一個28好仔分享自己既故事,同時亦想識番一d唔係玩玩下既女仔,無野做咪當入去睇下故仔law



  • 她叫D...3年前係friendster識, 最初我都無諗過網友原來真係可以變成女友,

    果時我岩岩大學畢業,佢仲讀佢a-lev,記得第一次見面之前我地傾左一晚通頂,

    發現原來佢間中學就係我屋企附近,大家原來每日都差唔多係同一時間,係同一個地鐵出口出入,

    於是就約左第二朝見面...佢真人好靚,個樣好似阿嬌(真係架,試過幾次有人問佢攞簽名...),

    大家係mtr講左幾句,佢就番學,我就番工....

    之後幾日,我地都約左係mtr見一見, 夜晚亦會講下電話,

    後尾有一日, 我病到七彩,諗住唔番工去睇醫生,佢就話唔番學陪我去...

    當時好感動...就係咁我地就係果日開始左...

    xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

    一個月後, 佢有一日突然問我會唔會介意佢唔係virgin,

    我有乜可能介意,講真今時今日我諗要小學先搵到virgin,同嘛係唔係又如何??

    原本佢同我講佢之前好壞,14歲已經唔係,果時成日莆,係好多地方同條仔都做個,

    (k房,公廁,巴士....條仔亦迫佢做個好多野,用口,吞x,3p,什至後面)

    講真可能依度好多bro都好想搵到d咁激既女sp/sl,

    問題係佢係你條女,而佢講緊既係同之前條仔既野,

    我當時感覺有d唔知點,但諗諗下,每個人都有過去,又何必計較??

    最重要係而家大家鍾意對方

    xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

    期間同D拍拖都好有壓力,因為實在太多狂風浪蝶,而佢又唔識得避忌,我只可以對依段感情有信心

    a-lev完結,佢屋企唔想佢讀u,要佢快d搵$,

    我同佢講今時今日,有個學位點都會好d,

    佢話屋企唔會俾$, 於是我就話我供,

    有d fd覺得我要幫人養嘛女好白痴, 而且我亦唔係搵好多...

    但我真係好愛佢, 而且好多野唔可以計住計住

    xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

    1年前自己27歲,覺得都係時候諗下結婚, 於是大家就計劃係我32歲果年結,

    拍左5次拖, 唯一今次我有好認真思考依個問題,畢竟身邊有好多朋友都結婚...

    之後我就同佢買左一對鑽石介指....

    xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

    5個月前佢突然問我可唔可以早d結婚, 我話我地唔係已經計劃好咩?

    原來佢老母成日去賭$,番到屋企就小個女唔搵工,佢想快d搬出哩住,

    我其實都好想快d,但結婚要$,我又未儲到,

    慢慢佢開始嫌棄我搵得唔夠, 我無怪佢, 一個未打個工既人係唔知搵$難,

    我同佢講,我又要俾屋企,又要俾你(我每個月都會俾$3000佢當零用),又要幫佢交學費,自己都要娛樂消費,

    唔係咁易儲到$....佢就問我點解唔炒股票, 我話炒股票都唔係赚梗, 佢就話我唔敢搏無發達,

    我真係好無耐....點解一個人會突然變成咁.....我開始有d不祥感

    xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

    最後終於俾我發現佢係出面有第2個,仲係一個有$仔二世祖,

    係我無品我check佢電話,但我真係無辨法,

    好多時打俾佢唔聽,次次都話收唔到,

    但係個電話明明打得通又點會收唔到??

    同佢攤牌,我同佢講,你要出去玩你都玩得醒d,

    唔好留低d record俾人跟到,一個月500幾個sms…

    佢竟然同我講話係明俾我知…勁無奈,我真係啞曬,

    但我仲好鍾意佢,因為真係好想同佢有將來,

    我問佢仲鍾唔鍾意我,佢又話鐘意,

    但我叫佢唔好再搵條仔,佢又話唔得,

    咁即係點??佢叫我俾d時間佢,我無問題,

    我剩係同佢講希望佢識點做,

    依段時候,我唯有當無野,扮傻仔,

    仍然咁出街睇戲食飯…….

    隔左一個月,我問佢條仔有無搵你,佢話有但無理佢,

    我真係好想信,但試過俾另一伴出賣既人都知果種惶恐感,

    我忍唔住再check佢,其實我知道大家關係去到依個位同玩完無分別,

    但我唔介意俾人呃,只要我俾人呃得快樂…係我認我白痴,

    點知又俾我摷到,今次佢delete曬d sms,

    但我係佢本album見到一d我唔想見到既野….

