一句"比唔到幸福我"



  • 最近同一個男仔來往,佢好似都有點鍾意我,同我出街都對我好好咁o既~ 我地仲成日sms...兩個幾星期前,佢都有o係sms話掛住我,又問返我會唔會掛住佢~ 仲問我想唔想(我問到明,佢就話做佢女友囉!)

    o係一個星期前,我對佢開始有好感,愈來愈care佢... 但上星期佢遇到d唔開心o既事,就係佢救唔到一個人...... 我都有keep住去關心佢。前晚,我終於忍唔住send sms問佢仲想唔想同我一齊,佢話有少少想啦~ 問返我,我答同佢一樣,跟住佢話等我想多多先... 我因為佢少左理我而唔開心,佢果晚仲同我傾電話到凌晨點幾鐘,佢好眼訓先叫我第二日再o係lunch time打畀佢... lunch time,我收到佢sms問我食完飯未~

    但係我琴晚我放工o既時候,佢竟然覆話佢諗左成日,覺得佢比唔到幸福我,雖然佢有少少鍾意我,但係佢真係唔想阻住我搵真正o既幸福,仲話對唔住!

    我真係唔明點解會咁o架... 我好down... 好傷心... 覺得自己個心已經有左佢~ 我可以點呢?



  • He is succesfuly to catch your heart


    in other words, you were played



  • 咪將自己既青春押在呢亭人身上



  • 可能係因為佢突然間對自已失去信心呢?


    其實男人時不時都會有好down既時候架,你上面咪話佢因為救唔到一個人所以唔開心o既,可能係因為呢件事既影響到佢先會對你咁講啫...



  • easy~


    PK him lor



  • 比唔到幸福通常係籍口. 但佢可能釣住你, 但唔會commit





    佢係唔係人馬座或雙子座?



  • 佢話我地仲可以做朋友嘛,但我覆話自己唔慣有d咁樣o既朋友... 仲叫佢delete左我~ 之後就一直都無覆喇~


    而我o係回家路上已經將佢個電話delete左,返到屋企仲delete埋msn(仲記得o既)... 如果佢唔搵我,我就搵唔返佢o架喇~


    我琴晚真係好唔開心,仲喊左出o黎......





    re: 小花


    佢係天蠍座~ 我都係!



  • re: 文


    o係果件事發生左之後,佢對我真係冷淡左d... 而且初初唔肯講發生咩事,我過左一兩日再問過,佢先講我知咋...... 之後就見佢o係msn改一d好負面o既名,形容自己失敗、痛苦...



  • 咁佢係唔係做果D救傷隊之類既工作,重要係新仔岩岩入行無幾內果種啊?



  • re: 文


    你好聰明!佢有做義工o係救傷隊做野,不過都有一段時間o架喇... 唔係太新~


    應該係8年前入,中間好似停過(不過佢無講我知,係我自己發現)~



  • 咁你知唔知佢... 係唔係第一次救唔到人呢?


    唔好聽咁講... 如果位傷者真係死系佢面前既話... 對佢打擊都真係幾大架



  • su, 我嘅係ex係人馬座, 佢鍾意講呢句嘢. 但每次我give up唔再理佢, 佢又扮可憐, 又咁又咁. 拖泥帶水, 結果拖吓兩年才真正分手





    如果佢再揾你, 你一係試吓了解背後原因, 開解吓佢. 一係就冷却一下再算啦, 但係佢如果真係躭擱你嘅時間, 你就唔好再拖啦, 同佢88



  • re: 文


    咁我又唔知呀!無聽佢講過!


    佢話果個係一個地盤工人,由高處墮下~ 佢唔識果個人,不過應該係同佢果個site做野,佢知道後就去救佢,果陣個人仲未死,無流血... 淨係典下典下咁~




  • 我有個friend系消防隊工作,佢個team-mate去左... 佢都要去睇心理醫生...


    咁你話打擊大唔大啦...



  • re: 小花


    我都唔知佢仲會唔會搵我呢!


    我想同佢一齊都係因為覺得佢係一個好人,而且佢對我都算幾細心!



  • re: 文


    消防員都係佢夢想,考到之後,佢阿媽唔比佢做~


    佢話唔講呢件事(有人死左o係佢手)我聽係唔想我唔開心喎......


    但佢又知唔知佢唔講,我會覺得佢唔當我係朋友,仲講話鍾意我喎!



  • 其實你有樣野做錯左架-


    當佢遇到d唔開心o既事時候 keep住去關心佢係岩,但係你send sms問佢仲想唔想同你一齊就唔係好岩啦...




  • 我想反問一句,


    如果佢真係同左妳一齊,


    而妳真係發覺「佢比唔到幸福妳」係事實,


    妳會點?



  • re: 文


    我都知,自己有時都衰心急...


    但我唔做都做左囉... 又係果陣佢叫我諗好就講佢知o既~


    咁我可以點呢?





    re: ai


    呢d野... 到時再算啦!




  • 我可以講既野就只有"一切隨緣"囉...


    有時有D野可能真係整定架...


    你而家無野可以做啦... 只要做返你"平時既自已"就得架啦



  • re: 文


    我都知~


    好多謝你今晚開解我呀!



  • 我真係唔明d男人諗乜呀!


    究竟佢係咪玩緊我呀?即係知道自己追到手就特登唔同我一齊......


    琴晚我o係msn問佢鍾唔鍾意我,佢reply話鍾意又點唔鍾意又點~ 跟住我就要offline... 之後用sms繼續... 我問佢成日笑我係咪代表作弄我,佢話唔係... 跟住我繼續正話個問題,我話鍾意同唔鍾意緊係好唔同啦!鍾意就睇下佢願唔願意做果個人,唔鍾意我以後咪唔煩佢囉~


    佢就淨係叫我訓啦!唔好諗咁多啦!



  • 個男仔好似無乜自信,遇到困難又會去逃避。跟他一起可能你時常鼓勵他,又要避免令他面對太多壓力。





    你想清楚自己是不是想跟這樣的人一起吧。



  • 咁人地都話自己俾唔到幸福妳啦,


    仲同妳say sorry,


    咁妳仲可以點?


    佢咁做,都係唔想同左妳一齊先發覺有問題.


    唔通妳會認為,


    佢同左妳一齊,俾唔到幸福妳,


    仲要俾妳飛左佢,真係咁過癮咩?


    佢都係唔希望呢個悲劇發生啫.



  • 我問過佢點解咁講,佢停左一停又好似講唔出,我覺得係唔想講吧~


    話無得解o架喎!我問係咪佢覺得?佢話係覺得囉...



  • Sutera


    就係因為咁你sms 比我 你想我同你講乜丫





    其實你都慣架啦 係咪 仲講黎做乜丫



  • 我都話唔明男人諗乜o架啦... 佢前日開始又搵返我, 而家又想同我一齊喇~


login to reply
 

looks like your connection to she.com messageboard was lost, please wait while we try to reconnect.