有無人做過iui呀



  • 結婚2年啦還未有bb點算好

    排緊政府要得成年幾真係唔等得咁耐啦

    有無人可以教路呢



  • 我結左婚近 4 年都未有, 依家一邊排瑪麗 (下年 7 月先有得睇), 一邊睇緊私家, 做左一次 IUI, 聽日就派彩, 不過, 應該失敗, 因為幾日前已 FEEL 到 M 就快到 :(


    如果你年紀唔係太大, 可以先考慮做 IUI ... ...



  • KINGYUE : 我都book左瑪麗要10月先有得睇唔想等咁耐



  • 你意思係下年 10 月? 如果係, 不如一邊等, 一邊睇私家啦 ... ...



  • 我都book左仁安但突然工司有野攪唔知放唔放人



  • 今朝去左驗血, 雖然未出報告, 不過, 其實已經黎左經啦





    雖然都知道唔會一 take 過 bingo 甘好彩,不過, 當件事真係發生左果一刻, 依然係好難受 :(





    真係好 down 呀!



  • kingyue , bingo 真係要隨緣. 你係那間私家做?


    lulucat, 我都好明白你既感受. 現代女性真係好苦. 又要返工,又要生仔.



  • 係呀,依家的女性真係好慘架,要工作,又要生仔喎,我依家仲要返屋企做埋家務,又要受我奶奶&佢屋企人的氣,我又要返學,我仲慘呀!依家積埋咗好多怨氣,都唔知向邊個"申"呀!


    其實我都係二年多無bb呀,我都係等緊政府排期,好鬼耐呀!


    其實iui&ivf分別係咩呀?我都仲未知道呀?



  • mama


    我同你一樣要晚上返學早上番工返到家仲要做工司野的....好辛苦


    iui係把老公d精子放到你的子宮


    ivf係幫你把你的卵子和老公的精子受精結合左先放入去你子宮



  • 哦,原來係咁樣,多謝你呀,luluthecat.係呀,我依家星期日都無得出去玩,要留返係屋企做工課,有時真係有啲想放棄唔讀書啦,但為咗將來有好啲的人工,我唯有頂住上,我向來讀書唔叻,無乜天份,所以我要比其他人努力好多先有好啲的成績.


    唉,如果真係要做,我諗我都係要做ivf啦,因為我都唔知道我自己幾時排卵,原因係我的M期唔準時,做iui可能無用,但ivf又太貴啦!好頭痛,而我本身就係唔係太有錢的人,我同老公都人工低,依家都好吃力啦!


    雖然我係窮,但我都千方百計想有自己的bb,但有bb又並非係我所想的咁簡單,可能一切都係天意弄人,正所謂係你的始終係你的,唔係你的強求都無用,我都睇化咗好多嘢,有時真係好恨點解有咁多唔如意的事都發生在我身上,算啦,做人都恨唔到咁好的啦,開心與否都係咁過,要怪就怪自己條命生得唔夠好.



  • 依家越來越多女姓or男性不育啦,想當年我阿媽,要幾時生就幾時生,駛乜搞咁多嘢先有得生,可能現在的問題都與環境同空氣質素有關.......



  • mama, 我grandmam 生十幾個. 自己都有一弟一妹.以前既人,生活簡單點. 現代都市人工作緊張,壓力又大. 你要對住奶奶?一齊住?!. 我受夠99氣.今年年頭已經搬左出來. 政府係要排好耐. 慢慢等.唔好心急. 就算睇私家.都要等.唔係話做人工,就立即做到.



  • aa,你就好啦,可以搬出去住,我都想但唔得,有好多因素影響到,因為我係私家樓,我奶奶都有比錢買,我老公又有比錢買,我依家已經係內憂外患啦,我都有諗住想同老公搬走,但走咗就乜都無啦,我老公個家姐已經"喉"住我哋層樓啦,她成日在我奶奶面前"蟬"風點火,搞到我同奶奶的關係越來越差,她就想迫走我同我老公,然後她霸埋我層樓,到時乜錢都唔駛比就可以有樓攞,都唔知幾好啦!我老公的家姐好難搞,可以用"撥婦"來形容她的為人.所以依家我咪唯有忍囉,到我奶奶,老爺都不在的時候,我可以買咗呢層樓而買另一層嘛.錢得來不易呀,我依家日捱夜捱都係為咗錢,就算我將錢掉咗,我都唔會比我老公的家姐呀!


