我想問有無人做過羊膜穿刺手術, 係唔係唔會打麻醉針同埋好痛架?

[uc9]

[wai]

我聴人講係唔會打麻醉針架... 痛肯定有架... 我今個月底就做啦..我都好驚.

[sze]

係咪即係抽羊水呀?如果係,我試過喇,會搽少少藥係肚皮度架...會感覺到有野桔落肚皮架,仲會有d扯下扯下既感覺架...

[wai]

sze, 咁你覺唔覺痛呀同埋過程要幾耐呀..?

[mama]

我生我個女果陣都有試過呀! 響私家醫生度做! 其實過程唔係好耐(十幾分鐘啦), 佢照住ultrasound, 再用支針吉入個肚, 吉之前, 姑娘會搽d麻醉藥落個肚度, 但係你會feel度支針穿過個肚皮囉!



做完之後, 個姑娘會叫你出去休息20分鐘先好走! 我做果陣好驚, 一黎唔知會唔會影響個B, 一黎又唔知個result會係點(我果陣係照頸皮high risk, 所以要抽胎水), 所以我出左去之後, 驚到暈(係真係暈), 我老公斟左杯暖水俾我, 我攤左響張sofa度, 等左差不多半個鐘先好d. 不過我個同事佢over35歲, 佢去抽, 但係佢冇乜野囉!

[wai]

尋日終於抽完羊胎水,比我想像中冇咁痛, 抽時都係一分鍾攪掂. 而家就要等三個星期後先有結果. 希望冇事.

[neptune]

係咪一定要抽羊胎水?定係醫生叫到先做?

[wai]

neptune,



我因為過咗35, 醫生話可以抽血驗,可以抽羊胎水驗. 抽血驗就有84%準, 抽羊胎水就100% 準, 但我唔想連果16%都擔心,所以咪抽囉... 其實都唔係咁痛啫...

[小吉]

我生阿女時都有抽，因為我驗血結果緊緊合格但係甲胎蛋白又過高，所以都係想抽羊水驗安心ｄ．　　都吾係太痛既不過就好驚ｌｏｒ．