係咪d男仔多數都唔中意個女朋友行街買野?



  • 我同其他女仔一樣, 都係好鐘意行街睇野買野,男朋友話我成日都行街, 佢話一個星期同我出一日行街都會好累,情願係屋企都唔想出去,成日行行下又話想返屋企,返去又無野做.....



  • 我gf會同佢d女朋友Shopping,bf好似唔係要嚟Shopping下嗎?如果拍拖都只係行街Shopping,我都情願係屋企同搵過另一個gf.....



  • 都唔知有乜好行,成世人最憎就係行公司,極度無聊。





    唔係我唔需要買衫買鞋,但買乜野一早就決定左,有哂目標,一衝入去就買買買買買,成季衫褲鞋襪只花一個鐘買好哂。





    你理得我鍾意晌屋企攤屍好,打機好,總之去行公司就早抖啦。



  • bf 千祈唔好跟我行街添呀, 阻住哂!


    見到o的男人戇十十咁企晌門口等, 替佢難過.


    女仔同女仔行咪幾好, 有共同目標.




  • 我鍾意買野, 我唔鍾意行街, 但我會行山. 我去到外國旅遊, 我就會行多過坐車.





    我係想買野才會行, 唔會一得閒就去行, 試過有段時間工作好辛苦, 一到星期五晚就會大叫辛苦, 我同老公會講我想出外行下, 周圍行下.





    我老公未同我結婚前, 鍾意我行街, 可能佢覺得女仔都係鍾意行下街, 佢又鍾意我買野(但係我唔捨得亂買野, 又唔係有錢...), 可能我就係唔鍾意行街佢才會想我行下街, 我唔想買野佢才想我買. 到我真係好迷行街買野睇戲, 可能佢又會嫌我都未定.




  • bf 千祈唔好跟我行街添呀, 阻住哂!


    見到o的男人戇十十咁企晌門口等, 替佢難過.


    女仔同女仔行咪幾好, 有共同目標.








    by 我有我天地 - 05/29/07 17:01





    同樣地, 老公睇模型, 電腦, 遊戲機........我做老婆都係企係出面等喳喎, 雖然我冇興趣, 但係我甘願陪佢, 我對果啲野冇乜興趣, 但係我又唔介意, 兩個人相處, 係屋企佢就我多啲, 行街我就佢多啲, 感情先可以維繫得好



  • 我唔係日買夜買,返工放工都無乜時間行,但係一星期一日得閒緊係同男朋友出街,唔通話我想同朋友去行街...我都會同佢睇佢鐘意既野,不過唔知係咪所有男仔都係一樣,有目標就去買買完走人..我係想佢幫下眼,比意見..


login to reply
 

looks like your connection to she.com messageboard was lost, please wait while we try to reconnect.