銅鑼灣謙記特色火鍋極不快經歷 之 奪煲畸兵



  • 謙記特色火鍋, 老闆強行奪
     
    節錄
    謙記老闆現場金句一: 「你地2個鐘只係叫咗6碟野食, 好難俾我覺得你地有盡力囉!
    謙記老闆現場金句二: 「我地有一個系統去估計客人嘅用餐時間, 我地估計你地應可2小時內食完!
    謙記老闆現場金句三: 「預左你地上網唱我架, 我就算冇左間铺都唔想招呼你地!
    謙記老闆模擬心聲一: 「你地22個鐘食得果4百幾, 唔好阻q做下枱客啦!應該會比你地盡力. Yeah! 賺錢第一!
    謙記老闆模擬心聲二: 「我地有一個系統去check住你地食幾耐, 唔夠數即Out! Yeah! 賺錢第一!
    謙記老闆模擬心聲三: 「你估我你呀! 我大排隊等比!況且我冇間铺有一頂住! Yeah! 賺錢第一!   

     
    事發經過
    於2007年9月7日, 我(女)和另1名女性朋友大概7時到達銅鑼灣謝斐道408號華斐商業大廈地下謙記特色火鍋,我們訂位時和坐下時職員都沒有跟我們說要在指定時間內還枱, 但當到8時半時, 有一位男侍應跟我們說: ‘小姐, 不好意思, 有2位客人在9時訂了枱, 請你們幫忙在9時前把枱交還.’ 我們說: ‘你們之前沒有說明,’ 他承認是他們的不當, 但因為枱面還有很多食物, 於是我們便跟他說我們是會繼續吃的, 不過會盡力. 之後, 他們便不斷做一些小動作來打擾我們, 如經常問我們是否還需要那些食物(但我們還吃剩很多). 就在大概9時, 那位男侍應要求我們先結帳然後又重複說那2位客人已在等候, 我們也同意用信用卡結帳, 我們亦重複告訴他我們吃完所有食物便會離開.
     
    過了不久, 有一位架著眼鏡沒有穿著制服的男子走過來問我們要再吃多久才離開, 這樣他才可以決定會否做下一個客人的生意, 我們說這是你們的生意, 應是你們的決定, 再者, 我們已經不停地在吃東西. 他聲稱他們有一個系統去估計客人的用餐時間, 而他估計我們應可在2小時內吃完, 他說: 「你地2個鐘只係叫咗6碟野食, 好難俾我覺得你地有盡力囉!」, 我們認為那些理由完全不成立和牽涉歧視; 首先, 作為顧客, 幫他們賺錢絕不應是我們的責任和目的; 第二, 在正常情況下,他們不可能在我們還沒有吃完東西的情況下強迫我們離去; 第三, 先別理會「兩個女仔2個鐘叫6碟野」是否合理, 因這很難劃一標準, 但是「2個鐘叫7碟野」是否就應比「2個鐘叫6碟野」享有較佳的服務, 再者, 現在我們遇到的是極端惡劣的服務態度. 最後我們嘗試與他理論, 但他拒絕聆聽, 他還說: 「你地兩個女仔鍾意咁樣講, 我唔想浪費我啲時間, 我將啲錢退番俾你地, 唔該你地離開!」我們爭辯這不是金錢的問題, 亦不同意把錢退回, 但是我們的話還沒有說完他便二話不說把鍋子取走. 我們非常生氣地說他怎可這樣強行地把鍋子取走. 我們於是要求跟經理對話, 一位女職員說那位架著眼鏡沒有穿著制服的男子便是老闆.
     
    不久, 那位老闆便把那張取消了的信用卡簽帳單放在枱上, 然後那位男侍應便清理枱上我們的所有食物. 我們深深地感到遭受到不公平待遇, 我們堅持地坐著大概20分鐘, 希望得到一個公平的結果或合理的交待, 但他們拒絕再和我們對話. 當我們離去時, 對著那位老闆說, 「這是不可接受及不合理的對待, 我們絕對不會再回來!」老闆不禮貌地對我們說: 「我預咗你地唔會返黎, 預咗你地會上網寫,你地已經唔係我地既客人, 你地走啦, 我地亦唔會再招呼你地!
     