    我老公個家姐真係好黑人憎,我結婚咗多年都未有bb,她就去同人哋唱我出去搞三搞四,而搞到身體差咗所以生唔到bb,真係激死我啦!呢啲死撥婦講埋呢啲大易不道的話,遲啲真係比個天來收她呀.我從來只得我老公一個性伴侶,但比她咁唱,仲比她冤枉,我真係想掐死她呀!


    我在呢個家真係好難捱呀,如果唔係我老公對我咁好,我諗我已經捱不下去啦!最重要係有心事都唔知同邊個講,同朋友講都係一次半次,話題都總不能圍住呢個呀!如果成日都係呢個,佢哋會覺得我煩就唔好啦!



  • Dear all


    我8月時做左第一次iui, fail左, 現在等緊下個cycle會做第2次,我在qm做的, 現在想緊,如果3次都fail左, 唔知好唔好自己出去做, 因為我估排ivf都要d時間, 出去做iui仲可以afford到,不過ivf就真係貴.



  • mama, 原來你既處境係咁困難~. 我同99住左三年.忍唔到先搬出來.我老公都要供樓和交租.兩公婆唯有辛苦點.我四月果陣都排左QM,要到08年7月先見醫生. (明年33歲LA).怕自己唔等得.所以係私家做左先.


    正苦好似有兩條隊,私家+正苦. 你可以先睇私家...睇得來. BODY CHECK. + 用藥. +IUI.. 一年左右.如果你想做IVF. 另一條隊都應該到你.那麼IVF 就正苦做. IUI 就可以私家做.


    KA, IVF 真係好貴,我睇養和醫生. "醫生+養和..埋單十萬". (我還未放蛋.都唔知幾時會成功). 仁安好似平D. 六至八萬左右.



  • Ka,其實你係什麼問題而去做iui的?是你的卵子問題或是老公那邊精精的問題呢? 你放心啦,你只係做咗一次,唔得咪下次再來囉雖然我老公都仲未check精精,但我諗都係我自己的問題,因為我啲m好亂,可能係因為咁樣而影響排卵,但呢啲都係我自己所諗的,我依家都有食緊中藥,但無咩好轉,我打算食一年中藥,如果無用的,我就轉醫生.而政府那邊我都係等緊!如果我排卵有問題,可能iui對我無作用,一定要做ivf.





    aa,林青霞都40幾先生bb啦,仲有關詠荷都41歲生bb啦,! 你放鬆啲啦,我哋會支持你架!你在那一間私家做呀?價錢如何?




  • mama , 食中藥? 食咁耐,不如快d睇醫生, 我做ivf 都搞左好耐都未得.


    to all. 今日m day 2 照超聲波. 醫生話.我仲有幾粒卵泡.留在子宮.今天起要食"避孕藥". 兩個星期後. 子宮clear ,先再考慮會否放蛋.



  • 係呀,我仲食緊中藥,聽我朋友講呢位中藥好利害,好多不育的都比佢醫好咗,所以我還抱住有一線的生機..因為我月經週期太短,許多時候都不夠21天,因此懷孕的機會固然低,有時M咗之後不夠十天又來啦,所以我好怕M小姐來揾我.,搞到我不育之外,仲令到我好唔方便.我咁樣的情況都要調理下身體先得,我怕身體唔好,即使比我慶幸有咗,但身子唔好都保唔住個BB啦!其實我都好想急,但要急都急唔來.





    對啦,你又係有咩問題而致到生育有困難呀?




  • aa,你兩個星期咁快放蛋,你唔係話要食避孕藥clear子宮的嗎?咁快放蛋有無影響架?你要問清楚醫生呀,



  • mama 其實.我都係估下,可能十月先放蛋. 我老公蟲蟲得8%游水, 所以直接做ivf.



  • mama


    我老公方面有問題,蟲蟲唔夠active, 之後再check到我唔識排卵. 所以醫生安排我做iui. 其實就算自己唔識都可打針食藥的, 因我上一次做iui食左藥, 醫生再monitor我幾時排卵, 再做iui. 我知有d人就要打針, 藥份就重過食藥, 不過藥的副作用就多d,我子宮莫變thin左.





    我都try左成4-5年啦, 快33, 之前都唔識什麼iui & ivf, 只知道出去睇私家好貴, 所以一直都冇出去睇囉. 你幾多歲呀?





    aa


    其實個醫生得唔得呀, 我見你個個cycle都有d唔同的問題. 好似比人拖緊. 我或者會book董醫生睇下.



