今日真係好開心,終於考到車牌



  • 今日真係好開心,終於考到車牌la,今次係第三次考喇,頭兩次都係肥掉頭,仲要兩次都係犯上同一個錯誤而肥左(鏟上石壆).

    第一次肥就話緊張啫,第二次肥應該唔會緊張嘞卦,仲要兩次都犯同一個錯誤,咁一定唔係我問題喇,所以,今次立即轉左另外一個師傅,擒日祇係學左四堂,教嘅方式同上次個師傅完全唔同.雖然,師傅不停咁話:放心喇,你照我呢個方法,聽日一定掂.但係我都仍然好驚,因為祇係學左四堂,仲要今日就考,會唔會記唔到?點知我嘅擔心真係多餘.

    我真係好多謝師傅佢,若果我冇轉過師傅,我今日一定考唔到車牌law.為左答謝師傅佢,我特登上網讚佢,若果有邊個人,係想考車牌,不妨揾佢,真係好好.

    李建駕駛學校--香港區--馬根發師傅.



  • 你似賣廣告多d喎, 不過都恭喜哂, 我初初考到車牌嘅心情都好興奮, 有機會我地可能會街上見



  • any car to tour me around?



  • 賣廣告!!



  • 真係好對唔住,我唔係喺度賣廣告,我使唔使講埋今日我喺邊度考,幾多點考呀...我今日喺跑馬地嘅試埸,考3:oopm.sorry,呢個唔係廣告,你就話係廣告.把口生喺你度,我都控制唔到.



  • congratulation !! so ,, u plan to buy a car?



  • suki$_$


    恭喜哂你 我當年都係考左三次先pass


    記得果陣勁開心



  • 各位,我嚴正聲明呢個唔係廣告,若果邊位信我講的話,可以揾呢位師傅學車;但若果唔信就算喇,請各位唔好當呢個係廣告,影響我唔緊要,影響師傅就唔好,我仲記得今日我考之前,有個男仔喺我前面,佢都合格左,我講嘅全部都係事實.



  • Philiplpk,多謝你呀,哈哈,我暫時未有買車的決定呀.





    k,好多謝你呀,其實我本來一次攪掂架,就係掉頭,害我肥左兩次喇,但係今日真係好開心呀.



  • 咁你好我好多呀 我兩次都係衰路試 拍位實


    在太多位可以記所以 好似背書咁


    出到路面就麻煩得多


    我就陣係李kin報學車的 我就覺得d師傳勁差



  • k,其實我本來都係想報駕駛學院,但係我阿哥係報李建,因為佢一次過就得左,佢話,好平喎,ok喎,所以咪報law.但係我真係唔係呃你喎,我路試真係一次過ok喎,但係掉頭真係肥左,因為冇記號,所以,肥左.但係今次馬師傅架車係有記號,所以今日即刻掂左.



  • suki


    信你啦 所以先話你好我好多 考到第三次 其實都幾驚


    驚如果都係fail究竟仲繼唔繼續考好



  • 我記得我果個師傅姓李的 車牌係ky8503 e個真係勁差


    成日都放假搞到第二d師傅頂佢更 求求其教


    完個晚就算


    就算到佢本人都教得唔係咁好 好多技考都無教



  • k,好多謝你信我呀,因為佢哋個個都話我賣廣告.其實你講呢個問題,我今日都有諗過,我有個fan仲同我講,若果我再肥,就抖一排再考過,不過,好彩得左ja,如果唔係,真係勞民傷財



  • k,咁你就慘d喎,我嗰個係MX6506,係咪好hard-sell呀,哈哈.



  • 我想問可否給馬根發師傅的電話給我,因為我幾年前跟過佢學車,現在有同事想我介紹,但我已沒有他的電話



  • 恭喜曬 ^^



  • j&n,sorry ah,我冇左佢電話la,若果你要佢電話,你可以打去李建到問,佢係教香港區架.





    阿妹,多謝曬你!!



  • 大家出街要小心



  • suki





    how much?



  • Congradulations!



  • .我都冇車ge,我祇係啱啱先考到車牌咋ma,所以,使乜出街小心d喎.





    jforce,我都冇計到,大約7-8仟到,因為,我第三次考先至合格.第一次學左26堂就考,樣樣都合格,係唯獨係窄路掉頭肥左,若果第一次pass的話,就$4600幾.





    心不老,多謝你,我覺得考車牌好大壓力架,雖然考左3次,不過最後都考到,都總算不幸中之大幸.



  • u must be careful. If u are not good on three point turn, u need to practise more la. but remember dont make "Dead Steering", it will damage yr tire. Make sure solar check(blind check), it's many ppl just running without noticing the car. As a driver, u need pay more attention. Make sure every signal and sign board. Good Luck.



  • yocool,好多謝你的意見!!


login to reply
 

looks like your connection to she.com messageboard was lost, please wait while we try to reconnect.