    在整件事上, 他們只在最初有承認他們沒有告訴我們在指定時間內還枱是他們的不當, 在他們提出不合理要求而我們不同意的情況下, 他們選擇拒絕討論, 及自行拿走我們已付錢及清晰指示還吃的食物. 事發後, 他們不但沒有表示任何歉意, 還抱著極度不友善的態度. 老闆認為他退回已過户的信用卡簽帳單, 便自覺有理由地可請我們離去, 但是, 我們從來沒有表示贊同他取消帳單, 這是非常不禮貌, 荒謬及不可理喻的做法, 這絕對不是應有的服務態度. 亦因為當時人是餐廳的老闆, 我們亦沒法再向有關餐廳提出任何正式投訴, 現希望消委會作出調查及跟進.
     


  • 這版人流多,請恕我無禮...代版主搬家



  • 為了公正,有沒有當晚目擊者?


    版主有種就唔好分身



  • um....謙記人你好, 我係唔會答你架!!



  • 唉...你個名也實在太過招搖了....



  • 惡人先告狀 replied @ 2007-09-11 8:28 pm





    男侍應跟我們說: ‘小姐, 不好意思, 有2位客人在9時訂了枱, 請你們幫忙在9時前把枱交還.’ 我們說: ‘你們之前沒有說明,’ 他承認是他們的不當<<<<<


    於是我們便跟他說我們是會繼續吃的, 不過會盡力, 我們亦重複告訴他我們吃完所有食物便會離開.<<<<


    最後我們嘗試與他理論, 但他拒絕聆聽, 想浪費我啲時間, 我將啲錢退番俾你地, 唔該你地離開<<<


    我們堅持地坐著大概20分鐘, 希望得到一個公平的結果或合理的交待, 但他們拒絕再和我們對話<<<<


    那位老闆便把那張取消了的信用卡簽帳單放在枱上,老闆認為他退回已過户的信用卡簽帳單, 便自覺有理由地可請我們離去, 但是, 我們從來沒有表示贊同他取消帳單<<<<





    唉.....伙記承認有過失,而有兩個鐘頭都好合理,做飲食如旺場都好想做到兩檯至三檯客,如果你叫幾碟野坐一晚,試問真係好慘


    成間舖的人望住你們,你還可以糾纏20分鐘不走,實在太潑辣!


    如果太野蠻都唔會退款給你,都係你野蠻d 0番!




  • 廿分鐘變左二個鐘?


    坐得廿分鐘就叫人走?"


    咩鋪頭黎架....如果係咁既話我以後見到佢個名唔會去啦


    係就唱行佢啦,咁衰格



  • 我都開始覺得版主有問題


    人地質疑佢d野佢都答唔到


    坐成2個鐘唔走人地通知左仲係咁


    老闆退錢比你都算係咁


    好唔識做的二個人



  • ((大概7時到達....但當到8時半時....請你們幫忙在9時前把枱交還.))合理


    ((我們堅持地坐著大概20分鐘))何必鬥氣



  • 時間上有d問題出入


    一間鋪頭應該唔會坐廿分鐘就要人走


    如果照7至9又真係食得耐,我地成家人去食個零鐘都已經夠



  • 我不是謙記人...唔附和就唔0岩????好野蠻



  • 再向版主道歉,我私自搬版,係想多點不同聲音


    想聽多些人看法


    看看你對?還是我錯?


    唔好意思




    1. 如果老闆無講,門口無貼,佢又招呼o左我入o黎坐,的確我叫杯咖啡可以坐成晚;


      2. 咁多枱客,點解係叫我地果枱走?





      以事論事,的確係個老闆唔o岩,如果你咁著緊,大可以收min charge,無理由咁趕客走。


  • 雖然佢開始無講有台客九點到係佢唔岩, 但兩個人坐兩個鐘...仲要有人客等...果間又唔係coffee shop, coffee shop就話會預你慢慢坐遮, 人地打開門做生意在商言商其實都好正常, 初初人地都好聲好氣架, 其實版主係唔係根本就諗住坐左三四個鐘所以慢慢食慢慢傾計呀? 雖然佢後尾真係好無禮貌, 但版主知人地趕住做第二輪生意都唔讓一步, 明知人地仲有人等台都要霸住張台都唔好得幾多, 我唔係話個老闆岩呀, 而係咁鬥氣有咩意思, 唔覺得好樣衰咩, 其實食完後去飲杯野都可以慢慢傾喇....




  • 我會咁諗囉



  • 我自己都試過相類似情況,其實比我我都會走,但係呢d係走人情,唔走真係道理。





    btw,佢地兩個女仔叫六碟,食咁耐都未食完…其實佢地都係hea啦~



  • 叫杯咖啡可以坐成晚


    但,看情況,見到外面企滿客,自己食少少野就悠然自得,我會感到唔安樂





    昨日有朋友從Maryland來NY晚飯,叫我介紹晚飯地方.....