  • Ka,我都就快三張啦,所以先緊張起來,同我一年結婚的朋友個個都生咗bb,只有我未有生,心情真係唔好受,成日有朋友在我後面指指點點,猜測我還未生bb的原因,聽到呢啲閒言閒語,心中大感不快!





    不過你老公的蟲蟲唔夠active,而你又排不出卵,你咁樣做iui有無用架?會唔會做ivf會好啲?




  • ka, mama , 唉,搞左咁耐, (8月抽蛋).今日都放唔到. 醫生原來睇好多野. [黃體銅, 荷爾蒙, 子宮狀況..etc], 我既身體一日唔ready. 醫生都唔放. 所以..唉,順其自然. 我排卵係正常.只是蟲蟲問題. so 做ivf 算. 如果,iui 連ivf. 要搞成年幾兩年. 我受不了 ~~



  • aa,如果只係你老公的問題,你可以唔駛咁辛苦呀,你可以叫你老公去睇中醫,中醫會比啲生精藥食,慢慢啲精精就active返架啦,我去睇中醫時,我都見到好多男人去睇,所以我多口問我的中醫,佢就話呢啲男人多數係醫精精的,我月頭去睇時,佢仲話我知,有一對11年都不育的夫婦,依家食咗佢啲藥都有咗bb啦,所以我對呢個中醫有啲希望,呢個中醫好老的了,但佢對自己的醫學好肯定,好有信心,所以我就信咗佢,雖然依家都未有消息,如果呢位中醫真係了得的,我成功有咗bb之後,我介紹你呀!





    其實我見到你為咗有bb而去辛苦自己,我真係好感動,然而我又無能為力,因為我都自身難保!



  • aa


    希望醫生真係幫到你, 一次就中, 如果他們睇得那麼細心, 機會都大的. 努力.




  • mama , thx, 不過,我已經抽左蛋.只等放蛋,所以都唔理咁多.


    ka, 我都唔知.隔離個group. 有位太太ivf fail. 現在.我識三位ivf fail. 兩位成功.所以,我都好心灰. 無乜希望.



  • aa


    有時我想, 有bb真係講緣份, 有機會你做曬所有野都唔會有, 不過我心信一日仲有機會,我唔會失望, 我上一次iui fail左, 我都冇喊, 因為我覺得一次唔得, 再努力, 上一次做得唔好的地方, 做好d囉. 反而之前我未睇不育醫生前, 我仲唔開心, 日日唔開心, 時時同老公嘈. 人最緊要有希望.



  • 而家係街見到d人大肚真係好唔開心,點解自己會無...............


    又好驚做左都唔成功,又花錢 >.<


    點解人地d好似生蛋咁話有就有...........而自己就咁wor



  • LULUTHECAT


    根據好多過來人的經驗,太緊張反而唔會BINGO, 真係要識得放鬆, 我比你等的時間仲長, 亦到試過知道排政府要一年多喊左同唔開心很長時間, 除非你的年紀真係好大呀, 一年時間其實好快就過, 而且比時間你做身心的準備, 你現在又要做野又要讀書, 壓力已經大, 唔好再多比壓力自己, 你讀書要到幾時呀? 唔好急, 做人最緊要開心.



  • ka, 我抽蛋前,要日日打荷爾蒙針,又要不停驗血 .剛巧又整親隻腳. 公司又忙碌. 晚晚回家OT. 老公又幫唔到手.我試過哭到崩潰. 另一次,抽完蛋後, 滿懷希望. 幾日後放蛋. 點知. 姑娘唔記得叫我塞藥.醫生話黃體銅唔OK. 我又哭到崩潰.


    現在.今個CYCLE 放唔到蛋...反而無乜感覺.


    曾經因為蟲蟲問題,令我不可以有BB.有點嬲老公.


    但是,想多一層, 同老公拍左七年拖,結左婚三年. 命中注定既野. 真的不可強求. 身邊有不少女同學仍然單身. 自己有另一半陪伴. 已經是很幸福.


    SO.. 家陣我,COFFEE & TEA 照飲. 海鮮照吃.



  • 各位姊妹,我到經歷過你地既階段, 雖然最後比你地順利DD, 但我知你地既壓力真係唔細, 唔知你地去邊到睇醫生,我就係在一年多前睇董醫生, 後來驗到另一半既問題好大, 傷心左一段時間, 不過我地傾好無論睇中醫或其他治療, 一年後我地要去解決問題, 一年裡有時好沮喪,有時想放棄, 但最後去左做IVF,經過打針, 塞藥,抽蛋, 放蛋, 過程中既辛苦,壓力真係只有自己最清楚, 雖然會同老公講, 但感受始終係自己,


    不過真係要放鬆D, 如果唔係好易有情緒問題.



