世上只有揾食賤男嗎?





  • No.



  • 愈來愈多人一腳踏x船


    咁要點分別賤男同真心男?




  • 哈哈.....又一個針對性別的topic




  • 真心男例子:純情、見到喜歡的人會害羞、喜歡的人和他說話已經令他手足無措。



  • 如果你認為我想針對性別漫罵.真係多多得罪.


    不過係有d迷茫.希望咁多位網友比d意見.



  • 唔係, 至少我可以話你聽我自己唔係


    我船都未踏過, 又何來會一腳踏幾船



  • 以前遇過(以為)正直健康男子,點知原來都係一腳踏x船,反面無情既人.所以對人冇信心.



  • 一支竹唔可以打一船人


    我見過有好多女仔鍾意越多觀音兵越好


    遇過女仔可以突然發脾氣亂咁吠


    咁.....係咪代表所有女仔都係咁???




  • 無可否認,而家男的女的思想都變得複雜。


    這已不是對男性而言,女的還不是一樣一心幾用?



  • 世上只有妓女嗎?



  • 係呀.我分唔出好人定唔好.所以不論好醜都全部唔要.



  • 我講明我冇心去話人.不過想問下你地點分好壞人.如果大家以為有惡意.不如close左個thread好d,



  • 我好明白妳...我都係過來人...可以 call 我嗎 , 91981875



  • 冇話你有惡意


    不過唔需要諗到咁極端





    至少如果你唔識分好人定壞人


    黎不開兩樣野你都守住囉


    一就唔好有錢銀瓜葛


    二就唔好用"性"去諗住同對方建立更好的關係



  • 我諗無邊一個人可以犀利到同都未同0個個人相處就知佢係好定係壞


    如果論愛情俾你得到個靚既又有咩用, 相處唔黎咪又棧死~ 命都短幾年呀! 有時d野邊有咁完美先得架



  • 我覺得只有用多d時間去睇清楚~~ 留意多d對方言行舉止同性格先



  • 你開得個post出黎預0左有人去討論同評擊, 你個post比0個d開post搵bf / gf既人既post好好多架啦, 至少有咁多人關注



  • 唔經大腦出題目, 衰左仲要大聲過人, 香港最唔好就係呢類人, 要分好定壞? 不如先從自己入手.



  • 芝士判官,多謝你既意見.我想...以性會友對我來講都好難.錢銀就盡量啦.朋友之間都冇話太斤斤計較.



  • 芝,





    總有一日妳會遇上的!不要太灰心!至少我相信我會遇到她的!



  • 曾經用1年去睇一個人都睇錯.從此真正明白人面獸心既真諦.



  • 不肯露面既點,依家開thread正係入緊手.



  • 我都相信日久見人心0既





    至於錢銀....唔係叫你斤斤計較


    好似近期有朋友問我借錢


    我會以一個冇左都唔會心痛的金額去借


    如果借左出去又要驚


    又會煩


    不如唔好借





    至於性方面


    你唔想就即使幾鍾意對方都唔好亂黎


    因為我發覺唔少女性以為"性"係可以換取感情




  • 可能我比較保守.我覺得拍拖好快就要性既人,不過係想要性,而唔係想長久拍拖.



  • 又唔一定0既


    咁唔通女性主動少少又叫發姣咩


    有時d野, 好講timing同feeling



  • 不如講下你以前d男朋友係點,


    係咪口花花, 偷靚, 鍾意去玩既人?


    定係老老實實, 普普通通, 悶悶地一d都唔係眼既人?



  • 有d識耐小小就摸手摸腳既朋友我會敬而遠之.



  • 普通人.但果d普通人其實都唔係太普通.有時我會懷疑花心鹹濕係唔係每一個男人既天性.



  • 如果一年真係可以睇清楚一個人係點既, 就唔會有咁多離婚個案發生


    講真一個人如果真係要變既, 唔駛一年, 一分鐘都會變, 個問題係在於係究竟有咩外來因素令佢要行呢一著



  • 我覺得視乎你的目標係一個在感情上經歷幾多的人



  • 對自己女朋友鹹濕我諗每個男人都會


    你話每個男人都對女人花心鹹濕我就唔覺, 我都見過d男人同d女講鹹野, 但d女又聽到好開心, 係咪即係女人都係口不對心?