    佢同條仔既合照…仲要係攬住果隻…

    我繼續扮無野,但一個人唔開心真係好難扮…

    佢竟然仲要小我話如果早知你咁無mood就唔好出街…

    我再一次同佢講問佢其實想點,佢又話我迫佢,

    大佬,我都係人哩架,我都有感受架,

    佢就話如果依家有個人同你求婚有層樓俾你,問我係佢會點,

    佢咁樣講我個心已經死左一半….

    我話睇下你點去衡量$同3年感情,

    佢無答….跟住又拖拉左1個月,我終於忍不住,分手…..

    xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

    分左手一個月好唔習慣,以前因為成日陪佢,fd好多function都唔去,有女既場合因為唔想佢誤會,更加唔會到…所以我識好少女仔,電話phonebk唔多個10個女仔電話,我哩she.com唔係想搵女友,因為我覺得自己仲未ready去開新關係,但係又好怕無乜機會識人,所以希望係到識番d女仔….

    我自問都算好仔,28歲有份正當職業,5’7-8”, 155lbs,食煙飲酒我係會,但絕唔係bar既常客,我好憎人賭$,亦唔鐘意睇波,我真係好想識番d女仔21-26歲,最好係已經做緊野,希望大家可以係度傾下了解下,我唔係靚仔個隻,d 女性朋友都認為我係型型地有style果隻,我無乜太大要求,只要你唔好高過我就得…



  • 依度係咪根本無人會真心認真咁對人?



  • 唔係無


    係睇你遇唔遇到



  • 人唔經歷過,唔會知道自己需要0既係咩





    如唔係你0既ex,你依家就唔會list 到你想識咩女仔



  • 終於有人肯應下,愛情的確會令一個人成長,


    可惜係當二人步伐不一致,問題就出現...



  • 多謝兩位指教,我都仲有好多野諗唔通...



  • um...what's a pity...this story sounds so upset and disappointed... someone love truely and give the most good stuff to his lover...however, what's the result? full of tears and pains..


    best wishes....好仔



  • siuchek


    絕對同意





    當兩個人無共識,無共同目標,一齊落去根本無意思


    世界上好小有談一世0既戀愛


    戀愛後,係需要感情維繫


    如何維繫,必須思想一致,無太大距離





    好仔


    只想講....拍幾多次拖都好,遇到咩女仔都好,每次完結戀情後,你自己都無任何改變.....你自己都無成長....





    諗唔諗得通,係自己問題,任何人同你將同一段說話講100次都好,你唔想通就唔想通



  • 同情一下好仔,不過d咁o既女,嫁比他咪仲大鑊....唔好怪我坦白



  • sigh...this is life...


    人生就係要經歷...


    好多野唔到你控制...


    每一樣野既發生都有佢既原因...你就當係"愛一個上一課"吧...





    d到真係可以搵到真心既朋友,睇你好唔好彩 ^.<



  • Actually, if there are more choices for the girl, the story will be like that...dont think that having a pretty gf is good. Frankly speaking, if there are better choice, it is normally the girl will choose the better one.



  • ^^


    totally agreed!! d咁既女仔,你應該開心你未同佢結婚



  • cc


    agreed but not all gals are like that gei...



  • 而家真係有好多女仔係咁樣架啦...



  • 其實我覺得個女仔係愛你的話便唔會同其他人一齊,又唔會咁對你(唔聽電話,避開你)。





    女人都唔係個個係好人,下一次你搵個真係愛你的吧。













  • 其實你ex gf要乜野,佢已經好明確咁話左比你知,既然佢想要bread,你同佢講愛情,根本係2樣野黎,早表態好過遲丫.....



  • 個女仔要既似乎唔係only bread...you should be glad...依家好多女仔都係咁,不過當然都仲有好既女仔既 ^^ think positive!



  • 好仔


    I just broke up w/ my bf too..we r totally different kind of ppl...


    I give a lot for this relationship...but the result?


    Life is like this. I blame no one.


    Hope you'll get happier.



  • sigh...



  • 好仔...呢個故事真係...作為一個女仔, 我都唔爭佢...


    其實我有時都好唔明, 點解個心可以容納多過一個人? 一個人既心只可以愛一個架咋, 冇其他空位架喇! (或者有d女仔都唔可以話愛, 所以先同時時幾個一齊啦!) 我唔想批評你既ex...不過, 你決定同佢分手真係明智架! 有時, 你對人好, 人地唔識珍惜, 只係單方面既愛, 唔會長久開心架! 正如單戀一個人既痛苦一樣!! 唔使擔心呀! 如果你真心對待人, 一定會有人欣賞你架!




  • 你既職業係咩呀, 點解識唔到女仔既?



  • mi:


    我對愛情其實真係好簡單,平時工作已經要面面俱圓,對住女友我只想做番自己...