    我說:『你想好食去皇上皇,但你想和朋友們傾計,就唔適合,因為那處好旺,坐唔得耐.....』





    做人要通情達理,有錢唔係大曬



  • 有錢當然唔係大曬,但係都係果句,佢走係佢俾人情,佢唔走亦大條道理。





    單說理,果兩個女仔係無錯喎。



  • 其實呢d野成日都會發生架啦


    多人叫你早'少少'埋單


    不過個老闆見到'呢d唔識做既人' 咁堅定咪有得佢地lo,無謂嘈丫



  • 老闆都甘... 耐佢咩可?!


    $$都退埋... 去第2到食過...


    我會講埋多謝~~~~


    食又食左


    台又"牙"左2hrs~


    $又退埋...


    同$ (客) 抖氣... sor-朱黎架~~~





    btw... 我食過... 一般哪


    2個人食左5-600 有盡力啦....


    服務係無袈.......


    你就好啦... 有$$退~



  • 雖然話就話幫手還台係人情唔還係道理, 但成件事就比人覺得版主係覺得顧客係大曬, 好明顯版主係諗住係間鋪hea幾個鐘, 雖然話兩個人兩個鐘食幾多野無一定準則, 但兩個人食六碟野食左兩個鐘仲有好多未食, 侍應都已經道歉並半個鐘前通知有客book左九點(佢唔係八點五十分先講九點要還台迫你十分鐘食曬wo)到半個鐘後再講門口有客人等緊, 版主都仲係"好多野未食"仲係慢慢坐難免令人覺得佢想玩野, 當然個老闆未免太有性格同唔怕得罪客, 但得罪都要講句, 如果開間鋪出黎, 個個客都似版主咁, 咪間間都執得? 成晚做得一轉客都唔止, 個爐開左成晚都要refill水/湯, side電/石油氣喇





    雖然個老闆強行執曬d未食曬既野走, 但又有退返錢, 又唔係呃錢, 版主想消委會作出咩調查及跟進呢?



  • 我撐版主wo,就算個客係係杜磨,只要距晤係搞事搞破壞,鋪頭係無理由強行搶走人地d食物叫人走架wo。肯賠錢亦不是大嗮,如果個老闆一路搵操口閙你全家,然後話我比番錢你,過主啦!難道gum就ok嗎?當我係乞兒?況且,亦係當初個夥計無講明話要準時還枱。如果個客食極晤走,新客又到,鋪頭大可安排新客搭台,或者要求舊客換張細枱。我gum大個人都未聼過個客因爲食得耐(仲要係打邊爐)可以強行清枱要距走!無他,因為e+經濟好,食肆晤憂做,所以態度愈來愈差。試問d種情況係當年沙士之後會發生嗎?



  • E+ D食肆真係晤憂做, 以前就話侍應對客無禮貌姐, E+連老細都係D甘既服務態度.



  • 如果個老闆一路搵操口閙你全家亦係當初個夥計無講明話要準時還枱


    己經好客氣,但係二個女人唔領情,攪到咁薑...所以話面係人比,架係自己丟



  • 我都撐老闆喎, 成件事由最初男侍應好有禮貌咁叫版主兩位幫幫忙, 到最後老闆寧願退錢都要逐客, 其間發生過既事係咪只有版主所講既咁多? 佢同佢朋友又俾過d咩咀臉同咩說話人地聽我地唔知





    同意還枱係人情唔還係道理, 但版主如果一開始覺得自己有道理, 就大可8點半人地叫佢幫忙時佢就一口拒絕, 唔好話咩會盡力, 到人地再催佢時佢先同人講道理





    版主多次模擬老闆心聲都強調賺錢第一, 試問生意人賺錢第一有咩咁奇? 奇就奇在賺錢第一既老闆收左錢都寧願退錢而要逐客, 當中會唔會意味住一d野呢?



  • 試想想....





    打開門做生意都係為賺錢,而老闆寧願退錢的,可想而知他幾想送走兩位


    做老闆當住咁多客人,「請」客人離開,完全唔怕做壞招牌的,因為他知道道理係在他那一邊



  • 個老板賺錢第一唔係問題,但係如果因為搵錢而得失d客係另一個問題。





    如果照上面文字講,老細點解肯退錢?咪就係佢expect o黎緊果枱客唔止食6碟,我退番錢俾呢兩個女仔仲有so。





    同埋我好同意做生意唔係一兩次,真係成日咁多第一次o黎咩!好多都 係做熟客,家下香港人你估蠢?佢情願排隊等一間好o既,都唔去間無人o既。





    今次兩個女仔就話叫六碟遮,招呼得好,下次可能叫十個人叫廿碟,做生意,唔可以剩係睇一次。





    同埋都係果句,搵錢,唔係唔得,你咪set min charge囉!再唔係設時段,你情我願,大家好做。





    同埋,我都係果句,做咩間店咁大,係都要叫果兩個女仔走?倒番轉,仲有內情啦!