  • 對於我哋仲唔係bb媽媽的人來講,要放鬆,要豁達......的確好困難,有時我都叫人哋放鬆啲,但其實自己都做唔到.一次又一次的失望,好快已成為習慣,正所謂:命裡有時終須有,命裡無時莫強求.





    我曾經試過好努力,好努力,但一切已是白費,又或者bb同我還沒有緣份吧!





    有時真係因為生bb而搞到自己發瘋,成日都諗住,掛住,當時我都好怕自己會顛,後來可能自己諗通咗吧,情緒才平靜下來.





    依家回想起來,其實bb都唔係我的全部呀,畢竟我從未擁有過bb,除咗bb,我認為還有很多東西,事,人....值得我去珍惜的,無為為咗未有的bb而搞到自己有情緒病,發顛.....!





    aa,你都講得岩,我哋都有一個好老公,其實已經好幸福的了,好過一啲還未找到另一半的人呀!





    twin,你成功咗未呀?



  • Twin 你係咪生左twin? 我仲未放蛋, 好想知放蛋後有什麼地方要注意. [有幾位太太做ivf 都fail. 我都唔敢有太大希望]


    mama, 有無bb 都要照生活下去,最重要活得開心... 不過,我好憎一些男人!!(我既client 有個仔仔.就成日叫人地生bb. 又話一個家始終要有bb, 先會好.)


    仲有一些"生左bb 既太太" ,成日叫人地生. 大佬ar. 你估我唔想生!!! . 你地幸福係你地既事. 唔好迫人地跟你個套..!!!!!



  • 當你遇到一啲嘢之後,你就會得到一啲得著和啟發,呢個係我的經驗.





    不在其位不謀政,那啲容易生bb的人怎會知道難以生bb的人呢!



  • mama, aa ~~ 我而家差不多9週了, 不過釐個禮拜先叫做好D, 之前有見紅,見啡, 重入左院一晚, 自己都好擔心, 始終真係得來不易, 不知要多少眼淚, 勇氣, 耐性, 外人係唔會明白我地既, 我都怕自己未有BB, 已經有其他精神病, 其實真係要放鬆D, 當你放蛋, 又擔心著唔著床, 著床証明有左, 又怕頭3個月, 又怕會無左, 好多好多憂慮, 我之前係一個成日笑,好開心既人, 我諗諗下唔想再係禁, 我要放鬆D, 我要做既已經做曬, 唔通釐9個月都要禁? 明天再傾...



  • 同意呀, 所以唔使理其他人點想同點講, 我之前什麼人都唔講的呀, 所以聽到人地講生bb幾易, 都唔開心, 不過現在熟我多d的人我都會講比他們知, 我想要不過緣份未到, 所以他們都唔會再追問, 其他d 3 唔識7的人就更加唔理他們講什麼啦.







  • 同意你們的說法d friend生完又問你幾時生呀?仲唔生等幾時.....每次聽到都想叫好收聲啦....................有時好想放開,但又好想要bb個心好唔舒服



  • twin


    現在冇事就最好啦, take care. 你係做什麼成功的呀? 做左幾多次成功呀, 分響下經驗.



  • 我又係,我啲朋友成日叫我早啲生,我心諗:如果生得出,你估我唔想生咩,成日講真係煩.





    twin,你得咗啦,恭喜曬呀,我都未知幾時先得,食藥食到我暈,想嘔啦,咁辛苦都唔知為乜!只係想有個bb啫,好似要乞咁樣!我哋的辛苦真係要身受其中先知!



  • 唔好意思呀! 今日唔知點解, 好累, 而家先可以同你地傾下, 我叫做好, 做一次ok, 放左3個, 2個ok, 所以係twin...希望繼續順利, 因為之前成日唔舒服, 上個禮拜到而家d感冒都未清, 勁咳, 口o龍痛...


    其實由決定做ivf一路都怕唔成功, 但漸漸同自己講放鬆d, 如果你自己唔放鬆係無人可以幫都你, 我都係慢慢做到, 你地都要加油呀, 雖然有好多理由令你沮喪, 但你要再次企番起身.


    至於放蛋後唔好操勞, 唔好成日想快d買捧驗, 14日內最好搵d野分散自己既注意力, 記住唔好抽重野.聽好多人都係因為釐個原因而fail.



