一個30歲女人,同男友拍左幾年拖,感情變淡,無動力去愛其他人亦唔再相信愛情,呢個情況下你地會唔會為結婚而結婚?





  • 結婚係想結先結, 唔係夾硬結, 你依家無呢個衝動去結, 咁咪遲d先囉, 30都唔係好遲姐, 過多幾年先啦



  • 唔好為結而結,咁樣唔會有幸福...


    反而你同佢要打好感情基礎...咁樣先可以長久




  • 結婚有時只係一時冲動既想法!


    當兩個人一齊耐咗, 一定會淡, 愛情其實係好短暫, 如果你覺得你男朋友係你將來既理想伴侶, 你就要好好對待呢段關係, 否則你可以繼續追尋愛情, 直至你厭倦或找到那個 MR. RIGHT.


    我同你既情况其實差唔多.....



  • 其實結婚係應該同一個可以與自己生活到既人一齊,大家互相扶持,一齊進步。幾激烈既愛情都好,最後一定會變成感情,平淡下來。或者更差既係大家互相傷害到對方。





    呢個世界,搵一個比到自己安全感,願意同佢長相廝守既人一d 都唔易,珍惜!!!~!



  • Agree!



  • 咪害人啦,分手啦,男人都會hurt架,自私的女人



  • please see this:





    http://x94.xanga.com/


    393d334772d33101738247/


    b71725367.jpg



  • 分手



  • 拍左幾年拖,感情變淡



  • 唔愛人就早D分手啦..真係害己又害人...



  • 感情內左一定會淡, 睇你自己點睇, 要保持新鮮係要雙方努力的.. 要學懂珍惜



  • HI..好老實講..拍得耐一定會淡..問題係當自己認為淡左既時候你會點去面對者..會用另一方式繼續呀.定係放手..如果一淡就要分手既..我諗會好難搵到一段長久既愛情呀.珍惜係好緊要的.



  • 我明白亦會接受拍得耐一定會變淡,無可能日日都咁熱情,但我男友唔係咁諗,佢好似唔可以接受平淡,我有做d野令大家有新鮮感,但做完佢完全無反應/唔欣賞,,但佢又要求有新鮮感..拍左幾年,,我都會好珍惜我地的感情,但呢d係雙方面..



  • 是的, 是雙方面都要負出的,, 如果只有單方面,就只有分手的下場!





    wendy 講得好對:


    用另一方式繼續呀.定係放手..如果一淡就要分手既..我諗會好難搵到一段長久既愛情呀.珍惜係好緊要的.





    但我覺得好多時女人會努力維繫, 但男人唔懂, 他們會覺得一淡就要分手, 無諗方法去解決



  • lill


    你講得好岩.女人好多時都會用方法去維繫,但男人就會覺得淡左.點做.點補救都係冇用.因為佢地認為感覺是冇得呃的.況且感情的事係雙向呀.事但一方面諗既野.唔同對方.咁就好快完呀.



  • 30


    咁你有冇諗過比d時間大家去冷靜下..


    分開下(不是分手,但男仔成日覺得分開冷靜同分手係冇分別)..


    係分開佞段時間重需唔需要對方.有時人真係好衰.唔失去過係唔會珍惜.


    如果分開冷靜下.大家認為係好需要對方既.再一齊返可能會再有新火花.


    但大家分開左都覺得可以既.接受到既.咁未算咯.如果係有依個感覺.再落去都冇用呀.




  • 可能你地好好好好激情啦. 我同老公拍左拖10年才結婚, 我都唔知咩叫淡咩叫濃. 總之, 我唔想佢唔開心, 我會做事逗佢開心, 我會因為佢d事勞氣. 我地就係咁一直相處, 到結了婚一年, 大家都係咁. 仲因為一齊生活而互相包容.





    不如你認真諗清楚咩叫愛情啦. 如果真係淡, 咁不如唔好係一齊啦. 如果你只係想有個伴, 而佢又係同你的想法一樣. 結婚都無問題呀. perfect match, 每一對夫妻都因某些原因一齊, 只要你地夾就得啦.





    世上有咁多人, 點解你唔想hurt佢, 點解你會hurt/拒絕一個陌生人呢? 人真係好自私, 佢唔鍾意的人/物, 基本上你唔會忍到. 我成日同老公講, 人有惻隱之心, 但係講真, 某君係街邊乞食, 我一丁點都唔覺得佢慘, 就只有我老公一個人, 佢有少少損傷, 我會肉痛. 佢喊, 我會喊, 佢笑我會笑. 但係我都想講, 我地唔激情囉. 可能人地會話我地淡架.