  • 試想想....





    打開門做生意都係為賺錢,而老闆寧願退錢的,可想而知他幾想送走兩位


    做老闆當住咁多客人,「請」客人離開,完全唔怕做壞招牌的,因為他知道道理係在他那一邊





    by +ggg - 09/12/07 11:27





    下??請問理在老闆那一處???





    如果間舖要收工,果兩個女仔唔肯走,理在老闆處,呢件事,我唔覺得係囉!





    再者,佢預計下台客又飲又食可以cover 番呢兩個女仔條數,所以佢先趕人走遮。



  • 我這裡有間旺場的buffet店...吃慣吃熟.....見客人吃到甜品,伙記就會自動送上單據,客人全無異議,乖乖埋單


    互相體諒,老闆笑騎騎,我們又食得開開心心



  • 我幫襯過謙記幾次, 印像中個老細有少少吋, 因為佢覺得佢用靚料,童叟無欺. 我覺得版主以為係客就大曬, 食火�旍滮p時夠啦. 佢一片一片慢慢�憪r?





    服務態度差係一定. 但一隻手掌拍唔響. 版主食完free dinner, 點解仲咁慶?



  • 請問理在老闆那一處??? <<<<


    我們大家都唔知那兩位小姐與老闆的臉色與語氣有幾重


    相信食肆內的客人是好好見證,而老闆可以不用顧慮地請她們離開.....


    所以我咁諗(而唔係咁睇)



  • (謙記人你好, 我係唔會答你架!!) ----版主只回應這句,還有嗎?



  • 我這裡有間旺場的buffet店...吃慣吃熟.....見客人吃到甜品,伙記就會自動送上單據,客人全無異議,乖乖埋單


    互相體諒,老闆笑騎騎,我們又食得開開心心





    by +ggg - 09/12/07 11:41





    埋單唔係問題,埋完單駛唔駛走係另一問題。





    再者,你點知老板有無顧慮?我無假設咁多,總之件事係老板趕人走,而個客又無搗亂,不過食少d咁解。



  • 我地都唔知究竟當時情況係點, 不過聽落去, 我覺得唔會係事實既全部. 就咁睇, 就好似個老闆錯曬, 不過我會好奇怪點解好地地會搞到被人趕走, 除非個老闆係躁狂啦.





    所以我都係保持中立. 大家有誤會, 肯定雙方都有問題.



  • 其間發生過既事係咪只有版主所講既咁多? 佢同佢朋友又俾過d咩咀臉同咩說話人地聽我地唔知





    同意還�^係人情唔還係道理, 但版主如果一開始覺得自己有道理, 就大可8點半人地叫佢幫忙時佢就一口拒絕, 唔好話咩會盡力, 到人地再催佢時佢先同人講道理





    版主多次模擬老闆心聲都強調賺錢第一, 試問生意人賺錢第一有咩咁奇? 奇就奇在賺錢第一既老闆收左錢都寧願退錢而要逐客, 當中會唔會意味住一d野呢?











    同意 x 100000000000000



  • 點都好, 顧客至上為真正待客之道, 我們也不必猜測太多, 信則有,不信則冇.



  • 樓主...


    你都有問題喎~ 晚市多數都旺啦~ 你坐2個中~ 有冇諗過人地等位果d點?? 老闆雖然rude 但係 唔係冇原因 ~同埋點解要撇除 2個人食2個中呢個point 呢?? 會唔會真係耐左d呢??





    不過~ restaurant 都應該 客人至上既



  • 其實我都認為會唔會雙方都有d問題?樓主朋友會否講左一d說話或做左一d動作,


    而導致經理咁對待你朋友呀?如果係得你朋友一面之詞,咁好難相信誰對誰錯,


    最好有顧客出來証實一下.不過就算顧客有問題,經理都唔會鬧顧客卦?


    咁既服務態度影衰哂香港.