    不過依段感情的確另我成長唔少,但同時亦令我對自己失去信心....





    dejA_vu:


    我都好希望真係識到,男女都好,唔好剩係會飲飲食食就好,


    之前睇到有關d老鬼既thread,都覺得除左d有性既thread,其他都無乜人理...





    babe G:


    你咁講...唉....等.....你認為賤男多同賤女多??





    森美:


    我其實唔係無bread...只不過個bread唔夠大個....咁bread既野其實可以大家搵嘛





    dejA_vu:


    人地成日話緣份會哩就會哩,唔急得,但如果我唔主動d,恐怕我無乜機會識女仔





    silence:


    of course I don’t blame anyone for this mishaps, I always think in every relation, both have responsibility, 一隻手係永遠拍唔響…我只係慨嘆人生既無奈





    sad:


    我讀男校, fd全部都係仔,大學時我個科得50人,女仔得1/3,唔係有仔就係唔岩,而且我無住宿舍,功課又多,無時間識其他學系既人,我係建築師,公司係有女同事,但我唔想係公司搞男女關係,況且唔係有女就得,係女就上架嘛….可能我比較謄小啦




  • hope ur a happy person like im and forget the unhappiness real quick la.



  • 每一段感情都會令人成長, 我十分同意架!


    哈哈! 我讀女校架! 情況同你差不多呢!


    唔好對自己失去自信! 只係你未遇到你既mrs right!


    我都討厭辦公室戀愛...好似好尷尬咁...




  • 您地好呀,我最近發現一個有趣的香港免費交友網站,我相信它是一個新的網站,如果有興趣你地可以去那裡看一看





    www.hongkongnetfriends.com





    您地可能覺得它只是一個廣告, 但更重要的是它是一個完全免費是交友平臺


    如果你真的關心尋找一個真心的朋友,何不一試,對於你完全沒有損失!





    打攪打攪..)



  • Silence:


    i used to be very optimistic abt my realtions, but perhaps too optimistic to be realistic, and my faith and confidence is fading away....





    Sad:


    老實講,唔係唔信緣,只係究竟咩係緣,緣需唔需要fight for?



  • 我都係失戀冇幾耐...感覺總是空空的...我同佢都係friendster識架...


    我要求都唔係高...尊重我同起碼有正當職業就ok!唔需要高薪厚職!


    佢竟然為左睇VCD而遲到成個鐘, 由得我0係條街等左佢成個鐘!


    一直都話要為自己理想職業而努力...只係quit左份工0係屋企hea...




  • 往往感情就係唔係我地想像中咁容易...你諗得簡單時, 點知就係咁複雜


    兩個人相處真係一門學問呀!



  • 好仔 & silence


    我做人都optimistic架! 感情上都希望可以做到! 但當失戀時難免會唔開心...


    每個人都需要時間get through既!


    希望可以幫你分擔到 :)



  • sad, thx for your support....同是天涯淪落人....


    i have been sticking to my fds these days, but sometimes feel quite embrassed to disturb their lives....




  • 我都好耐冇喺度post過msg....


    不過見到你個故事又好想同你傾下....


    唔好咁灰啦...


    呢個世界仲有好多人唔開心過你...


    你要慶幸你依家終於睇清楚一個人...


    佢冇左既係一個真心愛佢既人...


    而你冇左既只係一個耍緊你既人啫...


    我都經歷過好多好多...


    不過再唔開心既都過去....


    朋友係互相幫助既,我相信你既朋友都好樂意陪你...唔好自己諗埋一邊啦~



  • 好仔, do you have msn?



  • lady:


    really appreciate your reply, i am much honor to have so many ppl here viewing my thread, and not just always abt sp/sl, sorry, i have no grudge towards those ppls but thatls just not my way. i enjoy having a decent dinner and a little chat or maybe a movie rather than on the bed





    cc:


    yes, 受寵若驚...but can we know each other more here, i do not want to add and delete ppl, i intend to keep those added in my list forever, so how do you feel abt a relation like that?



  • Got to sleep now, hope to see you all tomorrow nite here again, goodnite to all.



  • 好仔


    緣份要到,會自己黎...機會係係你手...唔係叫你係到等,而係有時人係需要靜落黎review下自己...review下人生觀同review下你既要求會唔會唔同左


    因為當有一d野發生左之後可能對我地有影響,可能冇...


    每個人都會因為一d事而長大...


    lady講得好0岩,你既真正朋友係唔會覺得你煩架,佢地會明白你,支持你...


    得閒一個人坐底諗下...過去d一後時間...你得到過既,失去過既,享受過既,傷心過既...佢好與唔好都好,只少你知道依家佢唔係你既ms.right...or 未係 (who knows?!?!)





    d到冇錯係sex板係真係最多人,不過佢地都唔係冇好人既,佢地有d都可以做到真正朋友,唔係淨係飲飲食食出黎玩...





