已一齊十五年有個女,如你老公夜晚11点及出外公幹00:45打電話給一位未婚女同事...
-
哥斯拉
老實, 你既講法係我既世界係唔認同架
因為我身邊真係有 d 咁既人
我公司有個高級職員, 有老婆, d 仔女仲好大個
識左個細佢十幾廿年既妹妹仔
當然, 係係同一公司啦
男既身居要職, 佢覺得你地 d 口臭友係 (杜) 忌佢人工高, 職位高, 有權有勢之外, 有個 "好" 家庭, 仲有個又後生, 又靚, 又叻既女朋友; 就算他日要離婚, 佢會覺得自已有 "真才實料" 又生 "地位", 怕咩影響事業................
(老實, 我諗呢 d 係大多數男人既 "夢想", 但礙於道得問題佢地唔 (咁) 亂黎)
女既, 老實, 唔多唔少會因為個男會運用佢係公司既權力, 唔多唔少比到 d 著數佢; 又, 勾到人地老公, 唔多唔少都會有 d (虛) 榮; 若果個男既唔拋妻棄女, 咁又點特顯佢既 "魅力" 呀 .............
最重要個點係, 佢地家下 "沐浴係愛河" 入面, 世俗既野佢地邊會理呀
又, 係老公同果個女人家下係處 "肯定" 前既曖昧時期, 佢地會以為自已 manage 到, 佢地會以為大家都會點到即止
老實, 如果真實咁易 manage, 咁就唔會有咁多婚外情啦
老實, 大家都後生過, 有邊段戀情唔係由曖昧開始呀 ?!
婚外情咪又係情.............
哥斯拉, 若果你係放唔開你老公, 我諗你唔係諗點樣令佢地分開, 你應該諗點樣發大你自己既優點...............
-
搵人查佢..!?
其實知黎做咩丫..
知完自己唔hapi咋,佢又唔會為你改變既"
而且我諗你除左個女一定仲有其他野渣手架啦...
聰明既女人,就係要扮蠢
-
我都暗戀我個高層上司, 呢d男人雖然結左婚,但總有佢0既吸引力.
不過我純粹係對佢好, 我地無其他野. 佢都我有無野我都唔知.
-
我又發現到d我唔可以post出嚟的事,磁石都有吸引力
-
同佢講家用唔夠.
加到佢怕.
經濟封鎖~~
-
C a c a,
有乜揸手呢又?
-
今日去轉了cash,明天會安排d基金同股票賣時轉我單名户口,但join name户口是他出糧,需要keep住,所以都要放銀行的要求數目,每個月我只會留小部錢作他日常運作用.
-
caca,
我扮咗蠢好耐啦,蠢到當我白痴咁,成日叫我買鑽石
-
哥斯拉,
Your husband is rich?? Will the girl loves his money only??
-
you can find a man to talk and have breakfast, lunch, dinner, and see what he will do...........
-
究竟你有冇諗清楚你自己想點o架, 我覺得你依家o既行為好衝動囉! 你咁樣只得一個結果, 就係佢一定會同你離婚, 無論佢有冇偷食變心, 男人一定接受唔到你咁o既做法, 你冷靜d, 諗清楚先啦! 如果唔係, 我怕你搞到冇得返轉頭呀!
-
I support you, as a man
-
而家d女人就算站錢都無所謂,何放佢係 HR 知我老公揾幾多,但佢無計過,就算離婚錢我拿了,之後俾完膳養費所餘無幾,女要交學費、賓賓、課外學習、膳食等,層樓又係我.
有樣學樣各自各精彩,女点呢,未同我老公一齊之前,追我的人好多,結婚之後都有唔小男人追我,靚仔、有錢仔咩都有,識佢時大家都揾差不多,我倍佢讀書,俾時間佢工作,結婚後佢想要個小朋友,一直都無,為有求医生幫忙,又過了大半年後亦無,自已一個人喊出來。後來揾另一個医生再幫忙,又過了幾個月都唔得,最後我作出一個我自已從未有的勇氣....人工受孕。我好怕打針,護士斛釋過要打好多針,我見到其他病人一大袋針藥好驚,要一星期抽幾次血,抽唔倒每次都要"吉"幾次至揾倒血管,喊住抽血,成個化驗所嘅人都幫我抽過；晚晚在肚皮打針,全身麻醉入手術室取卵子,再入手術室放回卵子,又再晚晚打針至bb三個月大,pat pat 痛到要熱水袋減痛,生完都重痛。
我点樣對佢,只有一對朋友知,他們亦有此需要,連家人都唔知。
-
哥斯拉....
I am afraid that u would have scared me away if I were ur hubby. Ur attitude, ur tone seems like a "bitxh" indeed.
-
管老公的錢一結婚就要做,等到有感情出現問題才做,男人好難接受
-
hihi 哥斯拉
關於你生 bb 既事, 睇完你所寫, 我只可以講你好偉大, 係作為母親果邊去睇; 至於係你老公果邊, 老實, 就正如我曾經講過, 當你地係蜜運時期, 咩都可以為對方做, 我個人認為類似呢 d 野, 係無得講我為左你做過呢樣, 做過果樣; 老實, 當初你絕對可以 say no 架, 你絕對可以經過深思熟慮先去做架, 我估當初無人 "big" 你架................
