3個人的婚姻會幸福嗎? 第3者唔係任何人,係佢同前妻所生ge女兒,老實講,如果係第2個女人都仲好d丫,起碼可以同佢fight下,呷下唶,小器下都仲得丫,偏偏lee個係佢個女,我仲要扮大方,成日忍住忍住真係好辛苦





  • 既然妳同一個離左婚既男人結婚,


    就要接納埋佢既仔女,視為己出.


    唔通嫁俾個男人跟住將佢個女掉去保良局咩?


    妳既然嫁左佢,就要有呢種覺悟.


    有人話「愛屋及烏」,


    妳愛呢個男人,就要學識接受埋佢個女.



  • 陳美琪寫左本做後母既書, 忘記書名.


    但你可以睇下~





    ps. 個女對住你都要有好多忍讓, 3個人, 唔只係你唔慣或者辛苦...



  • 個女對住你都要有好多忍讓, 3個人, 唔只係你唔慣或者辛苦...





    totally agree!



  • 佢個女幾多歲呀? 你都要試下接納佢, 如果佢仲係好細, 咪當佢女咁o羅, 如果佢好大個, 咪當佢朋友o羅



  • 你在這話 "成日忍住忍住真係好辛苦", 其實他的女兒仲更加辛苦啦! 因她還要去適應你一起生活.



  • 講真,大家都需要適應lor,不過佢個角色可以任性,我唔可以lor,我得20零歲,我真係唔慣,唔通咁都有錯?點解你地講到好似我唔岩咁,難道佢俾我照顧會差過係單親家庭長大?


    我之所以話"成日忍住忍住真係好辛苦", 係因為我本身唔係話好鍾意細路仔,我覺得自己唔夠愛心又唔夠耐性而且不大喜歡說話,對住一個成日都要陪住佢玩,陪住佢傾計(好怕悶)既細路都真係幾累,因為怕影響大家ge關係,我蹤使好累都陪佢玩/傾計,就係因為我不斷迫自己去做d唔係我性格ge野,我覺得"忍住忍住好辛苦",希望你地明白我ge感受




  • 其他人煩我可以直接話佢煩,但係對住佢我唔講得lor



  • 我大佢10年



  • 唔係話你唔岩, 但你揀得一個有小朋友既離婚男人就要接受佢個女, 亦都應該視為己出, 個小朋友之前已經得唔倒母愛, 佢爸爸就係希望搵個伴侶唔單止對佢好, 仲要對埋佢個女好, 試諗下一個小朋友經歷兩次對自己唔好既媽媽, 個心理創傷係好大.





    仲有, 如果你係諗住同依個男人到老既, 就應該對佢個女好d, 第時你老左都會有依個繼女照顧. 當然, 你可能會自己生番個, 但大家始終係一家人, 如果你對個繼女差, 他日佢可能對你d仔女仲更加差.



  • 版主你要重新適應呢個後母嘅角色呀


    或者你需要學習下點樣做一個母親





    你覺得自己只是廿多歲,但這不是藉口


    我相信你同你老公結婚之前應該知道自己要擔當後母的角色,係咪?





    你有同你老公傾呢個問題嗎?他有否支持你?



  • 妳大佢 10 年.. 咁..


    妳唔好當佢係繼女.. 當佢係妹啦..





    佢都十幾歲.. 識諗.. 對佢好.. 佢會知..





    而家係會辛苦 d 呀.. 可能佢覺得係妳破壞左佢個家庭..


    冇計啦.. 唔多唔少.. 佢都因為妳而受左架..



  • 你大佢10年, 佢都應該唔細啦, 唔使成日湊住果隻. 你話佢可以任性, 你唔得, 你可以企喺佢果邊諗下, 爸爸同媽媽分開左, 而家又要同繼母相處, 佢咁大個都已經懂事, 掉番轉頭可能佢覺得你先係''外來者''!


    始終都係小朋友, 咪就下佢, 當佢係朋友咁相處囉!



  • 無人話你唔啱, 只係講多一面事實你聽啫~


    唔係你寫出黎就要人人呵吓你tum吓你卦?


    大家亦無講個小朋友做得啱定唔啱


    人同人相處就係要咁, 你就我我就你.


    問吓自己點解你肯就佢? 點解你要"大方"? 咪係你想你個男人唔煩, 想你個男人錫你多d囉~


    你都有"嘢"求啦, 如果唔係, 你點會肯咁就佢? 係咪?


    佢只係要你陪玩已經好好, 幾個stepchild專登同個stepmom鬥氣?


    你玩到倦, 可以直接話佢知你想休息, 你都有責任教佢體諒別人.





    ps 你嫁呢個男人時已經有呢個小朋友, 你唔係嫁之前奢想佢會突然消失嘛?


    努力d啦, 教佢做人處世之時, 自己都可以順帶upgrade自己.



  • 離婚女人



  • 你想讚我講得好定話離咗婚既女人好????





    XDDDD



  • 首先,我要澄清返d野,





    -唔係我破壞人地家庭,係佢阿媽跟佬走


    -我對佢係幾好既,就係因為我想盡量做好d,所以做左好多違背自己性格ge野,覺得好累


    -我老公不嬲都叫我唔使咁就佢個女,有野唔岩就話,只係我覺得佢唔係我親生ge,我話佢佢可能會特別在意,有時"講者冇心,聽者有意",所以我盡量避免話�


    -所以話我有所"求"係唔成立




  • 我話你求"愛"呀, 求你老公愛你呀. 如果唔係, 你使乜咁屈就自己? 真係愛心爆棚咩?!!!!





    對人好都違背自己性格??????


    咁你原本咪.....?!!!!!!!



  • 我只係想抒發一下,有時人係要搵人傾下等自己可以減減壓,要不攪到皮質醇偏高ge時侯又怎會做到一個好母親呢?



  • 離婚女人,唔怪得你老公唔要你,你太偏激


login to reply
 

looks like your connection to she.com messageboard was lost, please wait while we try to reconnect.