不如分享下大家男女朋友相處的點滴,讓大家感受下別人的幸福!!! (想多一點伴侶的好處;關係更進一步)



  • 我25歲, 女友23歲, 一齊左4 年多,

    同佢都分開過...當然最後都無事,,

    佢好純 (雖然有小姐脾氣),但我知佢好緊張我,

    而且唔貪$$,無要求我買名牌, 我送什麼佢都會好開心,

    下手腳膊頭,前排酷熱天氣,好擔心我中暑 (我間中在戶外工作)

    我係佢第一個男性 (sex);我同佢3年佢先肯比,

    所以我好珍惜佢,因為佢真的好難得

    將來係點...我唔知,但我會珍惜



  • **補充





    而且唔貪$$,無要求我買名牌, 我送什麼佢都會好開心,


    佢知我累會幫我按下手腳膊頭,


    前排酷熱天氣,好擔心我中暑 (我間中在戶外工作)


    我係佢第一個男性 (sex);我同佢3年佢先肯比,


    所以我好珍惜佢,因為佢真的好難得


    將來係點...我唔知,但我會珍惜



  • 小鈔=小弟





    sorry for wrong typing



  • no reply??



  • 你有個甘好的女友..





    恭喜你!!!



  • 甘0既港女...買少見少


    唔好名牌...省番唔少


    賢妻良母...要得過要得過!!!!



  • 放大對方的優點,放低對方的缺點,的確可以令關係更好;


    仲有唔好太計算、唔好同朋友既bf/gf比較.





    拍拖咁多次以黎,沒有很多特別點滴可以分享,


    只是尋尋覓覓之後,還是覺得平淡已經是最幸福.



  • chloe





    係呀,以前對佢係熱情


    之後現在是感情


    平淡但開心..



  • hihi



  • 我又想分享下我個case


    我男友住荃灣, 我住藍田, 每次去完街, 無論幾夜或者佢幾累, 佢都堅持要送我上樓。


    我有時見到車站d情侶難捨難離say goodbye, 我都覺得自己好幸福, 因為我從未試過同我男友在車站講再見。



  • 1524





    我都未試過同我女友在車站講再見, 佢同我住同一區



  • 我同你地相反


    我未試過唔係0係車站say goodbye


    因為我住得比較遠


    我又唔想佢地送完我返屋企


    又孤伶伶一個人搭返車出去



  • 等我再分享下啦


    佢煮野食就麻麻





    但記得佢覺得情人節聖誕節出街食太貴


    就會係呢d日子下廚..之間看vcd..甘就一日


    雖然味道一般..但佢真的好為我設想



  • chloe





    住得比較遠就係交通比較難相就


    唯有係車站say goodbye



  • 無人la??



  • u hv a Very gd gf wow!!!







  • 小心比人搶左佢



  • 我男友都對我好好,我而家簡直係佢既掌上明珠,雖則同年,但有時自己都覺得好幸福。不過人都係貪心,我都唔係果d要佢送名牌果d女仔,但我係一個master,而佢只係中五畢業(食蛋),個距離令到我有d辛苦。愛情同麵包係唔係真係唔可以共存呢﹖



  • 我講下我男友,我同佢一齊左一年幾,識左一個月多dd就開始拍拖,我地都係對方的初戀,我廿六歲,佢廿二,佢純情得來好成熟,無論外表定思想,佢很照顧到我,生活上處處都為我著想,最好的是用情專一,唔同其他女性約會,每日自動打比我幾次報告佢做緊乜,同佢拍拖真係好輕鬆,雖然我已到適婚年齡,佢仲未有事業,我家庭負擔重,我地兩個都無錢,短期內無可能結到婚,但佢一開始就講明想娶我,想同我一生一世,亦定左時間表,我覺得自己好好彩,雖然好遲先拍到拖,仲以為自己做硬老姑婆,但就遇到個好男人。每當我唸起將來有日是但一個要去先,要永遠分開,我就好唔捨得,所以我好珍惜同佢相處既每一日。



  • 我男朋友成日叫我做豬仔呀





    我覺得一對情侶拍拖一耐 , 大定都要付出好多去維持去經營 , 係唔容易 , 我男朋友成日都話要 "相敬如賓" , 我開頭唔明, 而家開始明白佢點解咁講


login to reply
 

looks like your connection to she.com messageboard was lost, please wait while we try to reconnect.