗,自然多"拗叫",你知唔知你每次都走咗去,留低我一個人係屋企,我係幾難受幾咁唔開心.同一間屋係好難有秘密,你既冷淡...令我做出一d我從來都唔會做既嘢,當我check你手提電話同email時,我個心係撕裂.只係3個月咋,關係已經攪成咁,係藉口定係你已經唔愛我喇?我同你傾過無數次,先係心平氣和,但係你否認一切,你知唔知你每講一個大話我個心有幾痛,亦試過喊住求你唔好咁對我,要你留低陪我,我傻到以為因為你失業,唔開心...亂嚟一次,原來係我太天真太傻....無論我再原諒你幾多次,都係無用,因為個一刻你已經唔愛我喇,我再為你做幾多嘢都無用.忍過喊過傷過痛過同居第226日....我決定要離開我們的家.



    離開真係需要好多勇氣,畢竟已經同屋企人講咗我地會結婚...我走了,仲記得你喊到顛曬,全層樓都知,不過呢種心情你只係維持咗一個星期左右,見我無反應,你又同番個女仔一齊......我知道之後,個心真係好痛.



    你好似有咁,我去到邊都見到你,我好辛苦,結果我選擇離開香港,去一個好遠既地方療傷.一眨眼已經半年有多,點知你又突然出現係我面前,聲淚俱下求我原諒,仲向我求婚,坦白一切....我又好天真好傻咁...以為一切係上天既安排,以為過到呢關就會好好....我地感情比以前真係好咗好多,係返埋一齊,比發展過一段新感情係更有勇氣更難,因為要需要更多的包容/耐性同時間.當知...點明明綠燈...轉眼變成紅燈...你又再有第三者........



    我最愛既人竟然一刀吉我唔死,仲想插多刀.........!!!  真係好,個日我先知,原來你唔係唔愛我,你係想我接受你包容佢.呢半年嚟你差唔多每日都送我一首歌,半年前聽好甜,但係宜家每次係電視機收音機聽到你曾經送比我既歌,我既眼淚就會不受控制咁流出...



    唔愛我可以唔搵我,點解要咁樣傷害我.









  • 嘩..慘慘


    乖啦,唔好再喊



  • I am understanding your feeling. it was so hurt and painful, but to be honest remember anything can go back again expect love. Please weak up and no dreaming again.



  • I am so sorry to hear this.


    Don't waste your time on him anymore!



  • i understand. gal , just wake up and move on.


    u can make it difference!


    Live for urself


login to reply
 

looks like your connection to she.com messageboard was lost, please wait while we try to reconnect.