  • "講真一個人如果真係要變既, 唔駛一年, 一分鐘都會變"----呢句話好真.變到面目全非都見過.可能一開始見既都係面具.但任何人都唔相信都會好痛苦.




  • 但任何人都唔相信都會好痛苦.





    唔係叫你唔信任


    但感情/信任.....需要用時間慢慢培養嘛


    唔可能一開始就訓曬身架喎


    至於變....其實我覺得唔係一朝一夕


    你估電腦機械,一click 就可以啟動咩



  • 男人講鹹野,女人可以黑面或當眾打佢一把嗎?只有笑下輕輕帶過,過分時笑罵一下.好多時都明白佢地貪口爽講下都算.但唔代表個女既唔介意比人非禮任摸隨便同人上床掛?



  • 得罪講句,變,真係可以一click就啓動.一個電話.一杯酒之後個人就可以唔同哂.



  • 唔少男人以為講鹹濕就當有趣


    我都同意有d 人真係講野唔識分寸


    不過呢d時間, 你又有冇用番適當的回應


    俾條友知道自己講野過左火??



  • 我覺得你唔應該去否定佢一開始已經係戴假面具對你, 如果佢一開始已經係既話, 你只可以話0個個人好高招, 你要學下野, 學識下次見到d類似既人點拆招


    又話者可能其實有其他因素令佢要變, 不過呢d野唔考究啦~ 最重要既係你唔好俾佢影響到以後見咩人都要估佢真定假, 有防範係好, 但唔係叫你同人隔絕, 呢d野一單還一單, 呢一單過0左去架啦, 過0左去既就唔好諗咁多, 諗咁多都係改變唔到返唔到轉頭, 你就由得呢d野變成你歷史一部份啦, 人生匆匆數十餘年, 仲有大把路你行~



  • 大家冷靜d,芝 都係想講下心底話者,


    大家傾下,唔駛咁火既



  • 其實去到尾都係搞野, 只係你去到尾有無被騙的感覺~




  • 可能有人認為自己可以改變一個人, 但係都要睇下你想改變0個個人肯唔肯為0左0個d改變努力同埋0個決心係唔係真係咁大, 如果唔係基本上人一變0左就變0左佢係唔會為你返轉頭, 你就真係唔駛指意佢會回頭, 因為個心變0左要番都0徙gas



  • 當然唔會黑面或者打佢一把.不過我都識得令人知難而退.


    我都覺得自己比呢d口是心非既人影響太多.而家對人圓滑同識得保護自己.但當人人都係口是心非,好難再同人去交心.可能係嘻嘻哈哈食下飯,吹下水就拜拜.再見唔會特別開心,唔見都唔覺可惜.



  • 交唔交到心


    都好講時間的長短同feeling 0既....



  • 時間長短可能係一個因素.不過你會同共事數十年的同事交心嗎?交心很多時都講機遇.機遇卻愈來愈小.因為不值得.



  • 一年都睇錯? 係佢一年黎一直講緊大話? 定係都真係有愛過?



  • 我只係覺得, 一個人要呃你, 點都能呃到你, 防唔到咁多,



  • 有d野人夾人緣啦, 好話唔好話聽就好似而家咁你都唔係個個都要識個個都要交心


    時間係其次, 最重要既係你0係咩心態層面上想遇到d咩人想識到d咩人從而你才去想更深層的結果



  • 多謝你既意見,我會認真諗下.都夜了,我要訓啦.下次再傾過.晚安.



  • 你錯了, 我拎打機黎做個比喻, 你防就可能減一半hp, 你唔防可能一招了, 始終防0左係無咁傷



  • 我都係時候要訓了, 有緣再碰面吧, 再見


login to reply
 

looks like your connection to she.com messageboard was lost, please wait while we try to reconnect.