圓玄學院安排道科法事好唔好??





  • 係未死人法事果D? 聽講話做法事果D所謂師父,唔係個個掂,甚至有D根本係未皈依道教(或者來自其他宗教)0既打工經生,無法力不特已,唱經馬虎,應該係唱廣東話,重鄉音走音都落得位唱



  • 有次見上圓院拜神,見有班橙衫男女道士係咩道壇(唔記得果度叫咩名),排排坐做法事,主家死人請佢地做法事,點知堂中有幾個不停傾計,有講有笑,有咪埋眼咁,又有將白花油傳黎來黎去輪住搽,情景都好有趣。



  • 舊年佢地0向勞工處請人


    我friend見工即請


    返工連學都未點學過


    就要正式扮師父入壇做法事


    確係幾"兒希"


    後尾我friend驚唱唔到


    怕第日死左都要有排補句


    先唔敢做




  • 圓玄一早儒教主道,主席高層實質主要係儒教徒-拜孔子


    仲有睇檔人(好似係姓梅),襯道科未成氣候,無權起飛,更用權力硤硬混自己教會果邊人(日本教信ma sze sa ma)入道科做經生,有咩做都主力捧自己友,大小事務,道科主持人,想開句聲決定下都唔得,成個道科存在,只係為班主席出面威,同迎合國家提倡,扮下重視道教,道經生至得閒被安排做下宗教表演(道德經論壇、盂蘭節之後,來緊仲要攪羅天大醮),接下死人生意賺錢。



  • 想不到這麼外表風光莊嚴具名氣的拜神念佛之地


    也有如此不為外人道的黑暗面


    難怪有說人比鬼更可怕



  • 圓玄一早儒教主道,主席高層實質主要係儒教徒-拜孔子.....{really!!!}





    由於這個關係, 大部份的員工包括雜工庶務..等等, 為左保住長期飯碗, 避免因為不刷鞋不埋堆, 而隨時加罪被炒, 都會順要求皈依儒教





    3/9 星期四, 未入道的道家經生, 會先行皈依儒教, 皈依儒教之後, 繼續在廟內扮演著道家弟子的角式....念早晚課、拜懺、拜鬥、朝神、做科儀法事...等等表演工作



  • 佢地咁大間廟,唔通攪大儒教,會有人阻佢地咩!


    根本錢字行頭,權衡輕重,係人都知最幫圓玄賺錢係道科果邊,唔講其他,凈係幽科法事,日夜場加起來,扣除人工開支,閒閒地都收幾百萬,貶低道科雖然係內部指引,但對外道科仍然有存在價值,最多唔比咁多權比真正道教師父師兄口者。



  • 佢地咁大間廟,唔通攪大儒教,會有人阻佢地咩!


    根本錢字行頭,權衡輕重,係人都知最幫圓玄賺錢係道科果邊,唔講其他,凈係幽科法事,日夜場加起來,扣除人工開支,閒閒地每月都收幾百萬,貶低道科雖然係內部指引,但對外道科仍然有存在價值,最多唔比咁多權比真正道教師父師兄口者。



  • 我有朋友在圓玄學院做


    唉...



  • 我上個月去圓玄學院明勝堂樓上拜神,有個樣約50歲,身型算高,著白衫,帶重客家口音,懶嬌聲跳住舞女經生,不停洪個身埋個食住生果後生男經生處,當神同我幾個無到,嘻嘻哈哈,令人眼火爆!


    本來有沖動想去投訢,但想起神公道,自有安排,不必我操心,至打消決定.



  • Daniel replied @ 2007-09-16 10:56 am





    著全白制服


    應該同一個客家婆


    拜土地公時


    聽倒佢唱大陸山歌


    頂佢唔順


    好煩!!!



  • 唔怪得有位師父話「舊時圓玄學院人潔地靈,靈氣仙氣處處,不過依家變曬,俗氣非..今非昔比囉...」



  • 我有FRIEND做緊果度d抆香工人,佢話週不時都開大會,大粒果d會鄭重提醒各員工要顧客至上


    即係如果你o地上去拜神或者拜先人,就要當你o地上賓,顧客永遠是對的,你o地見咩唔順眼,咩人令你o地唔高興,就算係你地專登搵個打工o既師父.經生.雜工出氣,去到寫字樓投訢,就算係佢得罪你,服務不週,佢就無得講咩,一定要比人鬧(因為實係佢態度唔好在先人o地先來寫字樓投訢喎),跟住同你認錯,嚴重d甚至炒左佢(有後台撐就另計)



  • 今日上去明勝堂黎,真係有個50幾歲客家女人,睇住本經,大大聲唱山歌喎..



  • 新年去拜太歲, 清明節至到今次七月十四都有去拜阿媽


    所見圓玄學院, 乜都要搵錢, 極商業化, 但質素欠奉


    如果單為拜神, 去隔離西方寺, 感覺會較舒服



  • 佢地又請經生, 聽講話今次主要請男人, 請唔到先要女人 (只係職名好聽, 唔係咩勁人帶入去做, 就要辛苦過雜工)





    $6,000 (見工時, 可能話$5,500, 上年登$7,000, 見工即減$500)





    9:00-5:00 (其實朝早 7 點幾唔夠 8 點, 就要返到去, 如果唔係, 邊個幫你係善信來拜神前, 預先開門.點燈.起爐.?)





    懂得生存之道, 唔怕被權力鬥爭玩弄, 鍾意做刷鞋仔玩埋堆, 喜愛攪是攪非, 懂得見利忘義..者, 定能升任





    無誇張, 可以試下去應徵, 祝大家好運!



  • 用佛教儀式. 希望幫助他能到西方淨土.


    不用再受輪回之苦.








    http://www.hsilai.org/chinese/rosehill/lifecare.htm







  • 阿彌陀佛



  • 我朋友上年做過首輪經生, 開荒牛咁, 咩都污遭到死, 係咁日日清陳年垃圾, 唔停萬潔靈綠水漂白水洗洗刷刷之後, 好多人都讚佢好條件, 諗住好日子, 唉 試用期都未完, 就挨唔住是是非非指控比人炒左


login to reply
 

looks like your connection to she.com messageboard was lost, please wait while we try to reconnect.