放鬆 d 啦, 唔好再怨或者後悔當初你為佢做過咩, 唔係你會仲辛苦; 老實, 我相信佢當初都曾經為你做過一 d 你當初認為係窩心既事; 愛情呢家野係無 "口岩" 或者錯, 只有 timing 唔夾....................
另, 關於你轉錢既舉動, 就正如 ada 所講, 你諗清楚你想點未架 ?! 你咁攪法, 再落去就只有離婚一條路, 你係咪想咁先 ?? 你心理上準備好未呀 ???
再講, 我唔知你家下去轉走 "佢既錢", 佢將來可唔可以透過法律去拎番; 但, 我想你老公係應該每月有一 "bug" 可觀既固定收入, 老實, 佢將來會唔會比贍養費你. 仲言知尚早, 雖則話有法律保障, 但佢唔比你, 你又吹得佢漲咩 ?? 你要知, 法律只可以制住 d "正人君子" 咋; 你咁做法, 你 "制住" 唔到你老公架; 若果佢將來再有頭家既話, 佢都會用千方百計去唔再比錢你...............我有朋友既前夫就係咁呀...........
我唔係想同你唱反調, 我身邊都有唔少呢 d cases, 我相信你地係會諗埋一邊, 我唱反調係想你知多 d 有可能發生既未知數, 希望你唔會怪我啦
另, 我真係真心想你去了解清楚自已先, 唔好因為 "怨氣" 以令自己第日後悔, 就正如我上述所言, 所有野都無人 "big" 你去做, 你要記住, 他日反悔係人生最蠢既舉動......................
-
哥斯拉！我都好讚同ＫＩＴＴＹ睇法...諗清楚自己想點!
我都曾經好似你咁...不過時間過左都知好唔理智行為...曾經以為自己好叻..識得CUT曬佢D錢...拎返曬送比佢既野...從來冇坐定定傾過點解佢要背住我識另一個....只係覺得佢唔識珍惜我...總之怨氣重...
(雖則我用手段成功留左老公係身邊...但都後悔會WIN左佢返來)
係我做曬破壞我地之間既地步後...我總於知道我老公開始"憎"我..又討厭我..因為我所做既一切...佢反而更理直氣壯去溝個件女 (因為佢覺得同我分手係應該)...如果一個醒既女人應該扮唔知...眼淚在心�堿y...做更多的驚喜...更多的關心比佢地....就算明知佢同個女人出完街...都要識扮下委屈得來又唔好比佢知.....只要你夠�琱�...就算你老公唔返來你身邊...最起碼自問都搶救過婚姻...但好多男人都係咁....當你要離開時...會諗起對佢點好...佢地就會好自責咁想返來你身邊...我唔知係咪所有男人係咁...但我知自己個件係咁WIN返來的!
-
多謝你地的意見,如果我想個個站在我方,我就同家人,朋友講啦.呢幾個月我有俾佢改,沒轉變所以我才頂不住,這三天,晚晚都很sweet,很貼身咁一齊睡,講了很多大家不滿對方的事.
錢不重要,沒有老公俾所有的錢我都無用,十五年來他什麽事都希望一起分享,不論喜與哀.現在時時都有call我,send email, sms等,搭車都一路同我講,咁係咪應該俾機会大家呢？
放鬆咗 d 啦. thank you all.
-
哥斯拉!
没錢不能的!點都好..你有個女...所以錢一定自己留...盡量搵一個好的方法...自己有錢儲下...真係要留點私己錢...以防萬一真的有事不會人財俩失!
千萬不要加深自己個種没有老公就不能活的想法...因為咁樣做只會"冇"形中加深左老公既壓力.....自己都要有好好的生活! 試下多點約朋友仔出街...行街又好...唱k又好...總之輕鬆下...有自己的生活....咁樣你同佢先有一個好開始..若然自己冇生活空間...你會好自然地比左壓力佢...而你係唔覺得嫁!
-
take care yrself and good luck to u
-
就算要離婚都不是最壞的事情,而且妳現在都不用先想這步
以前的日子,大家都有付出過,反舊帳對誰都不好!
想清楚自己想怎樣,愛護自己同個小朋友,無論妳的決定是什麼,天都沒榻下來,對不
面對、處理、接受、放下
-
星期六上午我有上烹飪班,每次帶返屋企亞女都好開心,要我教她.
這星期,他帶我上他公司,他放了多張囡囡相,見到這個女人座位.
我亦有寫了日記記下今次嘅事,我的信任換來這段日子,可能係神對我們的考驗.感謝神賜這個小女孩給我,見到我唔開心,要三個一齊kiss一齊抱,要我笑,要我講嘢,我唔希望與人分享我的家,呢個家係我建立出嚟.
只見人開心就想要,買嘢都要用自己揾錢買至開心.