    真正朋友,其實邊到都有可能同機會,只係有冇緣,好唔好彩...同大家都係以一個咩既attitude...





    haha feel like myself so boring of talking all this since the morning =P





    Morning to everyone! and wish everyone has a good day today!!! (i had been quite down and in bad mood/luck for almsot 3 weeks already hahaha)







  • 快d忘記佢,揾個好女仔再拍拖。




  • 好仔,


    我都係剛剛同男友分開左~俾d時間自己啦....加油呀!!



  • dejA_vu:


    好語重深長既話...之前見到個post題為『緣在前生,份在今世』好正...


    你又有d乜野唔開心??





    winnieyi:


    點搵....我今日真係有衝動係街問個女仔攞電話,但最後都係無咁既勇氣...





    R:


    nice to meet u!!!





    TO ALL:


    忽然覺得自己有一步步變成電車男既傾向....



  • 好仔


    me? 有咩唔開心? 哈哈太多唔同既野喇 ^^


    『緣在前生,份在今世』.......um.....等我又搵下d個post睇下先...





    電車男?! 咁又唔好咁講


    大家都係係到互相俾d意見同支持



  • 嘩, 唔係掛, 你o係條街度見到個女仔好靚架?



  • ling:


    普通啦,咁d fd話問下又唔會死人,但我真係做唔到,


    如果係街有人問你攞而又唔係樣樣衰衰你會點?



  • 好仔





    i feel sorry for u that u had really bad gf



  • 我都試過有個男朋友真係係巴士到識架 =p



  • nvm^^ just feel it is more convenient to chat in msn...as when i back home , u seem usually not here.It is really hard to chat with u..


    Your point of view is right^^we can chat there first



  • 好仔,


    學會忘記先會有新既開始,如果唔係你永遠只會拎佢同你既新女友做比較~


    想問就問吧,唔俾先算。哈哈﹗



  • 唉, 屋企電腦壞左, 所以冇辦法出現!





    好仔:


    朋友係會0係你失意既時候支持你, 當你開心既時候佢都會同你分享架! 你唔好話怕打擾佢地既生活, 都係互相支持0者! :)


    講真, 就算係電車男, 佢都係好人呀!你睇佢幾鐘意愛瑪仕!! 雖然佢係差左dd勇氣, 不過最終都有啦!


    哈哈! 0係街問人攞電話...睇下係咩場合啦! 你唔會無啦啦走上前, 跟住問人攞電話...點都有d尷尬掛...不過, 如果係有卡片會好d...你可以俾人, 叫人call你...個女仔有心同你做朋友都應該會call你啦!


    以前我做暑期工時都試過有個男仔俾張卡片我走黎識我...結果大家做左朋友囉!




  • 試下諗一d方法令自己relax d, 開心d?


    - 聽concert/ 唱k, 可以嗌下, 宣洩下情緒


    - 泡一杯花茶 (最好係洋甘菊+薰衣草), 真係有紓緩作用架, 飲完個人會平靜d


    - 睇一d唔使用腦既電影, 大笑一番


    - 做運動 (平時你鐘意做咩運動架? 可以叫朋友陪你一齊)


    - 我試過有一次唔開心, 自己走左去赤柱...行沙灘...都ok架!




  • 一段感情, 要雙方都認真對代先會甜蜜, 如果單一方付出, 係唔會幸福架!(好似2人3足, 都要步伐一樣先玩到啦)


    {經一事長一智} 我相信每一次既經歷 , 都係一個考驗, 而家你跑唔到終點, 唔代表依一世都跑唔到架麻!



  • 路過





    但我係男他..希望你唔好介意^^





    好多人都同你講...人生係充滿希望


    又教左你好去發洩的方法


    所以我就唔同你講呢D..





    但我想問下你,你話你自己成長左,成長左係邊度呢?


    你知道因為乜野原因而令到雙方關係破壞?


    雖然我相信你所講既說話,但係感情有時唔可以分對或錯...


    你認為你自己係呢段感情上做得最錯係乜野呢?


    我真係希望你諗諗..唔想你重複犯錯..


    因為我係你所講既裡面發現有D地方其實係幾怪...(我唔識形容...=.=")


    有D野,你咁做...真係好嗎?



  • hey, ppls, at office working now, and i am not so convenient to read thru every reply, but let me say, i am so glad u ppl follow on this thread, u ppl give me strength in my time of weakness!!!


    hey faijai1980, i dont mind u r boy, and i have taken your question into notice, i will ans that when i back home tonite!!!


    hey, my fds is asking me out for drink tonite to cheer me up, i will be in m1 bar at tst tonite around 10:00, so maybe u can drop by!!!


login to reply
 

looks like your connection to she.com messageboard was lost, please wait while we try to reconnect.