  • Twin,你真係有咗twin呀,真係開心到飛起啦,雖然唔係我有咗,但聽到你的好消息,真係好開心呀,尤其對於我哋呢啲咁難有bb的人來講,簡直係天大的喜事.我想問你放咗三個卵子定係三個精子呀,同埋一次最多可放幾多個卵子or精子呀?





    Twin,你有那些不舒服的情況,你真係要好好地休息呀,不要太操勞,得閒就同我哋傾下計,報告下你的懷孕心情比找地聽下啦,希望在將來的日子裡,我哋呢班姊妹個個都能夠成功懷孕,可以同你一齊傾下湊仔經啦!





    Twin,你做ivf用咗幾多錢呀?在私家做定係政府做呀?我都儲蓄緊money,如果中藥對我無用的,我可能都會去做ivf,希望好似你咁樣可以有twin啦!




  • MAMA, 放左係3個受精精卵(即由卵子同精子既結合), 醫生最多只會放3個.


    好呀, 我遲D再同你地分享多D, 因為我無返工O家 !


    我大約用左10萬, 手術及之前打針,食蘗, 覆診.我都有諗不如睇政府, 但打去問有轉介信排期見醫生都要等1年半,傲又要等, 我唔知要等幾耐...錢可以再儲, 但女人生仔有時間限制, 所以死慳D到要.



  • HH2=TWIN



  • twin,多謝你珍惜的回答.嘩,做一次ivf要10萬咁多呀,咁我都唔知要儲蓄幾耐錢先夠.我想問呢,如果做ivf唔成功的話,那麼那筆錢不是沒有了嗎?還是不成功的不收錢,或者收半費?因為唔係咁多人做一次就成功的,有啲要做幾次,做幾次ivf的人不是要幾十萬嗎?





    仲有你做ivf的過程如何的?可以分亨下嗎?







  • win,你有二個精子同卵子的結合,咁你的bb將會係同性定係異性呀?





    10萬蚊對我來講真係太貴啦,我真係負擔唔起,唉,睇中醫都用咗我唔少錢,仲係個個月都要睇,用錢無所謂,如果可以令到我有bb的,但依家都就來半年啦,好似都無效用.聽咗你講要10萬,我頭都大咗,我諗都要儲蓄下錢先得啦.其實我唔係大駛,只係人工唔高,要供樓,又要讀書………,所以都無乜錢.







  • win=twin



  • 是的, 如果放蛋後不能著床都會收足全費, 因為抽蛋日已經要交曬所有手術費用, 可以篆CARD既, 另外因為抽蛋係視乎你既打針效果, 多數應該有9-10粒, 或更多, 但都有好壞之分, 之後由胚胎專家把同精子一同培植, 應該會做10粒, 但最後係唔係全部受精就因人異定, 假設10粒都受精, 有要睇係一級,二級定係三級, 只有一,二級先有用, 如果放蛋3粒, 其餘既由醫院幫你冷凍(要收費$8000一年), 另外假設第一次放蛋後未能著床, 下次再放蛋就再比多$13000-15000


    LUNG你想做IVF ? 過程都係定時見醫生, 打針連續10-13日, 噴NOSE, 照卵既大細, OK既話醫生會約日期去抽蛋, 當然要攞埋老公既精子,等培植2日就可以放蛋, 跟住就係另人最緊張既14日, 成唔成功就係等釐段時間.



  • 唔係, WIN 唔係TWIN 呀 !



  • 我都洗左十幾萬, 家陣等放蛋. 我有9粒蛋.可能分3次放. 如果再fail. 都應該排到政府. $$$係可以搵得返, 女人既age真係唔等得.


    mama,如果你想做ivf. 就唔好睇中醫, 因為要打荷爾蒙針. 不如慳多點$$$. 供樓/讀書要洗好多$$$. 但要睇下那樣重要. 或者你俾一段時間自己慳多點,儲多點.


    你排左政府未? 政府有私家症. 一次ivf 好似五萬左右. 我一邊睇私家,一邊排政府.為左生bb. 我賣金賣股票. 晚晚回家OT. 老公又賺下FREELANCE. 盡所能力去做~~. TOUCH WOOD ,唔得咪算LAW




  • twins


    你在那麼做呀? 10幾萬真係貴,好似仁安都係5-6萬.



login to reply
 

looks like your connection to she.com messageboard was lost, please wait while we try to reconnect.