給我最愛的妳.....





  • 其實諗返起真係有少少嬲妳,我地分開左之後,妳話我唔煩妳就煩妳既朋友,妳話我唔尊重妳,妳好似諗都冇諗過就覺得係我錯曬咁,換轉係妳妳又會有咩感覺?我唔想解釋d乜野,解釋只會令妳覺得我更加煩厭。





    當初妳話鐘意我係因為我錫妳、對妳好、夠細心,但係估唔到就係因為我太錫妳、對妳太好同太細心就令到妳覺得我煩,我既優點慢慢咁變成妳既負累。





    依家晌msn見到妳我都已經唔敢再同妳講野,唔想因為我講錯一兩句說話而令到妳更加討厭我,睇住妳轉每一張既新相,又會好想知道妳最新既消息。見到身邊既野,都不期然聯想起以前同妳既某一個細節,百般滋味在心頭。





    原諒我未能夠好似妳咁灑脫,我可以面對現實,但偏偏又唔能夠接受,呢種心情,妳又體唔體會得到?



login to reply
 

looks like your connection to she.com messageboard was lost, please wait while we try to reconnect.