為何揾份好點o既文職工作o甘難?



  • 我o係律師行做秘書做左5年,人工得9k.我寄左好多信出去,律師行o既工又有,其他公司o既文職又有,人工方面我只係要求比宜家多幾百,但係一係冇回音,一係見唔成.唔通律師行o既工作經驗係冇用?其實宜家做秘書一d都唔容易,老細唔會淨係叫你打下字,做下filing,宜家係什麼叫到都要識做.我一向除左要做打雜野外,要寫信,要譯文件,做薄記等等.



  • 我間公司請緊人,人工福利都幾好,下個禮拜會有招聘日。如果你有興趣的話,keep in touch!



  • 查實想轉工後人工有所增加,最實際既方法就提升自己既學歷!





    工作經驗呢樣野,做得耐好多人都會有,惟獨係學歷呢樣野,先至會較為穩陣地提升到自己既收入.





    係怨搵唔到好工之前,查實應該檢討下自己既學識水平,假如學歷唔算好,或者好耐都無進修,應該診自己仲年輕時讀下書,學歷好,搵份好工都易d!



  • 其實我係大學商業學畢業.首先,讀書係需要好多錢,如果有留意Diploma,degree一年幾多學費就知,人工唔高好難負擔.其次,宜家學歷高o既人都唔少,高不成低不就的情況好常見.讀書真係要小心考慮.



  • 你幾時畢業架?


    大學畢業都咁?咁真係要檢討下喇!





    依家大學畢業只係基本要求,咁你既語言能力如何先?英文係米有中上水準?普通話得唔得?除左語言,有無乜野專業資格既文憑先?





    假如無,得個大學degree係唔work個喎?





    況且,有時外表都要留意下,始終外表吸引d既又會加下分!




  • 查實大學畢業走去做秘書真係有d曬料!





    你話係大公司,做富豪既秘書就話姐!





    與其係大律師行做秘書仔,倒不如有d興趣既,就走去讀番個律師牌返黎啦!





    錢呢樣野,基本上有收入就自然有,即使人工幾奀都好,可以慳d洗儲學費!





    做人目光要長線d,唔好怕後生捱得辛苦!


    最多洗少d,儲錢交學費lo!


    死唔信儲唔到錢讀cert讀degree!





    我出黎做野咁耐,都未停過進修!我一星期返足三四晚都係咁啦!





    只要肯付出,總有回報既!





    加油啦!


login to reply
 

looks like your connection to she.com messageboard was lost, please wait while we try to reconnect.