  • 我就較為同情果兩個女仔喎!因為這個世界上始終有人食野快d有人食野慢d,有人食得多d有人食得少d,所以我相信樓主所講既"先別理會「兩個女仔2個鐘叫6碟野」是否合理, 因這很難劃一標準"是這個意思.再加上如果當桌面上還食淨半碟肥牛和半碟丸既時候,而自己又未食飽,實在很難相信有人會自動自覺去埋單,俾間鋪頭去做下一枱客,更遑論去考慮出面正在排隊的顧客.總言之我覺得果兩個女仔冇錯!最後我衷心講一句,廣告都有賣啦'今時今日咁既服務態度係唔得架!'



  • 大家多次強調顧客至上, 我想講, 晌顧客至上既大前提下, 除左係大家 expect 既, 老闆及侍應要加倍付出之外, 有冇諗過晌 serve 你呢個強調 "顧客至上" 既顧客既同時, 極有可能係 at the cost of other customers?





    講一單朋友晌不久前既親身經歷, 話說有張 credit card 做 promotion, 憑某金額既簽賬單據可以到某壽司連鎖店換取壽司一盒, 當日係優惠期最後一天, 到場換取免費壽司既人極多, 朋友說相信要等半個鐘以上, 然後, 有一女子大聲叫嚷投訴, 話佢等果區區一盒壽司竟然要她等了10多20分鐘還未有, 又話明知最後一日會多人壽司店就應該一早預備定多d (明知最後一日多人佢自己又唔早一日去換喎), 最後, 經理出黎調停, 基於 "顧客至上", 最後經理好明顯係拎左其他人既壽司先俾呢位顧客, 我朋友目擊一切同經理理論, 最後經理又俾我朋友打尖, 呢d就係大家強調既 "顧客至上"?





    版主話左會 "盡力" 9時離場, 夠鐘時又唔願走, 大家又有冇諗過晌出面等位既人呢? 佢地可能係8:45就到 (可能更早), 舖頭既人同佢地講左等到9點就可以了, 等位既人如果一早知9點冇位, 佢地一早就可能選擇唔等



  • 但係唔係食反喎~ 打 邊爐喎~ 6熟就入口啦 ~ 而且6 碟~ 2個round 就6哂..........


    或者 係唔同既人食野速度都唔同啦........ 我只係覺得 對等位既客人慘 ~


    哈哈 ~ 因為我好憎d人叫小小野食 坐好耐.......



  • 上面有版友話點解間店咁大, 係都要果兩個女仔走, 我相信當晚8:30被"邀請幫忙"於9時埋單既客人一定唔只版主兩人



  • 如果唔講盡力去食,咁唔通講9點一定唔得咩?咁講咪仲薑.



  • 其實都要睇番 版主 有冇做過d 咩行為令個restaurant 連老闆都出場咁薑~~


    而且 service 既野~ 我覺得好雙向既 ~ 因為初初d satff 都 算polite~ 之後就180度變哂~ 老闆都出場 ! 會唔會有d野冇講呢~?



  • 我真係試過被"邀請幫忙"早d埋單, 但因為店舖冇事先講, 我地一口拒絕, 仲應該係唔只一次, 結果有時係晌侍應再三道歉之後我地願意讓步早走, 有時可能係因其中一個朋友遲到, 佢剛坐低不久所以我地堅拒提早埋單



  • 我覺得無論個客坐幾耐, 做飲食服務業都冇可能趕個客走,極之量只能說服個客幫下手。除非個客影響到其他客人,例如講野大聱騷擾到其他食客之類。但為左做多一檯客趕人走係極之唔合理。



  • 照番今次呢個cast , 本人覺得版主有d過份


    有時唔係你話比左錢就大曬,更可況今次你係無比錢仲又食又坐


    你係客其他人又唔係客咩?人地book左9點你9點懶死唔走仲要比人趕都唔走,就知你係d麻煩人,2個女仔仲要無男仔出頭你都咁膽死就睇得出你唔係好人.你仲好意思數人?真係自己囉黎丟 !!


    識得d咁嘅frd真係唔好同佢出街食反



  • 樓上個位,無客就由你坐幾耐都好啦,有客早半個鐘叫你走你話盡量=答應左跟住又賴死唔走,想人地點待你呀?





    唔好話人地請你走啦,見到人多自己又食得咁上下都會自動自覺啦,人賤真係唔識為人設想下



  • 版主跟朋友拾下拾下期間比人抬走個爐都幾好笑.........



  • 去消委會告佢同登報紙...高調唱衰佢...


login to reply
 

looks like your connection to she.com messageboard was lost, please wait while we try to reconnect.