  • ^...^





    我諗你呢D吾係激情,係愛





    如果你同你老公想法一樣,即係都咁愛對方,為對方設想,好幸福呢!



  • Muse 講得對:


    ^...^ 的是愛, 只有真正的愛才可做到咁


    這不是叫淡,, 你們的境界已去到好高了





    感情淡唔係問題,問題係大家有沒有為這段感情而負出







  • 有d 問題, 拍拖又唔愛人地, 即係依幾年都當人地係水泡嗎? 妳小心誤左一個男人既青春同金錢wor, 妳都要諗下人地既處境先得架?





    第二, 真係唔想既, 早d同人講原因兼分手喇. 至於結婚, 我覺得有幾分避風頭既意味, 妳要諗清楚, 否則, 就連佢既下半生都被妳...



  • 咁我地真係愛對方的. 不過, lill話我地化境高就唔敢認喇.


    有時見到以前追過我的人, 個樣又靚仔又高大, 又無咁肥. 會好希望自己老公型仔d, 佢又無情趣, 又遲鈍. 所以一般無見到佢勁心跳, 淨係有一年出街佢打扮得好好睇就有心跳過一次咁大把. 不過佢個樣好搞笑架. 同佢一齊開心就得啦.







  • yes ^..^, 兩人開心最重要


    平淡是福



  • 我明白亦會接受拍得耐一定會變淡,無可能日日都咁熱情,但我男友唔係咁諗,佢好似唔可以接受平淡,我有做d野令大家有新鮮感,但做完佢完全無反應/唔欣賞,,但佢又要求有新鮮感..拍左幾年,,我都會好珍惜我地的感情,但呢d係雙方面..





    by 30 -





    我既情況同你一樣


    而我, 就選擇了在三十歲時同佢結婚


    問我點解?


    我只可以話, 我想定下來


    沒有愛情感覺就不可以結婚嗎?


    我覺得唔係喎...或者話


    我習慣左同佢一齊...而結婚, 係好似好自然會行既一步


    你問我依家係咪愛佢,,我只可以話, 我同佢有感情, 未必係男女之間的感情, 而係兩個人相處得耐的感情, 還有責任.





    結婚, 另一個原因, 我想有自己的小朋友.


    可以話係自私的想法, 但係, 我真係想...





    婚後, 選擇不去期望太多,


    我會做好太太的本份, 做好家務, 做個好媽媽


    老公生日, 我點都會做d野


    但係, 你問我係咪呢d行為叫做我愛佢的表現~~我只可以話, 有點保留...


    我覺得, 我係"應該"這樣做





    最近遇上另一個男人


    令我重拾起失落已久的戀愛感覺


    同佢無開始,


    只停留在感覺階段


    這已足夠了...


    落到實際生活層面


    個個男人都一様吧....




  • 咁我無打算生仔,最近我地成日都嗌交,呢幾日我真係完全死心,好想放棄呢段感情,而家已經係咁,第時結左婚我唔知會點,,



  • 我對愛情都抱住越來越懷疑的態度


    30+,


    咁你同你老公是否財政獨立呢?


    各位,係咪真係個個男人都一樣?


    如果係,我都係叠埋心水,一係留向佢身邊,一係分手,以後自己一個算數..




  • 路過人





    對,我同老公的財政係獨立既


    我地人工差唔多,每人每月放咁多錢入聯名戶口


    用來供樓,養車,阿囝使費等等...


    女人,一定要有自己的事業,就算我係媽咪,都係咁話...





    對於老公,其實,我唔可以話我完全唔care�


    但係,已經唔係大家想得好"恩愛"果種...


    但我已經習慣左. 係同屋主咁上下的關係...





    睇你點睇....戀愛係唔會永遠長久


    要習慣有d男人係無咁細心, 無咁有心去學同人相處...


    但係, 你要衡量係咪承擔得起沒有另一半的感覺


    我都有後悔過結婚, 但係, 夜閫人靜時, 還是覺得, 經過了"結婚"這個階段, 自己才叫滿足吧..懶理婚後是否快樂





    而且 人都大了, 還可以追尋到甚麼?


    遇到另一個男人, 佢又係已婚~~根本像我這等年紀, 遇到, 都係呢d情況...





    我不相信世界上會有很多美滿良緣...


login to reply
 

looks like your connection to she.com messageboard was lost, please wait while we try to reconnect.